💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२२ - ७ डिसेंबर 

‌शालिवाहन शक १९४४, विक्रम संवत २०७९

भा. रा. १६ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : शुक्ल          

‌तिथी : चतुर्दशी (०८.००) ~ पौर्णिमा 

वार : बुधवार  

नक्षत्र: कृत्तिका (१०.२०) ~ रोहिणी    

राशी: वृषभ 

*श्री दत्त जयंती*

प.प. श्रीधर स्वामी जयंती (कर्नाटक)

पौर्णिमा (प्रारंभ सकाळी ८ वाजता)

भारतीय लष्कर ध्वज दिन 

आंतरराष्ट्रीय नागरी विमानसेवा दिन

१८२५: बाष्पशक्तीवर चालणारे ’एंटरप्राईज’ नावाचे जहाज कोलकाता बंदरात दाखल झाले. भारतात आलेले अशा प्रकारचे ते पहिले जहाज होते.

१८५६: पहिला उच्चवर्णीय विधवा विवाह कोलकात्यात झाला.

१९३५: प्रभातचा धर्मात्मा हा संत एकनाथ महाराजांच्या जीवनावर आधारीत अस्पृष्योद्धारावरचा चित्रपट मुंबईतील कृष्ण सिनेमात प्रदर्शित झाला.

१९४९: भारतीय सशस्त्र सेना ध्वज दिवस साजरा करण्यास सुरुवात झाली.

१९७२: अमेरिकेने चंद्रावर जाणाऱ्या अपोलो १७ चे प्रक्षेपण केले.

२०१६: पाकिस्तान इंटरनॅशनल एरलाईन्स चे पीके ६६१ विमान कोसळले. यात ४७ लोकांचा मृत्यू.

जन्मदिवस 

१८७९: भारताचे क्रांतिकारक जतीन्द्रनाथ मुखर्जी 

१९२१: स्वामीनारायण पंथातील अध्यात्मिक गुरू प्रमुख स्वामी महाराज

मृत्यूदिन

१९४१: कविवर्य भास्कर रामचंद्र तथा भा. रा. तांबे 

१९७६: विचारवंत आणि शिक्षणतज्ज्ञ गोवर्धनदास पारेख 

१९८२: संगीतशिक्षक बाबूराव विजापुरे  

१९९७: ज्योतिर्मठाचे शंकराचार्य स्वामी शांतानंद सरस्वती 

२००४: अॕमवे चे सहसंस्थापक जय व्हॅन ऍन्डेल 

२०१३: ज्येष्ठ अभिनेते, दिग्दर्शक , विनय आपटे

*।। दास-वाणी ।।* 

वापी कूप सरोवर । 

नाना सरितांचे जे नीर । 

मेघ आणि सप्तसागर । 

मिळोन आप ।। 

क्षारसमुद्र दिसताहे । 

सकळ जन दृष्टीस पाहे । 

जेथे लवण होताहे । 

तोचि क्षारसिंधु ।। 

।। जय जय रघुवीर समर्थ ।। 

 दासबोध : ०८/०५/१३-१४ 

वापी म्हणजे बारव, अरूंद तोंडाचा छोटा आड. कूप म्हणजे खोल विहीर. सरोवर म्हणजे गोडया पाण्याचे मोठे तलाव. सर्व नद्यांमधून खळाळणारे पाणी. मेघ किंवा जलद अथवा ढगांमधे साचलेले पाणी. आणि सात समुद्र हे सर्व आपतत्वाचेच बनले आहेत. या आपतत्वालाच आपोनारायण म्हटले जाते.

क्षारक्षीरसुरासर्पिदधि इक्षुर्जलं तथा । 

समुद्र दूध मद्य तूप दही आणि इक्षुरस म्हणजे उसाचा रस यांची मुबलकता म्हणजे ते सात समुद्र होत.

यापैकी खाऱ्या पाण्याचा अथांग सागर 

किनाऱ्याकडे झेपावताना सर्वानाच दिसत असतो. ज्या पाण्याचे लवण म्हणजे मीठ नावाचे क्षार बनते तो आपतत्वाचा बनलेला क्षारसिंधु होय. 

स्थूळपंचमहाभूतेस्वरूपाकाशभेदोनाम समास.

🙏💐💐💐💐💐🙏