💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२२ - १ डिसेंबर 

‌शालिवाहन शक १९४४, विक्रम संवत २०७९

भा. रा. १० मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : शुक्ल          

‌तिथी : अष्टमी (०७.२०) ~ नवमी          

वार : गुरूवार  

नक्षत्र: पूर्वभाद्रपदा      

राशी: कुंभ (२३.४०) ~ मीन

 दुर्गाष्टमी

महाराणी ताराराणी पुण्यतिथी, कोल्हापूर 

जागतिक एडस प्रतिबंध दिन

एन. सी. सी. दिन

२०१५: ज्येष्ठ पत्रकार डॉ. मुझफ्फर हुसैन यांना लोकमान्य टिळक जीवन गौरव पुरस्कार प्रदान केला.

२००१:ट्रान्स वर्ल्ड एअरलाइन्सचे शेवटचे उड्डाण. यानंतर ही कंपनी अमेरिकन एअरलाइन्समधे विलीन झाली.

१९९२:ज्यूडी लेदेन या ब्रिटिश महिलेने ३९७० मीटर (१३०२५ फूट) उंचीवरुन हँग ग्लायडर चालवून उंचीचा नवीन उच्‍चांक प्रस्थापित केला.

१९८१:AIDS विषाणूची प्रथमच ओळख पटली.

१९६५:भारताच्या सीमांच्या संरक्षणासाठी सीमा सुरक्षा दलाची (Border Security Force) स्थापना

१९४८:एस. एस. तथा दादासाहेब आपटे यांनी ’हिन्दुस्तान समाचार’ ही बहुभाषिक वृत्तसंस्था स्थापन केली.

१६४०: २० वर्षापासून स्पेनचे गुलाम असलेल्या पोतुर्गालला स्वातंत्र्य मिळाले.

जन्मदिवस :

१९५५: उदित नारायण – पार्श्वगायक

१९५४: समाज सेविका मेधा पाटकर 

१९२४: परमवीर चक्राने सन्मानित भारतीय सेनेतील शैतान सिंग.

१९११: अनंत अंतरकर – 'हंस', 'मोहिनी', 'नवल' आणि 'सत्यकथा' या मासिकांचे संपादक

१९०९:बा. सी. मर्ढेकर – मराठी नवकाव्याचे प्रणेते 

१८८५: आचार्य दत्तात्रय बाळकृष्ण तथा ’काकासाहेब’ कालेलकर – गांधीवादी देशभक्त, शिक्षणतज्ञ, समाजसुधारक, इतिहासकार

१७६१: मेरी तूसाँ – ’मॅडम तूसाँ वॅक्स म्युझियम’च्या संस्थापिका 

मृत्यूदिन :

१९९०:विजयालक्ष्मी पंडीत – राजदूत, मुत्सद्दी व राजकारणी 

१९८८:गंगाधर बाळकृष्ण तथा ‘गं. बा. सरदार – विचारवंत व साहित्यिक, पुरोगामी चळवळीचे भाष्यकार, दलित साहित्य संमेलन अध्यक्ष, बार्शी येथील अखिल भारतीय मराठी साहित्य संमेलन अध्यक्ष  

१९८५:शंकर त्रिंबक तथा ’दादा’ धर्माधिकारी – स्वातंत्र्यसेनानी व समाजसुधारक 

१८६६:भारताचे सर्वेक्षण करणारे कर्नल सर जॉर्ज एव्हरेस्ट 

*।। दास वाणी ।।* 

जयांसि जालें आत्मज्ञान । 

तेचि थोर माहाजन । 

वेद शास्त्रें पुराण । 

साधु संत बोलिले ।। 

एवं सकळांमध्ये थोर । 

तो येकचि परमेश्वर । 

तयांमधें हरिहर । 

होति जाती ।। 

।। जय जय रघुवीर समर्थ ।। 

 दासबोध : ०६/०४/१९-२०

आत्मज्ञान म्हणजे ब्रह्मज्ञान. आत्मज्ञान झालेल्या साधकांनाच महाजन ही पदवी द्यावी असा निर्णय वेद शास्त्रे पुराणे आणि प्राचीन ऋषी मुनींनी दिलेला आहे. असा आत्मवेत्ताच सर्वश्रेष्ठ असतो.

एकूणच परमेश्वर म्हणजे परब्रह्म हे एकमेव श्रेष्ठतम आहे. या ईश्वरी सृष्टीमधे ब्रह्मदेव, विष्णू आणि महेश हे अनेक वेळा येतात आणि जातात. हे देव त्रिगुणात्मक असल्यामुळे मायेच्या अधिपत्याखाली आहेत. परब्रह्म मात्र नित्य अविनाश त्रिकालाबाधित असते. ते काल होते. आज आहे. उद्याही असेलच असेल.

ब्रह्मनिरूपण समास.

     🙏💐💐💐💐💐🙏