💐 || सुमंगल सुप्रभात || 💐‌ 🌞 दिन विशेष

‌

‌इसवी सन २०२२ - २६ डिसेंबर 

‌शालिवाहन शक १९४४, विक्रम संवत २०७९

भा. रा. ५ पौष १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : हेमंत

‌मास : पौष 

पक्ष : शुक्ल          

‌तिथी : चतुर्थी 

वार : सोमवार  

नक्षत्र: श्रवण (१६.४०) ~ धनिष्ठा             

राशी: मकर 

विनायक चतुर्थी 

*वनयोगी बाळासाहेब देशपांडे जयंती* 

२००४: ९.३ रिश्टर तीव्रतेच्या एका भूकंपाने एक प्रचंड सूनामी लाट निर्माण झाली. या लाटेने भारत, श्रीलंका, इंडोनेशिया, थायलँड, मलेशिया, मालदीव आणि इतर अनेक देशात हाहा:कार माजवला. यात सुमारे २,३०,००० लोक मृत्युमुखी पड्ले. त्यात एका धावत्या रेल्वेगाडीतील १७०० जणांचाही समावेश होता.

१९८२:टाइम मासिकातर्फे दिला जाणारा ’मॅन ऑफ द इयर’ पुरस्कार प्रथमच पर्सनल कॉम्प्युटर (PC) या एका अमानवी वस्तूस देण्यात आला.

१९७६:कम्यूनिस्ट पार्टी ऑफ नेपाळ (मार्क्सिस्ट-लेनिनिस्ट) ची स्थापना.

१८९८:मेरी क्यूरी आणि पिअर क्यूरी यांनी प्रथमच रेडिअम हे मूलद्रव्य वेगळे केले.

जन्मदिवस :

१९४८:डॉ. प्रकाश आमटे

१९४१:लालन सारंग – रंगभूमीवरील कलाकार

१९१७:डॉ. प्रभाकर माचवे – साहित्यिक. त्यांनी हिंदी, मराठी व इंग्रजीत शंभराहून अधिक ग्रंथ लिहिले. 

१९१४:डॉ. मुरलीधर देविदास ऊर्फ बाबा आमटे – कुष्ठरोग्यांच्या पुनर्वसनासाठी आयुष्य वाहून घेणारे थोर समाजसेवक

१९१४:डॉ. सुशीला नायर – स्वतंत्र भारताच्या पहिल्या आरोग्यमंत्री, महात्मा गांधींच्या स्वीय सहाय्यिका 

१९१३: रमाकांत केशव तथा बाळासाहेब देशपांडे, वनवासी कल्याण आश्रमाचे संस्थापक 

१८९३:माओ त्से तुंग – आधुनिक चीनचे शिल्पकार, मार्क्सवादी - लेनिनवादी विचारसरणीचे पुरस्कर्ते 

१७९१:चार्ल्स बॅबेज – इंग्लिश गणितज्ञ, संशोधक, अभियंता, पहिल्या यांत्रिकी संगणकाचा जनक 

१९३५: रॅमन मॅगसेसे पुरस्कार विजेत्या बहुउद्देशीय ग्रामीण आरोग्य प्रकल्पाच्या संचालिका डॉ. मेबल आरोळे

मृत्यूदिन:

२००६:कृष्णचंद्र मोरेश्वर तथा दाजी भाटवडेकर – अभिनेते 

१९९९:शंकरदयाळ शर्मा – भारताचे ९ वे राष्ट्रपती 

१९८९:केशवा तथा के. शंकर पिल्ले – व्यंगचित्रकार व लेखक, भारतातील राजकीय व्यंगचित्रांचे जनक, पद्मविभूषण

१७०५: *फतेह सिंह (६ वर्ष) व जोरावर सिंह (७ वर्ष)* ह्या गुरू गोविंद सिंह यांच्या दोन मुलांनी धर्मांतर करून मुसलमान होण्यास नकार दिल्याने सरहिंद प्रांताचा जुलमी नवाब वजीर खान याने त्यांना भिंतीत चिनून ठार केले. या शूर बालकांनी हौतात्म्य पत्करले पण धर्म सोडला नाही.

गुरू गोविंद सिंह यांच्या मृत्यूनंतर काही वर्षांनी शूर वीर बंदा सिंह बैरागी याने प्रचंड पराक्रम करून सरहिंद प्रांतावर कब्जा करून वजीर खानचा शिरच्छेद केला व गुरू पुत्रांच्या हत्येचा बदला घेतला.

*।। दास-वाणी ।।* 

अभ्यासाचा मुगुटमणी । 

वृत्ती राहावी निर्गुणीं । 

संतसंगे निरूपणीं । 

स्थिती बाणे ।। 

ऐसी लक्षणे बरवीं । 

स्वरूपाकारें अभ्यासावी । 

स्वरूप सोडितां गोसावी । 

भांबावती ।। 

।। जय जय रघुवीर समर्थ ।। 

 दासबोध : ०८/०९/२१-२२ 

सर्वश्रेष्ठ अभ्यास कोणता ? 

तर वृत्ती निर्गुणामधे सातत्याने स्थिर हवी.

जो निर्गुणी अनन्य राहातो तोच सिद्धपुरूष होय.

अनन्य म्हणजे दुसऱ्या कुठल्याही गोष्टीचा विचार मनात सुद्धा आणत नाही तो. यासाठी काय करायला हवे?

संतांचा सतत सहवास आणि त्यांच्या मुखातून पारमार्थिक विचारांचे अखंड श्रवण.

स्वरूप म्हणजे आत्मरूपावर स्थिर रहाण्याचा प्रयत्न हे चांगल्या साधकाचे लक्षण आहे. एकदा का स्वरूपावरून ढळला की चांगला चांगला विरक्त साधक देखील भांबावून जातो. आपल्या मूळ देहबोधावर जातो.

मग हवे नको, चांगले वाईट, आपले , परावे असे द्वैतामधील व्यवहार सुरू होतात.

देहेबुद्धी ते आत्मबुद्धी करावी । 

हे ज्या साधकाला जमले तो सिद्धपुरूष होय.

सिद्धलक्षण समास.

🙏💐💐💐💐💐🙏