💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - २८ जानेवारी 

‌शालिवाहन शक १९४४, विक्रम संवत २०७९

भा. रा. ८ माघ १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : शिशिर

‌मास : माघ

पक्ष : शुक्ल            

‌तिथी : सप्तमी (०८.४०) ~ अष्टमी                       

वार : शनिवार  

नक्षत्र: अश्विनी (१९.००) ~ भरणी           

राशी: मेष

*रथ सप्तमी* 

*सूर्य नमस्कार दिन*

भीष्माष्टमी

*छ. संभाजी महाराज राज्याभिषेक दिन* (तिथीनुसार)

कृष्णावेणी उत्सव, नृसिंहवाडी, कोल्हापूर 

*लाला लाजपतराय जयंती*

२०१०:१९७५ मधे बांगलादेशचे राष्ट्राध्यक्ष शेख मुजीबूर रहमान यांची हत्या करणाऱ्या ५ जणांना फाशी देण्यात आले.

१९८६:अमेरिकेच्या चॅलेंजर या अवकाशयानाचा उड्डाणानंतर ७४ सेकंदांनी १४,००० मिटर उंचीवर स्फोट झाला.

१९६१:’एच. एम. टी. वॉच फॅक्टरी’ हा भारतातील पहिला घड्याळांचा कारखाना बंगलोर येथे सुरू झाला.

१६४६:मराठी राज्याची राजमुद्रा वापरुन लिहीलेले शिवाजीराजांचे पहिले पत्र उपलब्ध

जन्मदिवस :

१९३७:सुमन शंकर हेमाडी तथा सुमन कल्याणपूर – चित्रपट व भावगीत गायिका. त्यांनी हिन्दी, मराठी, गुजराती, बंगाली, पंजाबी, उरिया इ. अनेक भाषांत गाणी गायिली आहेत.पद्मभूषण सन्मानित.

१९३०:पं. जसराज – मेवाती घराण्याचे शास्त्रीय गायक

१९२५: डॉ. राजा रामण्णा – शास्त्रज्ञ, अणुऊर्जा आयोगाचे ४ थे अध्यक्ष 

१८९९:फील्डमार्शल के. एम. करिअप्पा – स्वतंत्र भारताचे पहिले लष्करप्रमुख

१८६५:’पंजाब केसरी’ लाला लजपतराय – स्वातंत्र्य सेनानी, लाल- बाल - पाल त्रयीतील एक.

मृत्यूदिन:

२००७:ओंकार प्रसाद तथा ओ. पी. नय्यर – संगीतकार 

१९९७: डॉ. पांडुरंग वासुदेव तथा पां. वा. सुखात्मे – आंतरराष्ट्रीय कीर्तीचे संख्याशास्त्रज्ञ व आहारतज्ञ, पद्मभूषण

१९९६:बर्न होगार्थ – जंगलचा सम्राट टारझन याला कार्टुनद्वारे अजरामर करणारे अमेरिकन व्यंगचित्रकार, लेखक, शिक्षणतज्ञ 

१९८४:सोहराब मेहेरबानजी मोदी – चित्रपट निर्माते, दिग्दर्शक व अभिनेते, दादासाहेब फाळके पुरस्काराने सन्मानित.

१८५१:बाजीराव पेशवे (दुसरे) यांचे कानपूरजवळ ब्रम्हावर्त येथे निधन झाले.

१६१६: संत दासोपंत समाधिस्थ 

*।। दास-वाणी ।।* 

कोणीयेक ऐसें म्हणती । 

कर्ता देव मंगळमूर्ती । 

येक म्हणती सरस्वती । 

सर्व करी ।। 

येक म्हणती कर्ता भैरव । 

येक म्हणती खंडेराव । 

येक म्हणती बीरदेव । 

येक म्हणती भगवती ।। 

।। जय जय रघुवीर समर्थ ।। 

दासबोध : १३/०८/०५-०६ 

सृष्टीचा कर्ता नक्की कोण याविषयी 

संप्रदायप्रमुखांमधेच एकमत नाही.

कोणी म्हणतात मंगलमूर्ती सिद्धिविनायकच सृष्टीचा निर्माता आहे. त्वमेव केवलं कर्तासि । 

तर सरस्वती हे मायेचे रूपअसल्याने विश्वनिर्माण हे तिचेच कर्तृत्व.

कोणी भैरवनाथ म्हणते तर कोणी खंडेरायानेच हे जग निर्माण केले म्हणतात. काही सांप्रदायिक वीरदेवाने सर्वांना निर्माण केले म्हणतात, तर भगवतीचे उपासक हेच श्रेय भगवतीला देतात.

जो ज्या देवाला मानतो, श्रद्धापूर्वक भजतो त्याच देवाला तो कर्ता मानतो.

हा मतामतांचा गोंधळ कधी संपतच नाही. त्यातून अहंकार विजस्तारला या देहाचा। अशी स्थिती निर्माण होते. 

त्यामुळे मग जगी थोरला देव तो चोरलासे। 

साधकाला थोरल्या देवापर्यंत पोहोचता येत नाही. सगुण देवतांच्या गलबल्यामधे मुख्य निर्गुण निराकार परब्रह्म झाकोळून जाते.

कर्तानिरूपण समास.

    🙏💐💐💐💐💐🙏