हल्लेखोर गुंडावर मकोका अंतर्गत कठोर कारवाई करावी; नामदार रामदासजी आठवले यांची कडक भूमिका...

सुजित धनवे उपसंपादक महाराष्ट्र राज्य.

मो. नं. 7058137098/9615179615

पुणे : रिपब्लिकन पार्टी ऑफ इंडिया (आठवले) चे राष्ट्रीय अध्यक्ष तथा केंद्रीय सामाजिक न्याय राज्यमंत्री ना. रामदासजी आठवले यांनी पुणे येथील ससून रुग्णालयात जाऊन सुनील साळवे यांच्या जखमी कुटुंबीयांची भेट घेतली. डॉक्टरांनी अभिजीत साळवे, यशदीप साळवे व रत्नमाला साळवे यांची प्रकृती स्थिर असल्याचे सांगितले. इतर जखमी आदर्श साळवे, रेश्मा साळवे, दिग्विजय सोनवणे व सद्दाम पठाण यांचीही आठवले यांनी विचारपूस केली.

रविवारी रात्री नान्नज (ता. जामखेड) येथे दहा-बारा गुंडांनी तलवार, कोयते व काठ्यांनी साळवे कुटुंबीयांवर जीवघेणा हल्ला केला. महिलांनाही गंभीर जखमी करण्यात आले. अभिजीत साळवे यांच्यावर पंधरा-सतरा वार करून त्यांचा जीव घेण्याचा प्रयत्न झाला.

हल्लेखोर गुंडांवर मकोका अंतर्गत कठोर कारवाई करावी. तसेच  सर्व आरोपींना तात्काळ अटक करून 120(B) कट रचल्याचा गुन्हा दाखल करावा..

साळवे कुटुंबीयांना पोलीस संरक्षण द्यावे

आरोपींचे मोबाईल सीडीआर तपासून सूत्रधारांना अटक करावी..

    दलितांवरील असे भ्याड हल्ले अजिबात सहन केले जाणार नाहीत. हा संतापजनक प्रकार असून मी स्वतः मुख्यमंत्री व गृहमंत्री देवेंद्र फडणवीस यांची भेट घेऊन मकोकांतर्गत कठोर कारवाईची मागणी करणार आहे..असा इशारा नामदार रामदासजी आठवले यांनी दिला.

        या प्रसंगी परशुराम वाडेकर, संजय सोनवणे, आशिष गांगुर्डे, काकासाहेब खंबाळकर, श्रीकांत भालेराव, विजय वाकचौरे, महेंद्र कांबळे, शैलेंद्र चव्हाण, महिपाल वाघमारे, शशिकला वाघमारे यांच्यासह मोठ्या संख्येने कार्यकर्ते उपस्थित होते.