💐 || सुमंगल सुप्रभात || 💐‌ 🌞 दिन विशेष

‌

‌इसवी सन २०२२ - ४ डिसेंबर 

‌शालिवाहन शक १९४४, विक्रम संवत २०७९

भा. रा. १३ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : शुक्ल          

‌तिथी : द्वादशी            

वार : रविवार  

नक्षत्र: अश्विनी        

राशी: मेष

*भागवत एकादशी*

सांदीपनि ऋषी जयंती 

दादाजी धुनीवाले महाराज पुण्यतिथी, खांडवा.

*भारतीय नौसेना दिन*

जागतिक वन्यजीव संवर्धन दिन

१७९१: द ऑब्जर्व्हर हे जगातील पहिले रविवारचे वृत्तपत्र प्रकाशित झाले.

१८२९: सतीप्रथेमुळे महिलांवर होत असलेल्या अत्याचारांच्या विरोधात ब्रह्म समाजाचे संस्थापक राजा राममोहन राय यांनी आवाज उठवला. त्यांच्या अथक प्रयासातूनच ४ डिसेंबर १८२९ ला सतीप्रथा बंद झाली. सर्व सामान्य भारतीयांचा कट्टर विरोध असूनही लॉर्ड बेंटिंगने जाहीरनामा काढून सतीच्या प्रथेला मदत करणाऱ्यांना खुनी ठरवले जाईल असा कायदा केला होता.

१८८१: लॉस ऍन्जेलिस टाइम्स वृत्तपत्राचा पहिला अंक प्रकाशित झाला.

१९२४:  गेट वे ऑफ इंडिया या वास्तूचे व्हाईसराय लॉर्ड रीडिंग यांच्या हस्ते उद्घाटन.

१९४८: भारतीय लष्कराचे सरसेनापती म्हणून जनरल करिअप्पा यांची नेमणूक झाली.

१९६७: थुंबा येथील तळावरुन रोहिणी या पहिल्या भारतीय अग्निबाणाचे यशस्वी उड्डाण.

१९७१: भारत पाकिस्तान तिसरे युद्ध-ऑपरेशन ट्रायडेंट भारतीय आरमाराने कराची वर हल्ला केला.

१९९१: पॅन अ‍ॅम या अमेरिकन विमान कंपनीने दिवाळखोरी जाहीर केली.

जन्मदिवस 

१९१०: भारताचे माजी राष्ट्रपती आर. व्यंकटरमण

१९१०: आपल्या ऐटबाज व्यक्तिमत्त्वाने व सहजसुंदर अभिनयाने रसिकांवर मोहिनी घालणारे अभिनेते मोतीलाल राजवंश ऊर्फ मोतीलाल

१९१६: पंजाबी नाटककार, दिग्दर्शक, कादंबरीकार व लघुकथाकार, पंजाब विद्यापीठातील भारतीय रंगभूमी विभागाचे प्रमुख बळवंत गार्गी 

१९१९: भारताचे माजी पंतप्रधान इंद्रकुमार गुजराल

१९३५: पंडित विष्णू दिगंबर पलुसकर यांच्या परंपरेतील गायक शंकर काशिनाथ बोडस

१९६२: लोकसभा अध्यक्ष ओम बिरला

 १९७९: देशाच्या धावपटू सुनीता रानी

मृत्यूदिन 

११३१: पर्शियन तत्त्वज्ञ, गणितज्ञ, खगोलशास्त्रज्ञ आणि कवी ओमर खय्याम 

१९७३: कवी गिरीश तथा शंकर केशव कानेटकर

१९८१: मराठी चित्रकार ज. द. गोंधळेकर 

२०१४: भारतीय वकील आणि न्यायाधीश व्ही. आर. कृष्ण अय्यर 

२०१७: सुप्रसिद्ध अभिनेता शशी कपूर.

*।। दास-वाणी ।।* 

ना ते ज्ञान ना भजन । 

उगाचि आला देहाभिमान । 

येथें नाहीं किं अनुमान । 

प्रत्यय तुझा ।। 

तरी आतां ऐसें न करावें । 

रघुनाथ भजनीं लागावें । 

तेणेचि ज्ञान बोलावें । 

चळेना ऐसें ।। 

।। जय जय रघुवीर समर्थ ।। 

 दासबोध : ०६/०७/२७-२८ 

सगुण उपासना की निर्गुण उपासना श्रेष्ठ या वादामधे काहीच हाती लागत नाही. धड ना ब्रह्मज्ञान धड ना सगुणोपासना अशी विचित्र अवस्था होते. मी करतोय हा देहाभिमान कोणत्याही एका निश्चित पडावावर टिकू देत नाही. हे अंदाजाचे बोलणे नाही तर हा तुझाच अनुभव मी तुला समजावून सांगतोय.

आतातरी मनातले सगळे संशय दूर कर. श्रीरामाची मनोभावे उपासना कर. तो दाशरथी राम आहे आणि तोच निर्गुण ब्रह्मही. सगुण रामाच्या भक्तीनेच निश्चळ ब्रह्मज्ञान तुला प्राप्त होईल. तेच खरे ज्ञान होय जे अढळ असेल.

सगुणभजननाम समास.

  🙏💐💐💐💐💐🙏