💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - १० ऑगष्ट

‌शालिवाहन शक १९४५, विक्रम संवत २०७९

‌भा. रा. १९ श्रावण १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : वर्षा

मास : अधिक श्रावण  

पक्ष : कृष्ण         

तिथी : दशमी                 

वार : गुरूवार 

नक्षत्र : रोहिणी (२८.००) ~ मृग                       

राशी : वृषभ 

आंतरराष्ट्रीय बायो डिझेल दिन

१६७५: ग्रीनीच येथील जगप्रसिद्ध वेधशाळेचा (Royal Observatory) शिलान्यास.

१९८८: दुसर्‍या महायुद्धात, बेकायदेशीरपणे बंदिवासात टाकलेल्या किंवा हद्दपार केलेल्या जपानी वंशाच्या अमेरिकन नागरिकांना राष्ट्रपती रोनाल्ड रेगन यांनी प्रत्येकी २०,००० डॉलर भरपाई देण्याचे कबूल केले.

१९९०:मॅगेलान हे अंतराळयान शुक्रावर पोचले.

१९९९: औषधांच्या दुकानांत विकल्या जाणार्‍या औषधांत प्राणिज पदार्थ असल्यास त्याचा उल्लेख वेष्टणावर करणे अनिवार्य असल्याचा केंद्रसरकारच्या सामाजिक न्याय खात्याचा निर्णय.

जन्मदिवस 

१७५५: श्रीमंत नारायणराव पेशवे -  नारायणराव बाळाजी भट - ५ वे - पेशवा 

१८१४: नेस्ले कंपनी चे संस्थापक हेनरी नेस्ले

१८५५:’गान सम्राट’ उस्ताद अल्लादियाँ खाँ – जयपूर -अत्रौली घराण्याचे संस्थापक व कोल्हापूर दरबारचे प्रसिद्ध गायन सम्राट 

१८६०: संगीतशास्त्रकार, हिन्दुस्थानी संगीताचे प्रसारक, संशोधक व गांधर्व महाविद्यालयाचे एक संस्थापक पं. विष्णू नारायण भातखंडे 

१८९४: व्ही. व्ही. गिरी – भारताचे चौथे राष्ट्रपती, लोकसभा सदस्य आणि केंद्रीय मंत्री

१९६०: देवांग मेहता, भारताच्या माहिती तंत्रज्ञान क्षेत्रातील एक अग्रणी व्यक्तिमत्त्व आणि नॅशनल असोसिएशन ऑफ सॉफ्टवेअर अँड सर्विस कंपनीज (NASSCOM) चे अध्यक्ष 

१९६३: फूलन देवी, राजकारणी, पूर्वाश्रमीची डाकू.

मृत्यूदिन :

१९४२: हुतात्मा शिरीषकुमार.

१९५०: संगीतकार खेमचंद प्रकाश

१९८२: मनाली कल्लट तथा एम. के. वैणू बाप्पा – भारतीय खगोलशास्त्रज्ञ. तार्‍यांची प्रत आणि त्यांच्या वर्णपटातील परस्परसंबंधांची उकल केली.

१९८६: जनरल अरुणकुमार वैद्य यांची अतिरेक्यांनी पुणे येथे हत्या केली. १९६५ आणि १९७१ च्या भारत पाकिस्तान युद्धात अतुलनीय शौर्य गाजवल्याबद्दल त्यांना ’महावीरचक्र’ मिळाले होते. त्यांच्या लष्करप्रमुखपदाच्या काळातच ’ऑपरेशन ब्ल्यू स्टार’ची कारवाई झाली होती. 

१९९२:लेफ्टनंट जनरल शंकरराव पांडुरंगराव (पाटील) तथा एस. पी. पी. थोरात. संयुक्त राष्ट्रसंघाने शांतता प्रस्थापनेसाठी कोरियात पाठवलेल्या शांतिसेनेचे ते सेनापती होते. कीर्तिचक्र, पद्मश्री, सावरकर पुरस्कार असे अनेक मानसन्मान त्यांना मिळाले होते. 

२०१२: सुरेश दलाल – साहित्य अकादमी पुरस्कार विजेते गुजराती कवी, लेखक आणि संपादक.

*।। दास-वाणी ।।* 

जयास घडीने घडी । 

लागे भगवंती आवडी । 

चढती वाढती गोडी । 

भगवद्भजनाची ।। 

जो भगवद्भजनेंवीण । 

जाऊं नेदी येक क्षण । 

सर्वकाळ अंत:करण । 

भक्तिरंगें रंगलें ।। 

।। जय जय रघुवीर समर्थ ।। 

 दासबोध : १४/०३/२३-२४

कवी आणि त्याचे प्रासादिक याचे वर्णन आहे.

ज्याला सतत चढत्या वाढत्या प्रमाणात भगवंताची आवड लागली आहे. भगवंताच्या भजनाशिवाय त्याला इतर काहीच गोड वाटत नाही. त्यामुळे तो अखंड भजनात किंवा नामस्मरणामधे तल्लीन झालेला असतो. एक क्षण सुद्धा तो भजनाला विसंबत नाही. ज्याचे अंत:करण सदा सर्वदा रामरंगी रंगलेले असते. अशा भक्तिमान भक्तकवीच्या मुखातून बाहेर पडलेले कोणतेही शब्द हे प्रासादिक काव्यच ! 

असा विवेक आणि वैराग्ययुक्त भगवंताचा भक्त आपल्या प्रासादिक काव्याने परमेश्वराला संतुष्ट

करून घेतो. श्रोत्यांनाही मंत्रमुग्ध करून भक्तिमार्गाकडे खेचून घेतो.

कवित्वकळानिरूपण समास.

  🙏 💐💐💐💐💐 🙏