आई महिला बचत गट, पांझरा ता. तुमसरची

तिरंगा थाळी जिल्हयात प्रथम

माविमचा सकस आहार उपक्रम

रुपाली मेश्राम कार्य.संपादिका चित्रा न्युज मो.९५५२०७३५१५

भंडारा : महिला बालविकास विभाग आणि महिला आर्थिक विकास महामंडळ भंडाराच्या वतीने २६ जानेवारी प्रजासत्ताक दिनानिमित्त पोलिस कवायत मैदानावर आयोजित ध्वजारोहण कार्यक्रमाप्रसंगी आंतरराष्ट्रीय कृषी विकास निधी सहाय्यीत नव-तेजस्विनी महाराष्ट्र ग्रामीण महिला उद्यम विकास प्रकल्प अंतर्गत सकस आहार व आरोग्य घटकांतर्गत सकस आहार रेसिपी स्पर्धा (तिरंगा थाळी) आयोजित करण्यात आली. 

यात जिल्ह्यातील १८ महिला बचत गटातील महिलांनी सहभाग नोंदविला होता. यामध्ये आई महिला बचत गट, पांजरा ता. तुमसरच्या मंजुषा आगाशे यांना प्रथम, नारायणी महिला बचत गट, मांढळ ता. तुमसरच्या मंगला क्षिरसागर यांनी व्दितीय तर संघर्ष महिला बचत गट, कोसला ता. पवनीच्या पौर्णिमा गडपायले यांनी तृतीय क्रमांक पटकविला. 

या स्पर्धेतील विजेत्यांना जिल्हाधिकारी योगेश कुंभेजकर यांच्या हस्ते पारितोषिक देऊन गौरविण्यात आले. या प्रसंगी जिल्हा पोलीस अधीक्षक लोहित मतानी, मुख्य कार्यकारी अधिकारी समीर कुर्तकोटी, उप वनसंरक्षक श्री. गवई उपस्थित होते. बालविकास प्रकल्प अधिकारी राहुल निपसे यांनी स्पर्धकांचे परिक्षण केले. कार्यक्रमाचे संचालन माविमचे जिल्हा समन्वय अधिकारी प्रदीप काठोळे यांनी केले.