मुस्लिम सोशल फोरम तर्फे ईद ए मिलादुन्नबीच्या शुभेच्छा मंडपास वर्धा जिल्ह्याचे पालक मंत्री मा. डॉ. पंकज भोयर यांनी भेट दिली.

चित्रा न्युज प्रतिनिधी 

वर्धा – मुस्लिम सोशल फोरम तर्फे ईद ए मिलादुन्नबीच्या निमित्ताने भव्य शुभेच्छा मंडप बाजार चौक, वर्धा येथे उभारण्यात आला होता. या मंडपाला आज वर्धा जिल्ह्याचे पालक मंत्री मा. डॉ. पंकज भोयर यांनी भेट देऊन मुस्लिम बांधवांना ईद ए मिलादुन्नबीच्या मनःपूर्वक शुभेच्छा दिल्या.

शुभेच्छा मंडपाच्या भेटीदरम्यान मुस्लिम सोशल फोरमचे पदाधिकारी एस .के. सलीम उर्फ सल्लू भाई, रिझवान पठाण, आसिफ खान, अकरम शेख, इद्दू भाई व कार्यकर्ते  मोठ्या संख्येने उपस्थित होते. मुस्लिम सोशल फोरमच्या पदाधिकाऱ्यांनी राज्यमंत्री डॉ. पंकज भोयर यांचे स्वागत केले. 

मुस्लिम बांधवांनी दिलेल्या आत्मीय सत्कारास मंत्री डॉ. पंकज भोयर यांनी प्रतिसाद देत सर्वांना सद्भावनेचा व समाजकल्याणाचा मार्ग अंगीकारण्याचे आवाहन केले.

मुस्लिम सोशल फोरमच्या वतीने उपस्थित मान्यवरांनी मंत्री महोदयांचे आभार मानले व पुढेही समाजहितासाठी असे कार्यक्रम राबविण्याचा निर्धार व्यक्त केला.

मुस्लिम सोशल फोरमच्या वतीने सर्वांना ईद ए मिलादुन्नबीच्या हार्दिक शुभेच्छा!