रुपाली मेश्राम कार्य.संपादिका मो.9552073515
मुंबई :- रिपब्लिकन पक्षाचे रष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांची प्रमुख जागतिक बौद्ध संघटना असलेल्या वर्ल्ड फेलोशिप ऑफ बुद्धिस्ट च्या कायमस्वरूपी जागतिक मानद उपाध्यक्षपदी आज अधिकृत निवड करण्यात आल्याची घोषणा बँकॉक येथे करण्यात आली. बँकॉक येथे वर्ल्ड फेलोशिप ऑफ बुद्धिस्ट च्या कार्यकारी परिषदेत आज वर्ल्ड फेलोशिप ऑफ बुद्धिस्ट चे अध्यक्ष फॅलोप थेयरी यांनी ना.रामदास आठवले यांची वर्ल्ड फेलोशिप ऑफ बुद्धिस्ट च्या जागतिक मानद उपाध्यक्ष पदी नियुक्ती करण्यात आल्याची घोषणा आज केली।यावेळी जगभरातील 60 बौद्ध देशांचे बौद्ध प्रतिनिधी उपस्थित होते.
वर्ल्ड फेलोशिप ऑफ बुद्धिस्ट च्या जागतिक कार्यकारी समिती च्या दिवसीय धम्म परिषदेला आज दि.21 नोव्हेंम्बर 2023 रोजी बॉंकोक येथील हॉटेल मध्ये प्रारंभ झाला.दि.21ते 23 नोव्हेंबर 2023 पर्यंत बँकॉक मध्ये वर्ल्ड फेलोशिप ऑफ बुद्धिस्ट ची तीन दिवसीय कार्यकारी परिषद चालणार आहे. आज या परिषदेच्या पहिल्या दिवशी ना.रामदास आठवले यांची वर्ल्ड फेलीशीप ऑफ बुद्धिस्ट च्या जागतिक मानद उपाध्यक्ष पदी निवड जाहीर करण्यात आली. या नियुक्ति बद्दल जगभरातील बौद्ध प्रतिनिधींनी ना.रामदास आठवले यांचे अभिनंदन केले आहे.
वर्ल्ड फेलोशिप ऑफ बुद्धिस्ट या जागतिक बौद्ध संघटनेला ऐतिहासिक महत्व आहे. संपूर्ण जगात वर्ल्ड फेलोशिप ऑफ बुद्धिस्ट प्रमुख बौद्ध संघटना आहे. या संघटनेच्या स्थापना बैठकीला 1950 मध्ये बोधिसत्व महामानव डॉ बाबासाहेब आंबेडकर उपस्थित होते. दर दोन वर्षांनी वर्ल्ड फेलोशिप ऑफ बुद्धिस्टची जागतिक बौद्ध धम्म परिषद आयोजित केली जाते. 1956 मध्ये महामानव डॉ बाबासाहेब आंबेडकरांनी काठमांडू नेपाळ येथे आणि 1954 मध्ये रंगून ब्रह्मदेश ( म्यानमार) येथे वर्ल्ड फेलोशिप ऑफ बुद्धिस्ट च्या जागतिक बौद्ध धम्म परिषदेत सहभाग घेतला होता. 14 ऑक्टोबर 1956 रोजी बोधीसत्व महामानव डॉ बाबासाहेब आंबेडकरांनी ऐतिहासिक बौद्ध धम्माची दीक्षा घेऊन धम्मचक्र प्रवर्तन घडविले. तो वारसा घेऊन आम्ही भारतात आणि जगभरात बौद्ध धम्माचे काम करीत आहोत. जगाच्या कल्याणासाठी जगाला युद्ध नको तो बुद्ध हवा आहे. त्यामुळे बौद्ध धम्माने दिलेल्या शांती अहिंसा सत्य समता या विचारांचा प्रसार करीत बुद्ध धम्माच्या प्रसारासाठी धम्म परिषद आयोजित करणे आवश्यक आहे. त्यामुळे भारतात मुंबई आणि दिल्ली येथे वर्ल्ड फेलोशिप ऑफ बुद्धिस्ट तर्फे जागतिक बौद्ध धम्म परिषद आयोजित केली जावी अशी सूचना ना.रामदास आठवले यांनी आज बँकॉक येथे सुरू झालेल्या वर्ल्ड फेलोशिप ऑफ बुद्धिस्ट च्या धम्म परिषदेत केली. वर्ल्ड फेलोशिप ऑफ बुद्धिस्टच्या जागतिक मानद उपाध्यक्ष पदी नियुक्ती झाल्यानंतर सत्काराला उत्तर देताना ना.रामदास आठवले बोलत होते.
भारतात दलित बहुजन गरीब शोषित वर्गासाठी केलेल्या भरीव कार्यामुळे तसेच भारतात बौद्ध धम्मासाठी सतत काम करीत असल्यामुळे बौद्ध नेते म्हणून ही त्यांचे योगदान चांगले असल्याची दखल प्रमुख जागतिक बौद्ध संघटना असलेल्या वर्ल्ड फेलोशिप ऑफ बुद्धिस्ट ने घेतली आहे. या धम्मपरिषदेत ना.रामदास आठवले यांच्या कार्याचा गौरव म्हणून वर्ल्ड फेलोशिप ऑफ बुद्धिस्ट या जागतिक बौद्ध धम्म संघटनेच्या ऑनररी व्हाईस प्रेसिडेंट ( मानद उपाध्यक्ष ) पदी कायमस्वरूपी नियुक्ती आज करण्यात आली.
केंद्रीय राज्यमंत्री ना.रामदास आठवले हे दि.20 नोव्हेंम्बर ते 25 नोव्हेंबर असे 5 दिवस बँकॉक दौऱ्यावर असून त्यांच्या सोबत त्यांच्या पत्नी सौ.सीमाताई आठवले; पुत्र कुमार जित आठवले; युनायटेड बुद्धिस्ट फेडरेशन चे अध्यक्ष अविनाश कांबळे; रिपब्लिकन बहुजन विद्यार्थी परिषदे चे अध्यक्ष चंद्रशेखर कांबळे हे सोबत आहेत.
वर्ल्ड फेलीशीप ऑफ बुद्धिस्टचे अध्यक्ष फेलेप थियरी यांनी रिपब्लिकन पक्षा चे राष्ट्रीय अध्यक्ष केंद्रीय राज्यमंत्री ना.रामदास आठवले यांचे भारतातील काम खूप मोठे आहे. जागतिक स्तरावर ना.रामदास आठवले यांचे काम आहे. त्यांच्या नेतृत्वाची वर्ल्ड फेलोशिप ऑफ बुद्धिस्ट ला गरज आहे. त्यामुळे वर्ल्ड फेलीशीप ऑफ बुद्धिस्ट च्या ऑनररी मानद उपाध्यक्ष पदी ना.रामदास आठवले यांची निवड करीत असल्याचे आज 60 देशांच्या बौद्ध प्रतिनिधींसमोर सांगत ना.रामदास आठवले यांचा गौरव केला.
वर्ल्ड फेलोशिप ऑफ बुद्धिस्ट च्या जागतिक कार्यकारी परिषदेत जगभरातील 60 बौद्ध देशांचे प्रमुख प्रतिनिधी सहभागी झाले आहेत. या 60 देशांच्या बौद्ध प्रतिनिधींच्या उपस्थितीत वर्ल्ड फेलोशिप ऑफ बुद्धिस्ट च्या जागतिक मानद उपाध्यक्ष पदी ना.रामदास आठवले यांची आज अधिकृत निवड करून सन्मान करण्यात आला.
जगभरात निर्माण झालेल्या युद्धजन्य स्थितीतुन जग कसे बाहेर पडून शांती च्या मार्गावर जाईल; शांती अहिंसा मानवता सत्य समता या बुद्ध विचारांचा प्रसार करून जगभर मानव जातीच्या कल्याणासाठी बौद्ध धम्माचा प्रसार वाढवावा याबाबत ही या आंतराष्ट्रीय बौद्ध परिषदेत विचार विनिमय करण्यात आला. या जागतिक बौद्ध संघटनेच्या उपाध्यक्ष पदी या पूर्वींही ना.रामदास आठवले यांची निवड झाली होती. जागतिक उपाध्यक्षपदाचा कार्यकाळ हा 4 वर्षांचा असतो.मात्र यंदा ना.रामदास आठवले यांना वर्ल्ड फेलीशीप ऑफ बुद्धिस्ट चे जागतिक मानद उपाध्यक्ष पदाचा बहुमान देण्यात आला असून या पदासाठी कोणतीही कालमर्यादा ठेवण्यात आलेली नाही. वर्ल्ड फेलोशिप ऑफ बुद्धिस्ट चे कायमस्वरूपी जागतिक मानद उपाध्यक्ष म्हणून ना.रामदास आठवले यांची आज निवड जाहीर करण्यात आली.
0 टिप्पण्या