💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - ९ मे  

‌शालिवाहन शक १९४६, विक्रम संवत  २०८०

‌भा. रा. १९ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: वैशाख  

पक्ष: शुक्ल  

तिथी: प्रतिपदा (०६.२०)  ~ द्वितीया  (२८.२०)                                          

वार:  गुरूवार

नक्षत्र : कृत्तिका (११.५०) ~ रोहिणी                                                                                 

राशी:   वृषभ 

*वैशाख मासारंभ*

चंद्र दर्शन 

वज्रेश्वरी पालखी

*छत्रपती शिवाजी महाराज जयंती* (परंपरेने)

*महाराणा प्रताप जन्मदिवस* (दिनांकानुसार)

१८७४: मुंबईत घोड्यांनी ओढल्या जाणार्‍या ट्राम सुरू झाल्या.

१८७७: पेरू देशाच्या किनारपट्टीवरील झालेल्या ८.८ तीव्रतेच्या भूकंपामुळे २५४१ लोक ठार झाले.

१९०४: वाफेवर चालणारे सिटी ट्रुरो हे इंजिन १६० किमी / ताशी पेक्षा जास्त वेगाने धावणारे यूरोपमधील पहिले इंजिन बनले

१९३६: इटलीने इथिओपिया देश बळकावला.

१९५५: पश्चिम जर्मनी देशाचा नाटो (NATO) मधे प्रवेश.

१९७५: विजेवर चालणारी टंकलेखन मशीन तयार करण्यात आली

१९९९: अटलांटा ग्रांप्री नेमबाजी स्पर्धेत भारताच्या रुपी उन्नीकृष्णनने प्रोन गटात रौप्यपदक पटकाविले.

१९९९: ग्वाटेमालाच्या ज्युलिओ मार्टिनेझ याने ग्रॅन्ड प्रिक्स स्पर्धेतील वीस किलोमीटर चालण्याची शर्यत १ तास १७ मिनिटे व ४६ सेकंदात पूर्ण करुन नवा जागतिक विक्रम प्रस्थापित केला.

२००३: अमेरिकन बहुराष्ट्रीय कंपनी गुगलने इंटरनेट प्रोग्राम एड्सेंस सादर केला.

२००९: अमेरिकन अंतराळ संस्था नासाने चंद्रावर पाण्याचा शोध लावण्यासाठी आपला टोही नावाचा उपग्रह प्रक्षेपित केला.

जन्मदिवस 

१५४०: मेवाड चे सम्राट महाराणा प्रताप 

१८१४: अव्वल इंग्रजीतील मराठी व्याकरणकार दादोबा पांडुरंग तर्खडकर 

१८६६: थोर समाजसेवक गोपाल कृष्ण गोखले (कातळूक, रत्नागिरी) 

१८८६: स्वातंत्र्यसैनिक, संयुक्त महाराष्ट्र चळवळीतील एक प्रमुख नेते, शेतकरी कामगार पक्षाचे एक संस्थापक केशवराव मारुतराव जेधे 

१९२८: समाजवादी कामगारनेते, लेखक व समाजवादाचे अभ्यासक वसंत नीलकंठ गुप्ते. 

मृत्यूदिन 

१३३८: भगवद्‍भक्त चोखा मेळा (मंगळवेढे येथील गावकुस बांधत असताना कोसळणार्‍या कुसबाखाली सापडून निधन)

१९१७: डॉक्टर, कवी व शास्त्रज्ञ कान्होबा रणछोडदास.

१९३१: वर्णपटाद्वारे प्रकाशाच्या मापनासंबंधीच्या शोधासाठी नोबेल पारितोषिक मिळवणारे जर्मन-अमेरिकन पदार्थवैज्ञानिक अल्बर्ट मायकेलसन 

१९५९: थोर शिक्षणतज्ज्ञ डॉ. कर्मवीर भाऊराव पाटील 

१९८६: एडमंड हिलरी यांच्यासोबत सगळ्यात पहिल्यांदा एव्हरेस्ट शिखर सर करणारे शेर्पा टेन्झिंग नॉर्गे 

१९९५: सिने दिग्दर्शक अनंत माने 

१९९८: पार्श्वगायक व अभिनेता, गझलचे बादशहा तलत महमूद 

१९९९: उद्योगपती करमसीभाई जेठाभाई सोमय्या.

२०१४: भारतीय राजकारणी

 नेदुरुमल्ली जनार्दन रेड्डी तथा एन. जनार्दन रेड्डी

            *।। दास-वाणी ।।*

ब्रह्म शब्दीं ऐसें तैसें । 

बोलिजे त्याहूनि अनारिसें ।

परी तें श्रवणअभ्यासें । 

पाविजें ब्रह्म  ।। 

ब्रह्मास नामे अनंत । 

परी तें ब्रह्म नामातीत । 

ब्रह्मास हेतदृष्टांत । 

देतां न शोभती  ।। 

।। जय जय रघुवीर समर्थ ।। 

 दासबोध  : ०७/०२/०७-०८ 

ब्रह्म हे शब्दांमध्ये असे असे आहे किंवा तसे तसे नाही असे वर्णनात्मक सांगताच येत नाही. बोललेल्या शब्दांच्या पलीकडे त्याची अनुभूती असते.

निर्गुणाचे वर्णन गुणात्मक शब्दात कोणी करू शकत नाही.

सातत्याने श्रवण मनन चिंतन निदिध्यासनाद्वारे मोजक्याच साधकांना त्याचा अनुभव येतो.

परब्रह्मासाठी केवल, साक्षी, अरूप अशी असंख्य नावे आहेत.

सगुण ब्रह्माला राम, कृष्ण यासारखी अनेक नावे आहेत.

तरीही हे ब्रह्म नामाच्या अतीत म्हणजे पलीकडले आहे. त्याला समजण्यासाठी कोणताही दृष्टांत हा थिटाच पडतो. अपूरा ठरतो. कारण ते एकमेव अद्वितीय आहे. आत्मअनात्मविवेकाने सद् गुरूंच्या मार्गदर्शनाखालीच त्याची प्राप्ती सुलभ होऊ शकते.

*ब्रह्मनिरूपण समास.*

*संंकलक : सुधीर देशपांडे (आबा)*

🙏 💐 💐 💐 💐 💐 🙏