खळबजनक : भद्रावती पोलिसांची कारवाई : धारदार तलवारीसह आरोपी ताब्यात

भद्रावतीत वाढत्या गुन्हेगारीमुळे नागरिकांत दहशतीचे वातावरण :  भद्रावती पोलिसांन समोर मोठे आव्हान

चित्रा न्युज प्रतिनिधी 

भद्रावती : शहरातील वाढत्या गुन्हेगारीत उत आले आहे.कधी घरफोडी तर कधी तलवार बाळगल्याच्या गुन्हेगारीमुळे दहशतीचे वातावरण मिर्माण झाल्याने भद्रावती पोलिसांन समोर मोठे आव्हान ठरत आहे.  

भद्रावतीत आज पुन्हा तलवार मिळाल्याने भद्रावतीत दहशतीचे वातावरण  निर्माण झाले आहे. यापुर्वी भांगाराम वार्डात एका इसमाजवळ तलवार पकडली होती. 

भद्रावती पोलिसांनी गुप्त माहितीच्या आधारे केलेल्या कारवाईत पंचशिल नगर येथील राजमहल बार जवळ धारदार लोखंडी तलवारीसह दहशत निर्माण करणाऱ्या एका इसमाला अटक केली आहे.

मिळालेल्या माहितीनुसार, दि.२१ ऑगस्ट २०२५ रोजी दुपारी ३.०० ते ३.४५ वाजताच्या सुमारास पंचशिल नगर परिसरात आरोपी अमीत ओमप्रकाश टेभुर्ने वय २५, वर्ष रा. राहूल नगर, पंचशिल वार्ड, भद्रावती. हा तलवार बाळगून नागरिकांमध्ये दहशत निर्माण करीत असल्याची माहिती पोलिसांना मिळाली होती.

त्यावरून स्थानिक पोलिसांनी तातडीने कारवाई करून आरोपीला ताब्यात घेतले. झडती दरम्यान अंदाजे किमंत २.५०० रुपयांची एक लोखंडी तलवार जप्त करण्यात आली. या तलवारीवर “जय शिवाजी जय महाराष्ट्र” असे शब्द कोरलेले  आहे.

या प्रकरणी भद्रावती पोलीसांनी अपराध क्र.४४३/ २०२५,कलम ४,२५ भारतीय हत्यार कायदा अंतर्गत गुन्हा दाखल करण्यात आला असून आरोपीला ताब्यात घेण्यात आले आहे.

ही कारवाई मा.पोलीस अधीक्षक मुमक्का सुदर्शन, मा. अपर पोलीस अधीक्षक ईश्वर कातकाडे व मा. उपविभागीय पोलीस अधिकारी वरोरा संतोष बाकल यांच्या मार्गदर्शनाखाली, पोलीस निरीक्षक योगेश्वर पारधी यांच्या नेतृत्वात गुन्हे शोध पथकातील पो.उप.नि. गजानन तुपकर, सफौ. महेंद्र बेसरकर, पो.हवा. अनुप आस्टूनकर, जगदीश झाडे, विश्वनाथ चुदरी, गोपाल आतकुलवार, पो.अं. खुशाल कावळे, योगेश घाटोळे, संतोष राठोड आदींच्या पथकाने केली.