हाळी-हंडरगुळीत जोरदार पाऊसग्रा.पं.समोरच्या मैदानाला आले मिनी जलतरण तलावाचे स्वरुप !!

 चित्रा न्युज प्रतिनिधी 

हंडरगुळी  :-दि.८,९ व १२ जुन पासून गायब झालेल्या पावसाने दि.२ जुलै रोजी जबरदस्त पुनरागमन केले.एक तास पडलेल्या जोरदार पावसामुळे पेरणी केलेले तसेच न केलेलेही शेतकरी सुखावले आहेत.पाणसाळ नसल्या- मुळे हंडरगुळीच्या ग्रा.पं.समोरील मैदानाला मिनी जलतरण तलावाचे स्वरुप आले होते.

एकंदरीत आजचा हा पाऊस कडक ऊन्हात व सोसाट्याच्या वा-यात वाया जाण्याच्या मार्गावर असलेल्या पिकांसाठी टाॅनिक ठरला असल्याने पेरणी केलेले आनंदी दिसतात.तसेच मोठ्या पावसाच्या प्रतिक्षेत आजवर पेरणी न केलेले शेतकरी आज दि.२ जुलै रोजी कोसळलेल्या जोरदार पावसामुळे पेरणीसाठी चांगले झाले. म्हणुन समाधानी दिसतात.

हा पाऊस या वर्षी आतापर्यंत पडलेल्या पावसापेक्षा मोठा होता.

तसेच आजच्या पावसाचे वैशिष्ट्य म्हणजे ना विजांचा कडकडाट , ना ढगांचा गडगडाट.एकदम शांततेत पण जोरदार पडला.यामुळे शेतकरी व सामान्य गावकरी सुखावले आहेत  गावची संसद असलेल्या ग्रा.पं.पुढील मैदानावर पाणीच पाणी साचल्याने मैदानाला मिनी जलतरण तलावाचे स्वरुप आले होते.