💐 || सुमंगल सुप्रभात || 💐‌ 🌞 दिन विशेष

💐  || सुमंगल सुप्रभात ||  💐

‌  🌞 दिन विशेष 

‌

‌इसवी सन २०२२ - १६ डिसेंबर 

‌शालिवाहन शक १९४४, विक्रम संवत २०७९

भा. रा. २५ मार्गशीर्ष १९४४

युगाब्द  ५१२४

‌संवत्सर नाम: शुभकृत

अयन : दक्षिणायन

‌ऋतू :  हेमंत

‌मास :  मार्गशीर्ष 

पक्ष :   कृष्ण         

‌तिथी : अष्टमी           

वार :   शुक्रवार  

नक्षत्र: पूर्वा (०७.३०) ~उत्तरा           

राशी:   सिंह (१४.००) ~ कन्या 

कालाष्टमी 

*विजय दिवस*

१४९७: वास्को-द-गामाने केप ऑफ गुड होपला वळसा घातला.

१७७३: अमेरिकन राज्यक्रांती – बॉस्टन टी पार्टी.

१८५४: भारतातील पहिल्या इंजिनीअरिंग कॉलेजची स्थापना पुणे येथे झाली.

१९०३: मुंबईतील ताजमहाल पॅलेस हॉटेल ग्राहकांसाठी खुले करण्यात आले.

१९२८: मुंबई-पुणे रेल्वे वाहतूक बोगद्यातून सुरु झाली.

१९३२: प्रभातचा मायामच्छिंद्र हा चित्रपट प्रदर्शित झाला.

१९७१: *पाकिस्तानने भारताविरुद्धच्या युद्धात शरणागती पत्करली*.

१९८५: कल्पक्कम येथील इंदिरा गांधी अणुसंशोधन केंद्रातील प्रायोगिक फस्ट ब्रीडर रिअॕक्टर राष्ट्राला समर्पित. 

१९९१: पुर्वीच्या सोविएत संघराज्यातुन (USSR) फुटून कझाकस्तान हा स्वतंत्र देश झाला.

२००६: अंतराळवीर सुनिता विल्यम यांनी एका दुसऱ्या अंतराळवीरासोबत अंतराळयानाच्या बाहेर जाऊन ७ तास ३१ मिनिटात विद्युत प्रणालीची दुरुस्ती केली.

२०१४: पाकिस्तान च्या पेशावर येथे दहशदवादी हल्ल्यात १५० लोकांचा जीव गेला त्यात १३४ लहान मुले होती

*जन्मदिवस*

१७७०: कर्णबधिर संगीतकार लुडविग व्हान बीथोव्हेन

१७७५: इंग्लिश लेखिका जेन ऑस्टीन 

१९१७: विज्ञान कथालेखक आणि संशोधक सर आर्थर सी. क्लार्क 

*मृत्यूदिन*

१९६०: मराठी कोशकार आणि लेखक चिंतामण गणेश कर्वे 

१९६५: इंग्लिश लेखक आणि नाटकाकर डब्ल्यू. सॉमरसेट मॉम 

१९८०: केंटुकी फ्राईड चिकन (KFC) चे संस्थापक कर्नल सँडर्स 

२००२: सर्कस सम्राट काशिनाथ सखाराम तथा बंडोपंत देवल.

२००४: नाट्य आणि चित्रपट अभिनेते लक्ष्मीकांत बेर्डे 

*।। दास-वाणी ।।* 

रायास रंकाची आशा । 

तक्र सांगणें पीयुषा । 

सन्याशासी वोवसा । 

उचिष्ट चांडाळी  ।। 

कर्मनिष्ठा वशीकरण । 

पंचाक्षरी निरूपण । 

तेणे भंगे अंत:करण । 

सहजचि त्याचें  ।। 

।। जय जय रघुवीर समर्थ ।। 

 दासबोध : ०७/०९/२३-२४ 

ज्याची जशी उपासना असते त्याच प्रकारच्या श्रवणाची त्याला गोडी असते. ज्याचा जो अधिकार तेच त्याला देणे योग्य.

राजाला जसे दारिद्र्याचे कौतुक नसते.

अमृतापुढे जशी ताकाची महती सांगू नये. सन्याशाला जसे चांडाळीच्या उष्टयाची भिक्षा मागण्याचे व्रत सांगू नये. ते प्रापंचिक काम्य व्रत आहे.

सगुण साकाराचा षोडशोपचार पूजक असलेल्या कर्मठ कर्मनिष्ठाला वशीकरणाचे मंत्र सागून काय उपयोग?

भूतपिशाच्चाचे निराकरण करणारा एखादा पंचाक्षरी असेल तर त्याला वेदविद्या वेदांत सागून काही फरक पडेल काय ? उलट तो काही डोक्यात

शिरले नाही म्हणून नाराजच होणार.

तात्पर्य रूची आणि अधिकारभेदानुसार केलेले श्रवणच परिणामकारक ठरते. अनाठायी उद् बोधन वाया जाते.

श्रवणनिरूपण समास.

🙏💐💐💐💐💐🙏