अल्पवयीन पाल्यांना गाडी द्याल तर पालकांवर ही गुन्हा दाखल होणार !!

वाढवणा पोलिसांचा ईषारा ..

 

खबरदार....!

चित्रा न्युज प्रतिनिधी 

हंडरगुळी :-आजकालचे कांही पालक मोठ्या रुबाबात स्वत:च्या अल्पवयीन पोरा- बाळांना गाडी चालवायला चावी देऊन प्रोत्सहान देतात. म्हणुनच हळी हंडरगुळी {ता.उदगीर} या गावातील गल्लीबोळात व मेन मार्केट व महामार्ग या ठिकाणी नादान असलेले तसेच वाहतूक नियम माहित नसलेले शेकडो  लहान मुले धूम स्टाईल २ चाकी सह व ट्रॅक्टर चालवत असल्याचे आणि कशीही पार्क करत असल्याचे दिसते. यामुळे अधून-मधून हलके-फुलके अपघात होताना दिसतात.म्हणुन या गावातील सामान्य जनता ना बालक असलेल्या चालकांवर व त्यांना थाटा-माटात गाडी चालवायला देणा-या त्यांच्या पालकांवरही कारवाई करावी,अशी मागणी करत आहेत. आजकाल कांही पालक स्वत:च्या अल्पवयीन पाल्यांना छोटे,मोठे वाहन चालविण्यासाठी चावी देऊन त्याच्या पाठीमागे बसलेले दिसतात.

म्हणुन आता यापुढे अल्पवयीन मुला बाळांना गाडीची चावी देणा-या त्या सर्व पालकांवर ही पोलिस प्रशासनाद्वारे कायद्यानुसार कारवाई करण्यात येणार आहे.तसेच दि.२० जुन रोजी कारवाई केल्याप्रमाणे पुन्हा एकदा कारवाईचा बडगा उगारण्यात येणार असल्याची माहिती आहे. म्हणुन या पुढे अल्पवयीन चालकांसह

त्यांना गाडी चालवायला देणे आता त्या पालकांच्या चांगलेच अंगलट येणार आहे.यापुढे पोरांना गाडी देणा-या पालकांवरही गुन्हे दाखल होणार आहेत. तेंव्हा मुलांचे भविष्य म्हत्वाचे आहे का,गुन्हा ! हे पाहणे म्हत्वाचे आहे.

अलीकडच्या काळात लहान मुलांना शाळा,काॅलेज व अन्य कामांसाठी बाईक देण्याची फॅशनच आली आहे.

वाहतूक नियम माहित नाहीत. लायसंन्स नाही.तरीही धूम स्टाईल बाईक चालवितात, हे सर्व माहिती असूनही मुलांना चावी देऊन गाडी चालवायला प्रोत्सहान देणे म्हणजे त्या लेकरांचे नाव खाकी वर्दीवाल्यांच्या लिस्ट मध्ये ऐड करण्यासारखे आहे.