भद्रावतीच्या समस्यांना नवी दिशामाजी नगराध्यक्ष धानोरकरांचे 'राजकीय पुनरागमन'

चित्रा न्युज प्रतिनिधी 

भद्रावती : विधानसभा निवडणुकीनंतर राजकीय विजनवासात गेलेले माजी नगराध्यक्ष अनिल धानोरकर पुन्हा एकदा जनसेवेच्या मैदानात उतरले आहेत. शहरातील अनेक वर्षांच्या समस्यांना वाचा फोडत, त्यांनी आपल्या समर्थकांसह पुन्हा राजकारणात दमदार पाऊल ठेवले आहे.

या पुनरागमनामध्ये त्यांनी थेट नागरिकांच्या मूलभूत प्रश्नांवर लक्ष केंद्रित केले आहे. शहरातील झोपडपट्टीधारकांना कायम पट्टे मिळणे, मोकाट कुत्रे आणि जनावरांमुळे निर्माण होणाऱ्या समस्या, तसेच अस्वच्छ नाल्या आणि कचरा व्यवस्थापनाचा अभाव अशा अनेक ज्वलंत मुद्द्यांवर त्यांनी प्रशासनाकडे निवेदन सादर केले.

या निवेदनावर मुख्याधिकारी डॉ. विशाखा शेळकी यांनी तात्काळ लक्ष देण्याचे आश्वासन दिले असले, तरी निधी आणि मनुष्यबळाच्या कमतरतेमुळे येणाऱ्या अडचणींबद्दलही त्यांनी प्रामाणिकपणे खंत व्यक्त केली.

२००८ ते २०२३ अशी प्रदीर्घ काळ शहराच्या विकासाची धुरा सांभाळलेल्या धानोरकरांचे भाजपमध्ये झालेले हे पुनरागमन केवळ राजकीय समीकरणे बदलणारे नाही, तर भद्रावतीच्या नागरिकांना एका नव्या आशेची ज्योत दाखवणारे आहे. शहराला पुन्हा एकदा गतवैभव मिळवून देण्याचा त्यांचा निर्धार, झोपडपट्टीधारकांच्या कायम पट्ट्यांच्या स्वप्नांना पंख देणारा ठरू शकतो. यावेळी निवेदन देताना शहर महामंत्री प्रशांत डाखरे,राकेश खुसपुरे सरफराज अली, अफझल भाई, आशिष ठेंगणे, प्रशांत झाडे, संदीप कूमरे महिला आघाडीच्या प्रणिता शेंडे, लता भोयर, रेखा राजूरकर , आदीसह अनेक भाजपा समर्थक व कार्यकर्ते उपस्थित होते.