शिबिरात १२७ नागरिकांनी घेतला आरोग्य लाभ श्याम शुश्रृषा रूग्णालयाचे ५० वर्ष पूर्ण

रवी भोंगाने साकोली 

साकोली : माजी आमदार डॉ. हेमकृष्ण कापगते यांच्या श्याम शुश्रृषा रूग्णालय गणेश वार्ड स्थित रूग्णालयाला ५० वर्ष पूर्ण झाले. त्यानिमित्ताने शनिवार ०१ जून २०२४ रोजी गणेश वार्डातील या रूग्णालयात विनामूल्य आरोग्य शिबिराचे आयोजन करण्यात आले. यात मुख्य साकोली शहरातील व परीसरातील जनतेने  उन्हाची तमा न बाळगता मोफत आरोग्य शिबिरात येत एकुण १२७ रूग्णांनी आरोग्य लाभ घेतला हे उल्लेखनीय. स. ९ ते दु. १ वाजता दरम्यान आयोजित करण्यात आलेल्या आरोग्य शिबीराचे उदघाटन मान्यवरांच्या हस्ते दिप प्रज्वलन करून कऱण्यात आले. याप्रसंगी डॉ. वा. म. लंजे, डॉ. रूपेश बडवाईक व डॉ. सुधाकर लांजेवार यांची उपस्थिती होती. शिबिरात विविध आरोग्य तपासणी, मधुमेह व रक्तदाब तपासणी केली गेली. येथे जनरल फिजीशिएन डॉ. रविंद्र कापगते, डॉ. हेमकृष्ण कापगते, स्त्री रोग तज्ञ डॉ. छाया कापगते, होमिओपॅथी तज्ञ डॉ. भानुदास कापगते, बालरोग तज्ञ डॉ. आलोक कापगते, दंतरोग तज्ञ डॉ. शितल भुरे, नेत्र चिकित्सक डॉ. राहुल ब्राह्मणकर यांनी शिबिरात रूग्णांना मोफत आरोग्य सेवा दिली. सदर शिबिर यशस्वी करण्यासाठी शिबिर संयोजक ॲड. मनिष कापगते, सौ. शकुंतला कापगते, विवेक कापगते, सौ. देवश्री कापगते यांचे होते. मोरेश्वर गहाणे, राजू कापगते, मधुकर नगरकर, शुभम खांडेकर, अश्विन रंगारी, भागवत लांजेवार, अंकीत गहाणे, युवराज गहाणे, बलराज नंदेश्वर, मिन्नाथ लांजेवार, मनिषा काशिवार, होमेश गहाणे यांनी अथक परिश्रम घेतले.