गेवराई येथील पारधी समाजातील आनंदा शेरू भोसले च्या आत्महत्येस जबाबदार(दोषी)असणाऱ्या पोलिसांवर गुन्हे दाखल करण्यात यावेत.:-किशन तांगडे

सुजित धनवे उपसंपादक महाराष्ट्र राज्य.

मो. नं.7058137098

अहमदनगर :-

          जिल्ह्याचे अपर पोलीस अधिक्षक सचिन पांडकर साहेब यांची किशन तांगडे यांनी आणि  पीडितेच्या नातेवाईकांनी घेतली भेट.

       आनंदा शेरू भोसले यांच्या आत्महत्येस जबाबदार(दोषी)असणाऱ्या पोलिसांवर गुन्हे दाखल करण्यात यावेत यासाठी जिल्ह्याचे कर्तव्यदक्ष अतिरिक्त पोलीस अधीक्षक सचिन पांडकर साहेब यांच्याकडे  किशन तांगडे यांच्या नेतृत्वाखालील शिष्टमंडळाद्वारे लेखी निवेदन देऊन मागणी करण्यात आली.

   

  अतिरिक्त जिल्हा पोलीस अधिक्षक यांना देण्यात आलेल्या निवेदनामध्ये म्हटले आहे की, मयत आनंदा शेरू भोसले यांनी त्याचे राहते घरी बायकोच्या समोर दिनांक 18 जानेवारी 2023 रोजी दुपारी 03 वाजता विषारी औषध घेतले.

औषध घेताना,मला पोलीस सारखा त्रास देतात,माझ्यावर अनेक खोटे गुन्हे टाकून मला टॉर्चर केले आहे,तसेच पोलिसांनी 20 हजार रुपयासाठी तगादा लावून परेशान केले आहे. माझ्याकडे सध्या पैसे नाहीत. अटक करून पुन्हा मारहाण करतील या भीतीने मी आज आत्महत्या करणार आहे,असे विषारी औषध घेण्यापूर्वी त्यांनी त्याच्या पत्नीस सांगितले होते.मयताच्या पत्नीने तसा शिवाजीनगर पोलीस स्टेशन येथे जबाब दिलेला आहे.

       आनंद शेरू भोसले यांच्यावर आज पर्यंत पोलिसांनी जेवढे गुन्हे दाखल केले आहेत त्यापैकी एकाही गुन्ह्यांमध्ये त्यास शिक्षा झालेली नाही.केवळ पारधी समाजाचे असल्यामुळे पोलिसांनी संशयावरून त्रास दिलेला आहे. पोलिसांनी अनेकदा आनंद भोसले यास केवळ संशयावरून अटक करून थर्ड डिग्रीचा वापर करून अमानुषपणे मारहाण  केलेली आहे.गेवराई येथील तिहेरी खूनाचे प्रकरणांमध्ये ही त्यास आरोपी केले होते.परंतु पुरावे सिद्ध न झाल्याने त्यास 169 प्रमाणे निर्दोष करण्यात आले होते.

       गेवराई पोलीस स्टेशनचे पोलीस त्याला वारंवार पैशाची मागणी करत होते.म्हणून भोसले यांनी पोलिसाच्या त्रासाला कंटाळून आत्महत्या केलेली आहे. या प्रकरणाच्या संदर्भाने गेवराई पोलीस आरोपीला पाठीशी घालण्याचा प्रयत्न करत आहेत. आनंद शिंदे भोसले यांच्या मृत्यू जबाबदार असलेल्या पोलिसाविरुद्ध तक्रार दाखल करण्यास गेवराई पोलीस टाळाटाळ करत आहेत.

     म्हणून 02 फेब्रुवारी 2023 रोजी अतिरिक्त पोलिस अधीक्षक बीड यांची शिष्टमंडळाने भेट घेऊन लेखी दिलेल्या निवेदनामध्ये या मागण्याचा समावेश केला आहे. 

1)आनंद शिरू भोसले यास आत्महत्येस प्रवृत्त करणाऱ्या पोलिसांविरुद्ध ॲट्रॉसिटी ॲक्ट नुसार आणी कलम 306 भा.द.वि.प्रमाणे तात्काळ गुन्हा नोंद करण्यात यावा.

2) या गुन्ह्याचा तपास सीबीआय मार्फत करण्यात यावा. 

3)मयत आनंद शेरु भोसले यांच्या कुटूंबीयाचे शासकीय योजने मार्फत पुनर्वसन करण्यात यावे.

4) मयत आनंदा उर्फ वाघ्या शेरू भोसले याची पत्नी आणि नातेवाईकांचे जबाब घेण्यात यावेत.

        या निवेदनावर मयताच्या बहिणी तारामती अशोक काळे,कावेरी काळे,वैशाली काळे, वैशाली शिंदे यांच्या सह्या आहेत.

       यावेळी मयताची पत्नी,बहिणी,कडुदास कांबळे,नानासाहेब मस्के आणि संदेश मस्के सह इत्यादी कार्यकर्ते उपस्थित होते.