💐 || सुमंगल सुप्रभात || 💐‌ 🌞 दिन विशेष

‌

‌इसवी सन २०२२ - ६ डिसेंबर 

‌शालिवाहन शक १९४४, विक्रम संवत २०७९

भा. रा. १५ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : शुक्ल          

‌तिथी : चतुर्दशी              

वार : मंगळवार  

नक्षत्र: भरणी (०८.३०) ~ कृत्तिका   

राशी: मेष (१५.००) ~ वृषभ 

*श्री. गजानन महाराज (अक्कलकोट) पुण्यस्मरण* (दिनांकानुसार)

*भारतरत्न डॉ. बाबासाहेब आंबेडकर महापरिनिर्वाण दिन*

१७६८: एनसायक्लोपीडिया ब्रिटानिकाचा पहिला अंक प्रकाशित झाला.

१८७७: द वॉशिंग्टन पोस्ट या वृत्तपत्राच्या प्रकाशनास सुरूवात झाली.

१८९७: परवाना टॅक्सीकॅब सुरु करणारे लंडन हे पहिले शहर ठरले.

१९७१: भारताने बांगलादेशला मान्यता दिल्यामुळे पाकिस्तानने भारताशी राजनैतिक संबंध तोडले.

१९८१: डॉ. एस. झेड. कासिम यांच्या नेतृत्त्वाखाली पोलर सर्कल या जहाजातून भारताची तुकडी आपल्या पहिल्या अंटार्क्टिक मोहिमेवर गोव्यातील मार्मागोवा बंदरातून रवाना झाली.

१९९२: अयोध्येत कारसेवकांनी बाबरी ढाँचा पाडला. त्यानंतर उसळलेल्या दंगलीत सुमारे १,५०० लोक ठार झाले.

१९९९: जर्मनीची लॉनटेनिसपटू स्टेफी ग्राफ हिला ’ऑलिम्पिक ऑर्डर’ या प्रतिष्ठेच्या पुरस्काराने गौरविण्यात आले.

जन्मदिवस 

१८२३: जर्मन विचारवंत मॅक्स मुल्लर 

१८५३: संस्कृत विद्वान, शिक्षणतज्ञ, इतिहासकार हरप्रसाद शास्त्री 

१८६१: कवी रेव्हरंड नारायण वामन टिळक 

१९१६: गंधर्व भूषण जयराम शिलेदार 

१९१७: बास्किन-रॉबिन्स चे सहसंस्थापक इरब रोबिन्स

१९२३: लेखक व पटकथाकार वसंत सबनीस 

१९३२: पद्मभूषण पुरस्कार विजेते हिन्दी लेखक, पटकथालेखक, दूरदर्शनचे अतिरिक्त संचालक कमलेश्वर 

१९४५: अभिनेता शेखर कपूर

१९४८: भरतनाट्यम् नृत्यांगना सुचेता भिडे-चापेकर

मृत्यूदिन 

१८९२: सीमेन्स कंपनीचे संस्थापक वर्नेर व्होंन सीमेन्स 

१९५६: भारतीय राज्यघटनेचे शिल्पकार डॉ. बाबासाहेब आंबेडकर, अस्पृश्यांच्या मुक्तिसंग्रामाचे खंदे नेते, अस्पृश्य समजल्या जाणार्‍या जातीतील पहिले मॅट्रिक व पहिले पदवीधर, इंग्लंडमध्ये बॅरिस्टरची परीक्षा दिली आणि अर्थशास्त्रात डॉक्टरेट मिळवली.

१९७१: भारतातील भूविज्ञान अध्ययनाचा पाया घालणारे वैज्ञानिक कमलाकांत वामन केळकर 

१९७६: पत्री सरकार चे (प्रति सरकार) संस्थापक आणि कम्युनिस्ट पक्षाचे खासदार क्रांतिसिंह नानासाहेब पाटील 

१९९८: परमवीर चक्र विजेता मेजर होशियार यांना वीरमरण.

२००९: भारतीय अभिनेत्री बिना राय 

*।। दास-वाणी ।।*

कामधेनु जाणिजे इंद्रे । 

सृष्टीत उदंड खिल्लारें । 

महद्भाग्य भोगिजे नृपवरें । 

इतर कर्मानुसार ।। 

नाना व्यापार करिती जन । 

आवघेचि म्हणती सकांचन । 

परंतु कुबेराचें महिमान । 

कोणासीचि न ये ।। 

।। जय जय रघुवीर समर्थ ।। 

 दासबोध : ०६/०९/१४-१५ 

कामधेनु ही फक्त इंद्रापाशीच असते. तर सृष्टीमधे हजारो गाई गुरे अनेकांकडे असतात. राजे आणि सम्राट ऐश्वर्य भोगतात. सामान्यजनांना पूर्वकर्मानुसार जे भोग असतात तेच भोगायला मिळतात.

पृथ्वीवर व्यापार करणारे असंख्य धनाढय व्यापारी असतात, पण म्हणून त्यांच्या वैभवाची तूलना कुबेराच्या संपत्तीशी कधीच करता येत नाही. त्याचप्रमाणे मतमतांतरामधे व्यस्त असलेले, एकमेकांना वादविवादामधे हरवण्यामधे धन्यता मानणारे पंडित आणि ज्ञानी योगेश्वराचे आत्मसमाधान यांची तुलनाही कधीच होऊ शकत नाही.

सारशोधन समास.

  🙏💐💐💐💐💐🙏