महाकाली मंदिर परिसरात सुरू असलेल्या विकासकामांची आज केली पाहणी..

चित्रा न्युज प्रतिनिधी 

चंद्रपूर:-चंद्रपूर येथील माता महाकाली मंदिर परिसरात भाविकांच्या सोयीसुविधा वाढविण्यासाठी आपण एक कोटी रुपयांचा निधी उपलब्ध करून दिला होता. या निधीतून येथील विविध विकासकामे सुरू असून, त्यांची प्रत्यक्ष पाहणी करून कामांच्या गुणवत्तेची माहिती घेतली. यावेळी नवरात्रीपूर्वी सर्व कामे पूर्ण करण्याच्या सूचनाही संबंधित अधिकाऱ्यांना दिल्या आहे.

सध्या मंदिर परिसरात सुरक्षा भिंतीचे बांधकाम, गुट्टू लावणे, परिसरातील स्वच्छता व सौंदर्याकरणचे कामे सुरू आहेत. या कामांचा आढावा घेतला, महाकाली माता ही चंद्रपुरची आराध्यदैवत असून, येथे दरवर्षी लाखो भाविक दर्शनासाठी येतात. भाविकांच्या संख्येत सातत्याने वाढ होत असल्याने त्यांना उत्तम सुविधा, सुरक्षित वातावरण आणि स्वच्छ परिसर मिळावा यासाठी मी प्रयत्नशील आहे.