💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२२ - १० डिसेंबर 

‌शालिवाहन शक १९४४, विक्रम संवत २०७९

भा. रा. १९ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : कृष्ण         

‌तिथी : द्वितीया (१३.४०) ~ तृतीया    

वार : शनिवार  

नक्षत्र: आर्द्रा (१७.४०) ~ पुनर्वसु       

राशी: मिथुन 

*जागतिक मानवाधिकार दिवस* 

अल्फ्रेड नोबेल दिवस

१९१६:’संगीत स्वयंवर’ या संगीत नाटकाचा पहिला प्रयोग झाला.

१९०६:अमेरिकेचे राष्ट्राध्यक्ष थिओडोर रुझवेल्ट यांना नोबेल शांति पुरस्कार देण्यात आला. नोबेल पारितोषिक मिळवणारे ते पहिले अमेरिकन होत.

१९०१:नोबेल पारितोषिकांचे प्रथमच वितरण करण्यात आले.

१८६८:पॅलेस ऑफ वेस्टमिन्स्टर, लंडन येथे पहिले वाहतुक नियंत्रक दिवे (traffic signals) बसवण्यात आले. सुरुवातीला हे रेल्वेच्या सिग्नल्स (semaphore) सारखे होते आणि रात्री प्रकाशित करण्यासाठी लाल व हिरव्या रंगाच्या गॅसच्या दिव्यांचा वापर करण्यात येत असे.

१७९९:मेट्रिक पद्धती फ्रान्समध्ये प्रथमतः वापरण्यात आली. 

जन्मदिवस :

१८९२:व्यंकटेश बळवंत ऊर्फ बापूराव पेंढारकर – रंगभूमीवरील अभिनेते व गायक 

१८८०:डॉ. श्रीपाद कृष्ण बेलवलकर – प्राच्यविद्यातज्ञ, संस्कृत पंडित. अमेरिकेच्या हॉर्वर्ड विद्यापीठात भवभूतीच्या उत्तर रामचरितावर प्रबंध लिहून त्यांनी डॉक्टरेट मिळवली. 

१८७८:चक्रवर्ती राजगोपालाचारी – भारताचे शेवटचे गव्हर्नर जनरल, मद्रास इलाख्याचे मुख्यमंत्री, स्वातंत्र्यसेनानी, कायदेपंडित, मुत्सद्दी आणि लेखक 

१८७०:सर यदुनाथ सरकार – 

आंतरराष्ट्रीय कीर्तीचे इतिहासकार 

१९०८: पुरातत्ववेत्ते हसमुख धीरजलाल 

१९६०: अभिनेत्री रती अग्निहोत्री.

मृत्यूदिन :

२००९:दिलीप पुरुषोत्तम चित्रे – लेखक, कवी आणि टीकाकार 

२००३: संगीतकार श्रीकांत ठाकरे 

२००१:अशोक कुमार गांगूली ऊर्फ 'दादामुनी' – चित्रपट अभिनेते, पद्मश्री, दादासाहेब फाळके पुरस्कार, ५३ वर्षांच्या प्रदीर्घ कारकिर्दीत सुमारे ४०० चित्रपटांत भूमिका केल्या 

१९६४: ग्रंथसूचीकार शंकर गणेश दाते

१९६३:सरदार कोवालम माधव तथा के. एम. पणीक्‍कर – भारताचे चीन, इजिप्त आणि फ्रान्समधील राजदूत, इतिहासपंडित

१९५५:आचार्य शंकर दत्तात्रेय जावडेकर – लेखक व गांधीवादी तत्त्वचिंतक 

१९२०:होरॅस डॉज – ’डॉज मोटर कंपनी’चे एक संस्थापक 

१८९६:अल्फ्रेड नोबेल – स्वीडीश संशोधक आणि नोबेल पुरस्कारांचे प्रणेते

*।। दास-वाणी ।।* 

माया जैसे मृगजळ । 

ऐसे बोलती सकळ । 

कां ते कल्पनेचे आभाळ ।

नाथिलेंचि ।। 

ग्रामो नास्ति कुत: सीमा। 

जन्मेविण जीवात्मा। 

अद्वैतासी उपमा। 

द्वैताची ।। 

।। जय जय रघुवीर समर्थ ।। 

 दासबोध : ०७/०३/ ३६-३७ 

तीव्र उन्हामधे वाळवंटात पाण्याचे सरोवर असल्याचा भास म्हणजे मृगजळ. माया ही मृगजळाप्रमाणे आहे. अस्तित्वात नाही तरी भासते. आकाशाचा निळा रंग सुद्धा काल्पनिकच आहे. आकाश निळे नसूनही निळे भासते कारण तो मायेचाच प्रभाव आहे. तात्पर्य जे मायिक आहे ते भ्रममूलक आहे. ते मिथ्या आहे. खरे नाही पण खरे भासते., 

गावच जिथे अस्तित्वात नाही तिथे गावाच्या सीमा कशा अधोरेखित करता येतील? मूळचा जो अजन्मा आहे त्याचा जन्म कसा सांगता येईल? जे अद्वैत ब्रह्म आहे त्याला द्वैतामधील कोणत्या गोष्टीची उपमा देता येईल?

तात्पर्य निर्गुणाला सगुणाची उपमा देता येत नाही. ती शोभतही नाही.

चतुर्दशब्रह्मनिरूपणनाम समास.

🙏💐💐💐💐💐🙏