💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२२ - १३ डिसेंबर 

‌शालिवाहन शक १९४४, विक्रम संवत २०७९

भा. रा. २२ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : कृष्ण         

‌तिथी : पंचमी (२१.२०) ~ षष्ठी        

वार : मंगळवार  

नक्षत्र: आश्लेषा         

राशी: कर्क 

जागतिक व्हायोलिन दिवस

१९३०: प्रभात चा उदयकाल हा चित्रपट मुंबईच्या मॅजेस्टिक चित्रपटगृहात प्रदर्शित झाला. आधी या चित्रपटाचे नाव ’स्वराज्याचे तोरण’ असे होते. परंतु तो सेन्सॉरमधे अडकल्यामुळे त्यात बरीच काट छाट करावी लागली व त्याचे नावही बदलले.

१९८९: जम्मू काश्मीर चे माजी मुख्यमंत्री मुफ्ती मोहम्मद सईद यांच्या मुलीचे आतंकवाद्यांनी अपहरण करून ५ आतंकवाद्यांना सोडवून घेतले.

२००१: जैश-ए-मोहम्मद व लष्कर-ए-तय्यबा च्या पाकिस्तानी अतिरेक्यांनी भारताच्या संसदेवर हल्ला केला. पाचही अतिरेकी व सुरक्षा कर्मचाऱ्यांसह ८ अन्य व्यक्ती ठार.

२०१६: सायरस मिस्त्री यांना टी सी एस च्या संचालक मंडळ आणि अध्यक्ष पदावरून काढण्यात आले.

*जन्म दिवस*

१८०४: मेजर थॉमस कॅन्डी – कोशकार व शिक्षणतज्ञ, मराठीत विरामचिन्हे वापरण्यास त्यांनी प्रथम सुरूवात केली, इंडियन पीनल कोडचे त्यांनी मराठीत भाषांतर केले.

१८१६: सीमेन्सचे संस्थापक वर्नेर व्हॅन सीमेन्स

१८९९: पांडुरंग सातू नाईक, आल्हाददायकता, कल्पकता व वास्तवता ही वैशिष्ट्ये असलेले चित्रपट छायालेखक (cinematographer), ’हंस पिक्चर्स’ चे एक भागीदार. ’छाया’, ’धर्मवीर’, ’प्रेमवीर (१९३७)’, ’ज्वाला (१९३८)’, ’ब्रह्मचारी’, ’ब्रँडीची बाटली (१९३९)’, ’देवता’, ’सुखाचा शोध (१९३९)’, ’लग्न पहावं करुन (१९४०)’, ’अर्धांगी (१९४०)’, ’पहिला पाळणा’, ’भक्त दामाजी (१९४२)’, ’पैसा बोलतो आहे (१९४३)’, ’रामशास्त्री (१९४४)’, ’लाखारानी (१९४५)’, ’चिराग कहाँ रोशनी कहाँ’ इत्यादी अनेक चित्रपटांचे उत्कष्ट छायालेखन त्यांनी केले. 

१९५५: गोव्याचे पूर्व मुख्यमंत्री मनोहर पर्रीकर

*मृत्यु दिन*

१९६१: अ‍ॅना मेरी रॉबर्टसन ऊर्फ ’ग्रँडमा मोझेस’ यांचे वयाच्या १०२ व्या वर्षी निधन. वयाच्या ७७ व्या वर्षी त्यांनी पेंटिंगच्या छंदाची सुरूवात केली आणि त्यात प्रसिद्धी मिळवली. अमेरिकन ग्रामीण जीवनावरील त्यांची पेंटिंग्ज आजही प्रसिद्ध आहेत. 

१९८६: अभिनेत्री स्मिता पाटील, त्यांचे ’निशांत’, ’मंथन’, ’भूमिका’, ’जैत रे जैत’, ’गमन’, ’चक्र’, ’उंबरठा’ इत्यादी चित्रपट लोकप्रिय झाले. पद्मश्री (१९८५), दोन राष्ट्रीय पुरस्कार व एक फिल्मफेअर अ‍ॅवॉर्ड विजेत्या.

१९९४: सहकार क्षेत्रातील अग्रणी व्यक्तिमत्व, वारणा परिसराच्या विकासाचे शिल्पकार, वारणा सहकारी साखर कारखान्याचे संस्थापक, यशवंतराव चव्हाण यांचे निकटचे सहकारी विश्वनाथ अण्णा तथा तात्यासाहेब कोरे 

१९९६: स्वातंत्र्यसैनिक, क्रांतिकारक, कॅपिटॉल बॉम्बस्फोटाचे सूत्रधार श्रीधर पुरुषोत्तम तथा शिरुभाऊ लिमये 

*दासवाणी*

ब्रह्मचि होऊन जावें । 

कां तें संसारींच असावे । 

दोहींकडे भरंगळावें । 

किती म्हणूनी ।। 

निरूपणीं ज्ञान प्रबळे । 

उठोन जातां तें मावळे । 

मागुता कामक्रोध खवळे । 

ब्रह्मरूपासी ।। 

।। जय जय रघुवीर समर्थ ।। 

 दासबोध : ०७/०६/१०-११ 

एक तर परमार्थाची परमोच्च पायरी गाठून ब्रह्मपदीच स्थिर रहावे किॆवा मनमुराद प्रपंचात तरी डुंबत रहावे.

एकदा प्रपंच एकदा ब्रह्म असे दोन्ही डगरीवर पाय ठेऊन कसे चालणार ?

कीर्तन निरूपणात मन एकाग्र झाल्यावर ब्रह्मज्ञान प्रबळ होते आणि मन पूर्ण पारमार्थिक होऊन जाते. प्रपंचाविषयी विरक्ती तीव्र होते. कीर्तनातून उठून जाताक्षणीच ब्रह्मज्ञान मावळून जाते. मनातील कामक्रोधाचा नेहमीचाच गोंधळ पुन्हा सुरू होतो. जणु काही ब्रह्मालाच काम क्रोधाची, बाधा होते. पण ञहे खरे नाही. काम क्रोध लोभ मद मत्सर दंभ हे मनाचे विकार आहेत. जे बुद्धीने नियंत्रणात आणता येतात.

बद्धमुक्तनिरूपण समास.

🙏💐💐💐💐💐🙏