💐 || सुमंगल सुप्रभात || 💐‌ 🌞 दिन विशेष

‌

‌इसवी सन २०२२ - १२ डिसेंबर 

‌शालिवाहन शक १९४४, विक्रम संवत २०७९

भा. रा. २१ मार्गशीर्ष १९४४

युगाब्द ५१२४

‌संवत्सर नाम: शुभकृत

अयन : दक्षिणायन

‌ऋतू : हेमंत

‌मास : मार्गशीर्ष 

पक्ष : कृष्ण         

‌तिथी : चतुर्थी (१८.४०) ~ पंचमी       

वार : सोमवार  

नक्षत्र: पुष्य (२३.३०) ~ आश्लेषा         

राशी: कर्क 

*प्रख्यात व प्रखर हिंदुत्ववादी डॉ. बाळकृष्ण शिवराम तथा बा.शि. मुंजे जयंती*, (१५०वी), नागपूर.

*हुतात्मा बाबू गेनू शहीद दिन*

*स्वदेशी दिन*

२००१: पृथ्वी या क्षेपणास्त्राची चाचणी करण्यात आली.

१९९०: टी. एन. शेषन भारताचे मुख्य निवडणूक आयुक्त झाले.

१९७१: संस्थानिकांचे तनखे व विशेषाधिकार रद्द करण्यात आले.

१९२३: इटलीची गंगा मानल्या जाणाऱ्या नदीवरील बांध फुटल्यामुळे सुमारे ६०० लोक मृत्यूमुखी पडले.

१९१७: इटली येथील फ्रेंच आल्प्स येथे फ्रान्स च्या सैन्याची रेल्वे रुळावरून घसरून ५४३ लोकांचा मृत्यू झाला.

१९११:दिल्ली ही भारताची राजधानी करण्यात आली. या आधी कोलकाता ही भारताची राजधानी होती.

१९०१:जी. मार्कोनी याला प्रथमच ' oबिनतारी संदेशाचे अटलांटिक महासागर पार प्रक्षेपण करण्यात यश मिळाले.

१८८२: आनंदमठ या बंकिमचंद्र यांच्या कादंबरीचे प्रकाशन, याच कादंबरीत *वंदे मातरम्* हे गीत आहे.

१८००: ला वॉशिंग्टन डीसी अमेरिकेची राजधानी बनले.

१७५५:डच इस्ट इंडिया कंपनीचे निकोबार येथे आगमन

जन्मदिवस :

१९८१:युवराजसिंग – भारतीय क्रिकेटपटू

१९७३: मराठी चित्रपट सृष्टीचे सुपर स्टार भरत जाधव 

१९५०: शिवाजी गायकवाड उर्फ रजनीकांत – प्रसिद्ध तामिळ अभिनेते

१९४९:गोपिनाथ पांडुरंग मुंडे, लोकनेते, पूर्व केंद्रीय मंत्री, महाराष्ट्राचे उप मुख्यमंत्री 

१९४०:शरद पवार – पूर्व केंद्रीय मंत्री, महाराष्ट्राचे मुख्यमंत्री

१९२७: इंटेल कॉर्पोरेशनचे सहसंस्थापक रॉबर्ट नोयस

१९१५: फ्रँक सिनात्रा – हॉलिवूड अभिनेता व गायक.

१९०७:खेमचंद प्रकाश – संगीतकार 

१९०५:डॉ. मुल्कराज आनंद – लेखक 

१८९२: गौरीशंकर गोवर्धनराम जोशी तथा ’धूमकेतू’ – गुजराथी कथाकार व कादंबरीकार. त्यांच्या ७ उत्कृष्ट कथांचा संग्रह ’सप्तपर्ण’ या नावाने प्रकाशित झाला.

१८८१: वॉर्नर ब्रदर्स चे सहसंस्थापक हॅरी वॉर्नर

१८७२:डॉ. बाळकृष्ण शिवराम मुंजे – राजकीय नेते, हिन्दू महासभेचे संस्थापक, अध्यक्ष आणि सरचिटणीस, लष्करीकरणाचे प्रवर्तक आणि नाशिक येथील ’भोंसला मिलिटरी स्कूल’चे संस्थापक 

मृत्यूदिन:

२०१५: शरद अनंतराव जोशी भारतीय शेतकरी संघटनेचे संस्थापक आणि राजकारणी 

२०१२: उत्तराखंडचे पहिले मुख्यमंत्री नित्यानंद स्वामी

२०१२:पण्डित रवी शंकर – सतार वादक, ’भारतरत्‍न’ 

२००६: सीगेट टेक्नोलॉजी चे सहसंस्थापक अॕलन शुगर्ट 

२००५:रामानंद सागर – सुप्रसिद्ध हिन्दी चित्रपट व मालिका निर्माते 

१९९२:पं. महादेवशास्त्री जोशी – साहित्यिक, भारतीय संस्कृतीकोषाचे व्यासंगी संपादक 

१९९१:  दत्तात्रय गणेश तथा अप्पासाहेब शेंबेकर कृषि तज्ञ व बागाईतदार, महाराष्ट्र राज्य द्राक्ष बागाईतदार संघाचे संस्थापक अध्यक्ष 

१९६४:मैथिलिशरण गुप्त – हिन्दी कवी. त्यांचे सुमारे ४० स्वतंत्र ग्रंथ आणि ६ अनुवादित ग्रंथ प्रसिद्ध झाले. त्यांच्या ’भारतभारती’ या काव्यग्रंथामुळे त्यांना राष्ट्रकवी म्हणून मान्यता मिळाली.

१९३०:परदेशी मालाविरुद्ध निदर्शने करताना हुतात्मा बाबू गेनू याचा मोटारीखाली चिरडून मृत्यू 

*।। दास-वाणी ।।* 

जे मनबुद्धिअगोचर । 

जे कल्पनेहून पर । 

ते अनुभविता साचार । 

द्वैत कैचें ।। 

कल्पना माया निवारी । 

कल्पना ब्रह्म थावरी । 

संशय धरी आणि वारी । 

तेहि कल्पना ।। 

।। जय जय रघुवीर समर्थ ।। 

 दासबोध : ०७/०५/१६-१८ 

मन आणि बुद्धीने ज्याला जाणता येत नाही, कल्पनेच्याही जे पलीकडे आहे, त्या परब्रह्माचा प्रत्यक्ष अनुभव घेतल्यानंतर अद्वैत साधले जाते. त्यामुळे द्वैताचा मागमूसही शिल्लक राहात नाही.

मी मायेचे निवारण करीन ही कल्पनाच असते. मी ब्रह्मस्वरूपात लीन होईन ही देखील कल्पनाच असते जी साधनेअंती प्रत्यक्षात येते. कोणत्याही व्यक्ती अथवा वस्तूविषयी संशय निर्माण करणे आणि तो संशय दूर करणे हा देखील कल्पनेचाच खेळ असतो.

इतकेच नव्हे तर मनाच्या सहाय्याने बंधनात टाकते आणि मुक्तीही देते ती कल्पनाच! 

द्वैतकल्पनानिरसन समास.

🙏💐💐💐💐💐🙏