शिव-बसव जन्मोत्सव २०२५: बार्शी शहरात छत्रपती शिवाजी महाराज व महात्मा बसवेश्वर यांच्या संयुक्त जयंतीनिमित्त भव्य मिरवणूक

चित्रा न्युज प्रतिनिधी 

 सोलापूर– बार्शी शहरात आज छत्रपती शिवाजी महाराज आणि महात्मा बसवेश्वर यांच्या संयुक्त जन्मोत्सवाच्या निमित्ताने एक भव्य आणि उत्साहपूर्ण मिरवणुकीचे आयोजन करण्यात आले. या मिरवणुकीने संपूर्ण शहरात ऐतिहासिक, सांस्कृतिक आणि सामाजिक सलोख्याचा जागर घडवला.

कार्यक्रमाची सुरुवात छत्रपती शिवाजी महाराज आणि महात्मा बसवेश्वर यांच्या प्रतिमेस पुष्प अर्पण करून अभिवादनाने झाली. यानंतर मिरवणुकीला शहरातील प्रमुख मार्गांवरून सुरेख आणि शिस्तबद्ध पद्धतीने मार्गक्रमण करण्यात आले.

या मिरवणुकीत विविध कलावंतांनी पारंपरिक वेशभूषेत लेझीम, ढोल-ताशा, भजन, कीर्तन आदींच्या माध्यमातून आपली कला सादर केली. मिरवणुकीत सहभागी झालेल्या सर्व कलावंतांनी बार्शीच्या रस्त्यांवर एक आगळावेगळा उत्साह निर्माण केला. संपूर्ण वातावरणात देशभक्ती, एकता आणि समता यांचा संदेश झळकला.

यावेळी खासदार ओमराजे निंबाळकर आमदार दिलीपराव सोपल, कीर्तनकार शिवलीलाताई पाटील, पोलिस उपअधीक्षक जालिंदर नालकुल, पोलिस निरीक्षक बालाजी कुकडे, माजी नगराध्यक्ष विश्वास बारबोले, दगडू नाना मांगडे, गणेश जाधव, योगेश सोपल, माजी उपनगराध्यक्ष बाळासाहेब आडके व संदीप बारंगुळे, माजी विरोधीपक्ष नेते नागेश अक्कलकोटे, माजी नगरसेवक नवनाथ माळगे, लखन राजपूत, उपजिल्हा संघटक प्रवीण काकडे, शहरप्रमुख दिनेश नाळे, माजी नगरसेविका मंगलताई शेळवणे, मल्लिनाथ गाढवे, सुरेशभाऊ हालमे, तालुकाप्रमुख विनोद वाणी, तसेच पृथ्वीराज बाफना यांचा समावेश होता.

ही मिरवणूक केवळ एक उत्सव नव्हता, तर शहरात एकात्मतेचा, लोकशाही मूल्यांचा आणि इतिहासजागराचा ठेवा नव्याने उलगडणारा सोहळा होता.