श्री विठ्ठल रुक्मिणी मंदिर समितीच्या निर्णयांवर संतप्त प्रतिक्रिया, भाविकांवर गुन्हे दाखल करण्याचा निर्णय वादग्रस्त

संजय देशमुख चित्रा न्युज

सोलापूर :- श्री विठ्ठल रुक्मिणी मंदिरे समितीने घेतलेल्या काही निर्णयांमुळे आता वाद निर्माण झाला आहे. कार्तिकी यात्रेसाठी मंदिराच्या संवर्धन कामातील नव्या रूपांच्या आश्वासनांबरोबरच मंदिर समितीने भाविकांच्या विरोधात गुन्हे दाखल करण्याचा निर्णय घेतला आहे. यामुळे अनेकांमध्ये संतापाची लाट उसळली आहे.

सर्वप्रथम, पैसे घेऊन विठ्ठलाचे दर्शन देण्याच्या प्रकाराबाबत समितीवर मोठ्या प्रमाणात टीका झाली. यानंतर भाविकांवरही गुन्हे दाखल करण्याचा निर्णय घेतल्याने लोकांचा रोष वाढला आहे. पंढरपूरातील स्थानिक नेत्यांनी या निर्णयावर तीव्र नाराजी व्यक्त केली आहे आणि हा निर्णय भाविकांच्या भावनांना ठेच पोहोचवणारा असल्याचे सांगितले आहे.

समितीने घेतलेल्या या निर्णयामुळे धार्मिक श्रद्धा आणि आस्था असलेल्या भाविकांमध्ये तीव्र अस्वस्थता निर्माण झाली आहे. विठ्ठलाच्या दर्शनासाठी हजारो भाविक पंढरपूरात येतात, त्यांना गुन्हेगार ठरवण्याच्या या निर्णयावर धार्मिक संस्थांनीही प्रश्नचिन्ह उपस्थित केले आहे. हा निर्णय भक्तांच्या श्रद्धेचा अपमान असल्याचे अनेकांनी म्हटले आहे.

याशिवाय, स्थानिक नेत्यांनी दोन निलंबित कर्मचाऱ्यांना पुन्हा कामावर घेण्याची मागणी केली आहे, ज्यामुळे मंदिर समितीच्या निर्णयक्षमतेवर प्रश्नचिन्ह निर्माण झाले आहे. अशा परिस्थितीत, श्री विठ्ठल रुक्मिणी मंदिरे समितीने तात्काळ या निर्णयांचा पुनर्विचार करावा आणि भाविकांच्या भावनांचा आदर करावा, अशी मागणी सर्वसामान्य भाविकांमधून होत आहे.