💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌

‌इसवी सन २०२४ - १४ जानेवारी 

‌शालिवाहन शक १९४५, विक्रम संवत  २०८०

‌भा. रा. २४ पौष १९४५,

युगाब्द  ५१२५

संवत्सर नाम : शोभन

अयन : उत्तरायण

ऋतू : हेमंत

मास: पौष 

पक्ष:  शुक्ल  

तिथी: तृतीया (०८.००) ~ चतुर्थी (२९.००) ~ पंचमी                  

वार:  रविवार

नक्षत्र : धनिष्ठा (१२.५०) ~ शततारका         

राशी : कुंभ 

*भोगी*

*लोहडी*

*धनुर्मास समाप्ती* 

*विनायक चतुर्थी* 

*भूगोलदिन* 

स्वामी विवेकानंद जयंती (तिथीनुसार)

विशेष घटना :

१९९८: दाक्षिणात्य गायिका एम.एस. सुब्बलक्ष्मी यांना ‘भारतरत्‍न’ हा सर्वोच्‍च सन्मान जाहीर.

१९९४:मराठवाडा विद्यापीठाचा ’डॉ. बाबासाहेब आंबेडकर मराठवाडा विद्यापीठ’ असा नामविस्तार करण्यात आला.

१९४८:’लोकसत्ता’ हे मराठी वृत्तपत्र सुरू झाले.

१९२३:विदर्भ साहित्य संघाची स्थापना झाली.

१७६१:मराठे आणि अफगाणी यांमध्ये पानिपतची तिसरी लढाई झाली. दुसर्‍याच दिवशी संपलेल्या या युद्धात अफगाण्यांचा निसटता जय झाल्यामुळे भारतीय इतिहासाचा चेहरामोहरा बदलून गेला.

जन्मदिवस :

१९७७:नारायण कार्तिकेयन – भारतीय फॉर्म्यूला कार रेसिंग ड्रायव्हर 

१९२६:महाश्वेता देवी – बंगाली लेखिका

१९२३:चित्तरंजन कोल्हटकर – अभिनेते

१९१९:सय्यद अख्तर हुसेन रिझवी ऊर्फ ’कैफी आझमी’ – गीतकार 

१९०८: ज्येष्ठ पत्रकार आणि रॉयवादी विचारवंत द्वा. भ. कर्णिक 

१९०५: दुर्गा खोटे – हिन्दी व मराठी चित्रपटातील अभिनेत्री. सुमारे ५० वर्षांच्या कारकिर्दीत त्यांनी ३०० हून अधिक चित्रपटांत भूमिका केल्या. १९८२ मध्ये ’मी दुर्गा खोटे’ हे त्यांचे आत्मचरित्र प्रसिद्ध झाले. 

१८९६:’रिझर्व बँक ऑफ ईंडिया’ चे पहिले गव्हर्नर सर चिंतामणराव द्वारकानाथ देशमुख उर्फ सी. डी. देशमुख

१८९२:शतायुषी क्रिकेटमहर्षी प्रा. दिनकर बळवंत तथा दि. ब. देवधर.  प्रथमश्रेणीचे ६२ सामने, १०० डाव, ११ वेळा नाबाद, ९ शतके, ३९५१ एकूण धावा, ४४.३९ सरासरी. भारत सरकारतर्फे त्यांना पद्मश्री (१९६५) व पद्मविभूषण (१९९१) या पुरस्कारांनी गौरविण्यात आले. 

१८८२:रघुनाथ धोंडो तथा र. धों. कर्वे – समाजस्वास्थ्यासाठी संततिनियमन आणि लैंगिक शिक्षण यांसाठी बुद्धिवादी विचारप्रवर्तन व प्रत्यक्ष कार्य करणारे विचारवंत, महर्षी धोंडो केशव कर्वे यांचे ज्येष्ठ पुत्र 

मृत्यूदिन:

१७४२:एडमंड हॅले – हॅलेच्या धूमकेतूचा शोध लावणारे ब्रिटिश खगोलशास्त्रज्ञ, भूवैज्ञानिक, गणितज्ञ, हवामानशास्त्रज्ञ आणि भौतिकशास्त्रज्ञ 

१७६१:सदाशिवराव भाऊ – पानिपतच्या तिसर्‍या युद्धातील सरसेनापती 

१७६१:विश्वासराव – पानिपतच्या ३ र्‍या युद्धात मारले गेलेले नानासाहेब पेशव्यांचे ज्येष्ठ चिरंजीव (जन्म: २ मार्च १७४२)

१९२०: डॉज ऑटोमोबाईल कंपनीचे सहसंस्थापक जॉन फ्रान्सिस लबाडी

१९९१:चित्रगुप्त श्रीवास्तव ऊर्फ ’चित्रगुप्त’ – संगीतकार 

२००१: माहितीपट निर्माते फली बिलिमोरिया

*।। दास-वाणी ।।* 

वायो जाणीव जगज्जोती । 

तयास मूळमाया म्हणती । 

पुरूष आणी प्रकृती । 

याचेच नांव  ।। 

वायोस म्हणती प्रकृती । 

आणि पुरूष म्हणती जगज्जोती । 

पुरूषप्रकृती शिवशक्ती । 

याचेच नांव  ।। 

।। जय जय रघुवीर समर्थ ।। 

 दासबोध : १०/०९/०७-०८ 

निश्चळ स्वरूपात जी हालचाल दिसते तो वायू. वायूमधून जाणीव कळा निर्माण होते. वायू ही जाणीवरूप जगज्जोती आहे. त्या वायूलाच मूळमाया असे नाव आहे.

वायूला म्हणतात प्रकृती. तर जगज्जोतीला पुरूष म्हणतात. प्रकृती पुरूष ,  शिवशक्ती किंवा अर्धनारिनटेश्वर ही सर्व समानार्थी नावे आहेत. वायूमधे जो जाणीवेचा भाग आहे तोच प्रकृतीमधील पुरूष आणि तोच ईश्वर समजावा.

पुरूषप्रकृतिनिरूपण समास.

🙏💐💐💐💐💐🙏