अकोल्यात सलोखा आणि शांततेसाठी जिल्हा प्रशासनासोबत बैठकीचा निर्णय; सर्वधर्मीय नेत्यांची बैठक संपन्न!

चित्रा न्युज प्रतिनिधी

अकोला -  सर्किट हाऊस अकोला येथे सलोखा बैठक पार पडली. या बैठकीत जिल्हा सालोखा आणि शांततेसाठी जिल्हाधिकारी आणि पोलीस अधीक्षक यांच्यासोबत बैठक घेण्याचा निर्णय झाला.

महाराष्ट्रमध्ये जातीय तणाव आणि धार्मिक उन्माद तसेच दंगलीमुळे महाराष्ट्राचे वातावरण दूषित झालेले आहे. अशाच एका वातावरणाने अकोल्यात देखील उद्रेक होवून त्याची झळ अकोलेकर नागरिकांना भोगावी लागली होती. पुन्हा राज्यात अशांतता निर्माण केली जात असून "आम्ही अकोला जिल्ह्यामध्ये ह्याचा उद्रेक होऊ देणार नाही. अकोल्यातील शांतता आणि सलोखा कायम ठेवण्यासाठी आम्ही स्वतः पुढाकार घेवून सर्व जाती धर्म आणि पंथ एकत्रित आहोत हा संदेश देण्याकरिता वंचित बहुजन युवा आघाडी तर्फे प्रदेश महासचिव राजेंद्रभाऊ पातोडे ह्यांचे पुढाकाराने विविध धर्मगुरू आणि सामाजिक संघटन यांची एक महत्वपूर्ण बैठक संपन्न झाली. 

या बैठकीला भन्ते राजज्योती, मुस्लिम धर्मगुरू ऐसानोद्दीन, मराठा सेवा संघचे प्रशांत जानोरकार, दिलीप आंबेकर, संभाजी ब्रिगेडचे आकाश कराळे, आलायन्स चर्चचे देवानंद साळवे, एमपीजेचे शेहजाद अन्वर, मोहम्मद अतिक उर रहेमान सर, महेमूद उस्मान, प्रविण चोपडे चर्मकार समाज संघटना, बारा बलुतेदार संघटनाचे अध्यक्ष अनिल शिंदे, गजानन वाघमारे, गणेश पाळसुतकर,शाहिद खान, वंचित बहुजन युवा आघाडी जिल्हाध्यक्ष श्रीकांत घोगरे, राजकुमार दामोदर, मजहर खान, मनोहर बनसोड, महिला आघाडी महानगर अध्यक्ष वंदनाताई वासनिक, धिरज इंगळे, प्रदीप चोरे, सचिन शिराळे,नितीन वानखडे, नंदकिशोर मापारी, आकाश जंजाळ, सुरज दामोदर, मनोज शिरसाट, राजेश बोदळे, मंतोषताई मोहोळ, किरणताई बोराखडे,शंकरराव इंगोले, अमोल कलोरे, योगेश वडाळ,सैय्यद जानी भाई, ऍड मीनल मेंढे, नंदिनी ढोले, पायल कांबळे, आशिष रायबोले, ऍड सुबोध डोंगरे, रुग्ण सेवक नितीन सपकाळ, पराग गवई, सोनू शिरसाट, सागर इंगळे, राहुल अहिर, भूषण वानखडे,गोलू खिल्लारे,सुरेश गायकवाड, सुरेश मोरे उपस्थित होते.

बैठकीचे प्रास्ताविक श्रीकांत घोगरे, सूत्रसंचालन निलेश तर आभार प्रदर्शन सचिन शिराळे यांनी केले.