चित्रा न्युज प्रतिनिधी
नवे दानवाड : "डॉ. बाबासाहेब आंबेडकरांनी दिलेला लढा हा केवळ एका समाजासाठी नव्हता, तर तो संपूर्ण मानवतेच्या कल्याणासाठी होता. आजच्या काळातही समाजातील शेवटच्या घटकाला न्याय मिळवून देण्यासाठी आंबेडकरी विचारांची आणि संघर्षाची नितांत गरज आहे," असे प्रतिपादन ज्येष्ठ नेते कॉम्रेड शंकर पुजारी यांनी केले.
नवे दानवाड येथे पँथर आर्मीच्या तिसऱ्या वर्धापन दिनानिमित्त आयोजित करण्यात आलेल्या भव्य मेळाव्यात ते प्रमुख मार्गदर्शक म्हणून बोलत होते. यावेळी पँथर आर्मीचे संस्थापक अध्यक्ष संतोष आठवले आणि इतर मान्यवर मोठ्या संख्येने उपस्थित होते.
संघर्षाची नवी दिशा आपल्या मार्गदर्शनात कॉ. शंकर पुजारी यांनी पँथर आर्मीच्या कार्याचे कौतुक केले. ते म्हणाले की, गेल्या तीन वर्षांत या संघटनेने तरुणांना एकत्र करून अन्यायाविरुद्ध आवाज उठवण्याचे काम केले आहे. रंजल्या-गांजलेल्यांना न्याय मिळवून देण्यासाठी केवळ घोषणाबाजी करून चालणार नाही, तर सनदशीर मार्गाने आणि वैचारिक अधिष्ठानावर आधारित लढा द्यावा लागेल.
तरुणांना आवाहन सध्याच्या राजकीय आणि सामाजिक परिस्थितीवर भाष्य करताना पुजारी यांनी तरुणांना शिक्षणाचे महत्व पटवून दिले. "शिका, संघटित व्हा आणि संघर्ष करा" हा बाबासाहेबांचा मंत्र आजच्या पिढीने प्रत्यक्ष कृतीत आणणे आवश्यक आहे. व्यसनाधीनता आणि चुकीच्या मार्गांपासून दूर राहून समाजरक्षणासाठी तरुणांनी पुढे यावे, असे आवाहन त्यांनी यावेळी केले.
▪️मेळाव्यात ७ महत्त्वपूर्ण ठराव मंजूर
या मेळाव्यात समाजाच्या सर्वांगीण विकासासाठी ७ महत्त्वपूर्ण ठराव एकमताने मंजूर करण्यात आले, ज्याची प्रत केंद्र व राज्य सरकारला पाठवण्यात येणार आहे:
विशेष आर्थिक अधिकार कायदा: SC/ST समाजाचा निधी इतर कामांकडे वळवण्यास बंदी घालणारा कायदा करावा.
महिला सन्मान निधी: 'लाडकी बहीण' योजनेचा निधी SC/ST बजेटमधून वापरला जात असल्यास, या समाजातील महिलांना १५,००० रुपये सन्मान निधी द्यावा.
सामाजिक सुरक्षा: संजय गांधी निराधार योजनेचे मानधन ६,००० रुपये करावे आणि नोंदणीकृत कामगारांना वयाची ६० वर्षे पूर्ण झाल्यावर ५,००० रुपये पेन्शन द्यावी.
शिक्षण व गृहनिर्माण: परदेशात शिकणाऱ्या विद्यार्थ्यांची शैक्षणिक कर्जे माफ करावीत आणि रमाई घरकुल अनुदान १० लाख रुपये करावे.
रोजगार: मागासवर्गीय महामंडळांना ५० लाखांपर्यंत विनाव्याज कर्ज द्यावे आणि 'गिग वर्कर्स'साठी स्वतंत्र कल्याणकारी मंडळ स्थापन करावे.
मान्यवरांची उपस्थिती आणि सत्कार
या कार्यक्रमात 'दैनिक दवंडी'च्या विशेष अंकाचे प्रकाशन करण्यात आले. सामाजिक कृतज्ञता म्हणून अंगणवाडी सेविका, आशा सेविका आणि ग्रामपंचायत कर्मचाऱ्यांचा विशेष सत्कार करण्यात आला. ज्येष्ठ भीमगीतकार सुरेश सातारकर व राजू कांबळे यांच्या उपस्थितीत जयभीम गायन पार्टीने क्रांतिकारी भीमगीते सादर केली.
यावेळी 'दैनिक दवंडी'चे मुख्य संपादक विश्वास कांबळे, सरपंच डॉ. सी. डी. पाटील, बी. आर. कांबळे, सेनापती भोसले, जिल्हाध्यक्ष मच्छिंद्र कांबळे, सांस्कृतिक आघाडी जिल्हाध्यक्ष बबन तांदळे, जिल्हा महासचिव नितेश कुमार दिशांत जिल्हा उपाध्यक्ष संजय कांबळे महिला जिल्हाध्यक्षा छायाताई सातारकर,क करविर तालुका उपाध्यक्ष आनंदा तरटे 'रेखा भोरे , अर्चना कांबळे राजू मोमीन, भैय्यासाहेब धनवडे कोल्हापुर जिल्हा कार्याध्यक्षा सोनाबाई वड्ड ' हातकणंगले तालुका सचिव राणी पोवार ' हातकणंगले तालका अल्पसंख्याक अध्यक्षा सोनम नदाफ ' उपाध्यक्षा समिरा नदाफ ' माधुरी कांबळे सुरेखा कांबळे इ शिरोळ तालुका कार्याध्यक्ष पिंटू वराळे ' आपलं व्यासपीठ चे संपादक लंकेश कांबळे दिपक कांबळे (लाला )'सुहास कामांन्ना' साहिल कांबळेशोभा कांबळे निगृणा कांबळे लक्षी सुर्यवंशी सिंधू कांबळे आक्काताई कांबळे (पुशीरे ) इंदूबाई फुले लक्ष्मी कांबळे
यांच्यासह कोल्हापूर जिल्ह्यातील पदाधिकारी व कार्यकर्ते मोठ्या संख्येने उपस्थित होते. यावेळी ज्येष्ट भिम गितकार सुरेश सातारकर प्रस्तृत जयभिम गायन पार्टी हुपरी यांचा क्रांतीकारी भिम गितांचा बहारदार कार्यक्रम संपन्न झाला .
नवे दानवाडमध्ये पँथर आर्मीचा 'भीमगर्जना' मेळावा; निधीच्या संरक्षणासाठी आता मुंबईत लढा!
शिका, संघटित व्हा आणि हक्कासाठी लढा; पँथर आर्मीच्या वर्धापन दिनी मान्यवरांचे आवाहन
0 टिप्पण्या