💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - २ मे  

‌शालिवाहन शक १९४६, विक्रम संवत  २०८०

‌भा. रा. १२ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: चैत्र 

पक्ष: कृष्ण 

तिथी: नवमी (२५.५०)  ~ दशमी                                    

वार:  गुरूवार

नक्षत्र : धनिष्ठा (२५.५०) ~ शततारका                                                                         

राशी:   मकर (१४.३०) ~ कुंभ 

*क्रांतिवीर राघोजी भांगरे बलिदान दिन*

*जागतिक हास्य दिन*

*जागतिक दमा जागृती व निवारण दिन*

१९०८: स्वातंत्र्यवीर सावरकर यांनी लंडनमधे प्रथमच शिवजयंती उत्सव साजरा केला.

१९१८: जनरल मोटर्सने शेवरले मोटर कंपनी विकत घेतली.

१९२१: स्वातंत्र्यवीर सावरकर यांचे बंधू बाबाराव व तात्याराव यांची अंदमानातुन हिन्दुस्थानात पाठवणी केली.

१९९४: बँक ऑफ कराड  चे बँक ऑफ इंडिया मधे विलिनीकरण झाले.

१९९४: नगर जिल्ह्यातील रामदास ढमाले या अपंग युवकाने पुण्यातील टिळक तलावात सलग ३७ तास ४५ मिनिटे पोहून एक नवा विक्रम प्रस्थापित केला.

१९९७: राष्ट्रीय बुद्धीबळ अजिंक्यपद स्पर्धेत पुण्याच्या अभिजित कुंटेने इंटरनॅशनल मास्टर किताबासाठीचे निकष पूर्ण केले.

१९९९: कोल्हापूर येथील शर्वरी मानसिंग पवार या तीन वर्षे चार महिन्याच्या बालिकेने ५१.१ कि. मी. अंतर न थांबता स्केटिंग करुन ३ तास ५१ मिनिटांत पार केले.

१९९९: मीरा मोस्कोसो पनामा देशाच्या अध्यक्ष म्हणून निवडलेल्या पहिल्या महिला ठरल्या.

२०११: अमेरिकन सैन्याच्या Navy Seals 6 या विशेष तुकडीने ओसामा बिन लादेन याची पाकिस्तानातील अ‍ॅबोटाबाद येथे हत्या केली.

२०१२: नॉर्वेजियन चित्रकार एडवर्ड माँच यांचे द स्क्रीम हे चित्र लिलावात १२० मिलियन डॉलर्सला विकले गेले. हा एक नवा जागतिक विक्रम बनला.

जन्मदिवस :

१८९९: मराठी चित्रपटसृष्टीचे चित्रमहर्षी भालजी पेंढारकर 

१९२० : डॉ. वसंतराव देशपांडे, विख्यात गायक.

१९२१ : सत्यजित रे, आंतरराष्ट्रीय कीर्तीचे चित्रपट -दिग्दर्शक.

१९२९: भूतानचे राजे जिग्मे दोरजी वांगचुक

१९६९: वेस्ट इंडीजचा क्रिकेटपटू ब्रायन लारा

१९७२: स्काईप सॉफ्टवेअर चे सहनिर्माते अहटी हेनला

मृत्यूदिन :

१५१९: इटालियन चित्रकार, संशोधक, गणितज्ञ आणि भौतिकशास्त्रज्ञ लिओनार्डो दा विंची 

१६८३:शिवाजी महाराजांच्या सांगण्यावरुन राज्यव्यवहारकोश तयार करणारे, शिवाजीमहाराजांचे दक्षिणेतील अतिशय महत्त्वाकांक्षी तडफ़दार स्वामीनिष्ठ कारभारी मुत्सद्दी रघुनाथ नारायण हणमंते तथा रघुनाथपंडित 

१८४८:आद्य क्रांतिकारक राघोजी भांगरे यांना ठाणे सेंट्रल जेल येथे फाशी

१९६३: महाराष्ट्रातील जादूगारांचे आचार्य डॉ. के. बी. लेले 

१९७३: लेखक, तत्त्वचिंतक व समीक्षक दिनकर केशव तथा दि. के. बेडेकर 

१९७५ : शांताराम आठवले, चित्रपट दिग्दर्शक, कवी आणि लेखक.

१९९८: पुरूषोत्तम काकोडकर, गोवा मुक्ती संग्रामातील स्वातंत्र्यसैनिक आणि कॉंग्रेस नेते.

२००१ : मोहनलाल पिरामल, भारतीय उद्योगपती.

२०११ : ओसामा बिन लादेन, अल कायदा या दहशतवादी संघटनेचा संस्थापक.

*।। दास-वाणी ।।* 

वाउगे फोड उठती । 

कां ते सुजे आंगकांती । 

वात आणि तिडका लागती । 

या नाव आध्यात्मिक  ।। 

नाईटे अंदु गजकर्ण । 

पेहाचे पोट विस्तीर्ण । 

बैसलें टाळे फुटती कर्ण । 

या नांव आध्यात्मिक  ।। 

।। जय जय रघुवीर समर्थ ।। 

 दासबोध : ०३/०६/१९-२० 

अंगभर वेगवेगळया आकाराचे फोड उठणे. रक्तक्षयाने संपूर्ण शरीरभर आलेली सूज. पोटामधे वायूचा गुबारा होऊन पोट जड वाटणे, वारंवार तडस लागणे. हे सर्व आध्यात्मिक ताप होत.

जीवासाठी आध्यात्मिक, आधिदैविक आणि आधिभौतिक असे तीन प्रकारचे ताप किंवा त्रास शास्त्रामधे सांगितले आहेत. देह इंद्रिये आणि प्राण यांना सुख दु:खांचा अनुभव येतो. यातील दु:खांना आध्यात्मिक ताप असे नाव आहे. थोडक्यात शरीरातुन उत्पन्न होणाऱ्या देहाला त्रासदायक व्याधी या आध्यात्मिक तापात मोडतात.

नायटा, गजकर्ण, खोलवर बऱ्या न होणाऱ्या जखमा. यकृत व्याधीमधे जलोदराने मोठे फुगलेले पोट. कानाला दडे बसणे किंवा ते फुटून पू वाहणे. हे देखील आध्यात्मिक तापच. इच्छा असो नसो हे भोगावे लागतातच.

*आध्यात्मिकताप समास.*

*संकलक : सुधीर देशपांडे (आबा)*

🙏 💐 💐 💐 💐 💐 🙏