💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - १७ जुलै 

‌शालिवाहन शक १९४५, विक्रम संवत २०७९

‌भा. रा. २६ आषाढ १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : ग्रीष्म 

मास : आषाढ 

पक्ष : कृष्ण               

तिथी : अमावास्या (२४.००) ~ प्रतिपदा 

वार : सोमवार 

नक्षत्र : पुनर्वसु (२९.१०) ~ पुष्य

राशी : मिथुन (२२.३०) ~ कर्क 

दर्श अमावास्या 

आषाढ अमावास्या

दीप अमावास्या, दीप पूजन 

सोमवती अमावास्या 

आदि - हरयाली - चितलागी अमावास्या 

*अमावास्या समाप्ती (मध्य रात्री १२ वाजता)*   

ज्योतिर्भीमेश्वर व्रत

आंतरराष्ट्रीय न्यायासाठी दिन

जागतिक इमोजी दिन

१८०२ : मराठी भाषेतील पहिलाच छापील मजकुर मोडी लिपीत. देवी रोगावरील लस टोचून घेण्याविषयीची जाहिरात.

१८१९: अ‍ॅडॅम्स-ओनिस करारानुसार फ्लोरिडा हे राज्य अमेरिकेने स्पेनकडुन ५ दशलक्ष डॉलर देऊन विकत घेतले.

१८४१ : अतिशय गाजलेल्या ’पंच’ या विनोदी साप्ताहिकाचा पहिला अंक प्रकाशित झाला.

१८९७ : अलास्काच्या क्लॉन्डाइक भागात सोने शोधण्यासाठी गेलेली काही माणसे मुबलक सोन्याची वार्ता घेउन परतली आणि क्लॉन्डाइक गोल्ड रशची सुरुवात झाली.

१९१७: किंग जॉर्ज (पाचवा) यांनी फतवा काढून जाहीर केले की त्यांच्या वंशातील पुरुष मंडळी विंडसर हे आडनाव लावतील.

१९४७ : कोकण किनार्‍यावरील मुंबई ते रेवस प्रवाशांची ने-आण करणार्‍या ‘रामदास’ या प्रचंड बोटीला आषाढी अमावास्येच्या रात्री ’काशाचा खडक’ या ठिकाणाजवळ जलसमाधी मिळून ६२५ मृत्युमुखी.

१९५०: देशांतील पहिली विमान दुर्घटना पंजाब राज्यातील पठाणकोट येथे घडली.

१९५४ : कॅलिफोर्नियात  डिस्नेलँड खुले.

१९७५ : अमेरिकेचे अपोलो व रशियाचे सोयुझ ही दोन अंतराळयाने एकमेकांस जोडली गेली.

१९९५ : अमेरिकेत उष्ण हवेची लाट. ४०० मृत्युमुखी.

१९९६ : ट्रान्स वर्ल्ड एरलाइन्स फ्लाइट ८०० हे बोईंग ७४७ विमान न्यूयॉर्क जवळ समुद्रात कोसळले. २३० ठार.

१९९८ : पापुआ न्यू गिनीच्या किनाऱ्यावर त्सुनामी. १,५०० मृत्युमुखी, २,००० बेपत्ता.

२००४ : भारतातील कुंभकोणम शहरात शाळेला आग लागून ९० विद्यार्थी ठार.

२००७ : टॅम एरलाइन्सचे टॅम एरलाइन्स फ्लाइट ३०५४ हे विमान साओ पाउलो विमानतळावर उतरताना कोसळले. १९९ ठार.

जन्मदिवस

१९६९: भारतीय हिंदी आणि भोजपुरी चित्रपट अभिनेता रवी किशन 

१९५९: हिंदी आणि मल्याळम चित्रपट अभिनेत्री जरीना वहाब 

१९५४ : एंजेला मर्केल, जर्मनीच्या पूर्व चान्सेलर.

१९३०: बाबूराव बागूल, साहित्यिक 

१९२३: कूपर कार कंपनी चे सहसंस्थापक जॉन कूपर

१९१९: स्नेहल भाटकर, संगीतकार

मृत्यूदिन

१७९० : अ‍ॅडम स्मिथ, अर्थशास्त्रज्ञ.

१८३५: मेघालय सम्राट तिरोट सिंग

१९७२: गुजरात मधील प्रसिद्ध राजकारणी आणि ‘अखिल भारतीय किसान सभे’चे नेते, इंदुलाल याज्ञिक.

१९९२: शांता हुबळीकर, अभिनेत्री 

१९९२: काननदेवी, अभिनेत्री व गायिका

२०१२ : मृणाल गोरे, सहाव्या लोकसभेच्या सदस्य, समाजवादी कार्यकर्त्या

२०२०: पद्मभूषण पुरस्कार व शांती स्वरूप भटनागर पुरस्कार विजेते प्रख्यात भारतीय गणितज्ञ व चेन्नई मॅथेमॅटिकल इन्स्टिट्यूटचे संस्थापक सी. शेषाद्री 

*।। दास-वाणी ।।* 

तेथें ब्रह्मादिकांची भुवनें । 

ब्रह्मांडदेवतांची स्थानें । 

उफराटी गंगा पाहातां मिळणें । 

सकळांस तेथे ।। 

त्या जळाऐसे नाहीं निर्मळ । 

त्या जळाऐसें नाहीं चंचळ । 

आपोनारायण केवळ । 

बोलिजे त्यासी ।। 

।। जय जय रघुवीर समर्थ ।। 

 दासबोध : ११/०७/११-१२ 

मायानदीच्या प्रवाहासोबत जे वाहात जातात, ते प्रापंचिक गोष्टींमध्ये अडकतात. काम क्रोध मद मोह मत्सर दंभ इत्यादी षड्रिपूंना बळी पडून स्वत:चे नुकसान करून घेतात.

उफराटी गंगा म्हणजे माया नदीच्या प्रवाहाविरूद्ध पोहत पोहत उगमाकडे प्रवास करणे. तिथे मात्र सर्व साधकांना, योग्यांना ब्रह्मांडातील सर्व देवतांची पवित्र स्थाने उगमापाशी पाहायला मिळतात.

भक्ती, ज्ञान, कर्म, योग यापैकी एका मार्गावर दीर्घ वाटचाल करून ते स्वत:च ब्रह्मस्वरूप झाल्यामुळे मायानदीच्या उगमापाशी मूळमायेचे

स्वच्छ निर्मळ पवित्र उदक त्यांना अनुभवायला मिळते.

ते जल चंचळ म्हणजे मायिक असले तरी सर्वश्रेष्ठ आहे. यामुळे त्याला 'आपोनारायण' असे संबोधले जाते.

चंचळनदीनिरूपण समास.

 🙏 💐💐💐💐💐 🙏