💐 || सुमंगल सुप्रभात || 💐‌ 🌞 दिन विशेष

 

‌

‌इसवी सन २०२२ - २२ डिसेंबर 

‌शालिवाहन शक १९४४, विक्रम संवत २०७९

भा. रा. १ पौष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : कृष्ण         

‌तिथी : चतुर्दशी (१९.१०) ~ अमावास्या,  

वार : गुरूवार  

नक्षत्र: ज्येष्ठा                

राशी: धनु

*अमावास्या* (प्रारंभ सायं. ७.१०)

सद् गुरू गंगागिरी महाराज पुण्यतिथी, श्रीरामपूर, नगर.

*राष्ट्रीय गणित दिवस*

*विशेष माहिती*

*पठ्ठे बापूराव* हे महाराष्ट्रातील एक थोर शाहीर व तमासगीर होते. तमासगीर होण्यापूर्वीचा त्यांचा प्रवास मात्र विलक्षण आहे. प्रारंभी त्यांनी यंत्रविद्येचे शिक्षण बडोद्यास घेतले. ते सोडून पोलिस खात्यात नोकरी पकडली. ते उत्कृष्ट कुस्तीगीरही होते. मानाची कुस्ती जिंकल्यामुळे शाहू महाराजांनी त्यांना दोनशे रुपये इनाम दिले. त्यातूनच त्यांनी तमाशाचा फड उभारला!

१८५१:जगातील पहिली मालगाडी रुडकी येथे सुरु करण्यात आली.

१८८५: सामुराई इटो हिरोबुमी जपानचे पहिले पंतप्रधान झाले.

१९२१: विश्वभारती विद्यापीठ सुरु झाले.

१९३७: न्यूयॉर्क मधील “द लिंकन” हा भूयारी मार्ग वाहतुकीसाठी सुरू झाला.

१९४०: मानवेंद्र नाथ राय यांनी रॅडिकल डेमोक्रॅटिक पार्टी ची स्थापना केली.

१९६६: जवाहरलाल नेहरू विद्यापीठाची स्थापना भारतीय संसदे द्वारे झाली.

१९७१: सोवियत संघाने जमिनीखाली अणुबॉम्ब ची चाचणी केली.

जन्मदिवस :

१८८७:श्रीनिवास रामानुजन – थोर भारतीय गणिती. ’पार्टिशन फंक्शन’ च्या रचनेवर त्यांनी मूलभूत संशोधन केले.

१८५३: सारदामणि मुखोपाध्याय तथा पूज्य शारदादेवी माता, तत्त्वज्ञ, रामकृष्ण परमहंस यांच्या पत्नी .. 

१६६६:गुरू गोविंद सिंग – १० वे शीख गुरू

मृत्यूदिन:

२००२: प्रायोगिक व व्यावसायिक रंगभूमीवरील चतुरस्त्र अभिनेते दिलीप कुळकर्णी 

१९७५:पेडर रोडवरील टोपीवाला यांच्या निवासस्थानी लिफ्टमधून खाली उतरत असताना लिफ्ट नादुरुस्त झाल्याने संगीतकार *वसंत देसाई* यांचा मृत्यू झाला. ’राम जोशी’, ’अमर भूपाळी’, ’दो आँखे बारह हाथ’, ’झनक झनक पायल बाजे’, ’गुँज उठी शहनाई’ आदी गाजलेल्या चित्रपटांचे संगीत दिग्दर्शन त्यांनी केले. 

१९४५:श्रीधर कृष्णाजी कुलकर्णी तथा ’पठ्ठे बापूराव’ – रसाळ लावण्या लिहीणारे लावणीसम्राट 

१८५८: प्रसिद्ध क्रांतिकारक तारकनाथ दास. 

*।। दास-वाणी ।।* 

सप्त द्वीपावती पृथ्वी । 

काये म्हणोनि सांगावी । 

नव खंडें मिळोन जाणावी । 

वसुंधरा ।। 

नाना देव नाना नृपती । 

नाना भाषा नाना रिती । 

लक्ष चौऱ्यासी उत्पत्ती । 

मिळोन पृथ्वी ।। 

।। जय जय रघुवीर समर्थ ।। 

 दासबोध : ०८/०५/०६-०७ 

सृष्टीमधे पंचमहाभूते एकमेकांमधे मिश्रित स्वरूपात असतात.

आता पृथ्वीतत्व प्रधान असलेले पदार्थ पाहूया. सात बेटांची पृथ्वी, नऊ खंडांचा समावेश असलेली पृथ्वी. असंख्य देव देवतांची मंदिरे, देवळे, त्यांची उत्तुंग अशी शिखरे. राजे रजवाडे त्यांचे महाल. अनेक शहरे, भाषाभेद, रितीरिवाजांची विविधता स्वेदज अंडज उद्भिज जरायुज अशा चार खाणींमधील चौऱ्यांशी लक्ष योनिमधील जीवसृष्टी हे सर्व पृथ्वीतत्वाचाच भाग आहेत.

जिथे जिथे जड म्हणजे वजन आणि कठिणांश म्हणजे टणकपणा आहे ते सर्व पृथ्वीच आहे असा निश्चय करणे योग्य होय.

स्थूळपंचमहाभूतेस्वरूपाकाशभेदोनाम समास.

🙏💐💐💐💐💐🙏