दि. १ नोव्हेंबर २०२६ ला असलेल्या राष्ट्रीय लेखक दिनानिमित्त साहित्यिक व अभंगकार प्रा.अरुण बाबारावजी बुंदेले यांचा अभंग वाचकांसाठी येथे प्रकाशित करीत आहोत.
राष्ट्रीय लेखक दिन
एक नोव्हेंबर । राष्ट्रीय लेखक ।
दिन असे खास । लेखकांचा ॥
अन्याय शोषण । वर्ण जाती भेद ।
ग्रंथातून छेद । लेखकाच्या ॥
तत्वज्ञ लेखक । चिंतन प्रतीक ।
वंचित दर्शक । आत्मभान ॥
शब्दशिल्पिच्या या । तेज लेखनीला ।
सत्य चिंतनाला । सलाम हा ॥
साहित्यात असे । सामाजिक जाण ।
समाजात मान । लेखकाला ॥
लेखनीला असे । धार वैचारिक ।
अन् सांस्कृतिक । लेखकाच्या ॥
समाजाची मूल्ये । समता विचार ।
जीवनाचा सार । शब्दातून ॥
परिवर्तनाचे । एक शिल्पकार ।
तेच कथाकार । ग्रंथकार ॥
एक नोव्हेंबर । लेखकाच्या दिनी ।
प्रणाम करांनी । लेखकांना ॥
संत कबीर कविराज पुरस्कार प्राप्त
अभंगकार
प्रा.अरुण बाबारावजी बुंदेले, अमरावती:८०८७७४८६०९
0 टिप्पण्या