💐 || सुमंगल सुप्रभात || 💐‌ 🌞 दिन विशेष

💐  || सुमंगल सुप्रभात ||  💐

‌  🌞 दिन विशेष 

‌

‌इसवी सन २०२२ - ११ डिसेंबर 

‌शालिवाहन शक १९४४, विक्रम संवत २०७९

भा. रा. २० मार्गशीर्ष १९४४

युगाब्द  ५१२४

‌संवत्सर नाम: शुभकृत

अयन : दक्षिणायन

‌ऋतू :  हेमंत

‌मास :  मार्गशीर्ष 

पक्ष :   कृष्ण         

‌तिथी : तृतीया (१६.१०) ~ चतुर्थी      

वार :   रविवार  

नक्षत्र: पुनर्वसु (२०.३०) ~ पुष्य        

राशी:   मिथुन (१३.५०) ~ कर्क 

*संकष्ट चतुर्थी* (चंद्रोदय रात्री ८.४०)

*बाळासाहेब देवरस जन्मदिवस*

आंतरराष्ट्रीय गिरी दिवस 

२०१४: प्रधानमंत्री नरेंद्र मोदी यांनी सुरु केलेल्या योग दिवसाला संयुक्त राष्ट्र संघाने स्वीकृती दिली. 

२००७: उत्तर कोरिया व दक्षिण कोरिया यांच्यात ५० वर्षानंतर पुन्हा रेल्वे सेवा पूर्ववत.

२००६: अंतराळवीर सुनिता विल्यम आय. एस. एस. (आंतरराष्ट्रीय स्पेस स्टेशन) वर पोहोचली.

२००१:चीनचा वर्ल्ड ट्रेड ऑर्गनायझेशन (WTO) मधे प्रवेश

१९९४: अध्यक्ष बोरिस येल्त्सिन यांच्या आदेशावरुन रशियन फौजांचा चेचेन्यामधे प्रवेश.

१९७२:अपोलो मोहिमेतील अपोलो १७ हे सहावे चांद्रयान चंद्रावर उतरले.

१९६७:कोयना येथे ६.५ रिश्टर तीव्रतेचा भूकंप होऊन १८० जण ठार आणि १५०० लोक जखमी झाले व मोठया प्रमाणात वित्तहानी झाली.

१९४६:युनिसेफ (UNICEF) ची स्थापना

१९३०:सी. व्ही. रमण यांना नोबेल पारितोषिक

१८५८: बंकिमचंद्र चट्टोपाध्याय आणि यदुनाथ बोस हे कलकत्ता विश्वविद्यालयामधून पहिले पदवीधर झाले.

१८४५: पहिले आंग्ल-शीख युद्ध झाले. 

जन्मदिवस:

१९६९:विश्वनाथन आनंद – भारतीय ग्रँडमास्टर व विश्वविजेता

१९३५: भारताचे पूर्व राष्ट्रपती आणि अर्थतज्ञ प्रणवकुमार मुखर्जी 

१९३१:भगवान श्री रजनीश 

१९२५:राजा मंगळवेढेकर – बालसाहित्यकार 

१९२२:मोहम्मद युसुफ खान तथा दिलीपकुमार – चित्रपट अभिनेता, पद्मभूषण 

१९१५:मधुकर दत्तात्रय तथा बाळासाहेब देवरस – राष्ट्रीय स्वयंसेवक संघाचे तिसरे सरसंघचालक

१९०९: साहित्य अकादमी पारितोषिक विजेते भाषाशास्त्रज्ञ नारायण गोविंद कालेलकर

१८९९: कादंबरीकार पुरूषोत्तम यशवंत देशपांडे

१८९२: पद्मभूषण, रुरकी विद्यापीठाचे कुलगुरू, राज्यसभा खासदार, योजना आयोगाचे अध्यक्ष, राष्ट्रीय विज्ञान अकादमीचे अध्यक्ष, ओरिसाचे राज्यपाल, पद्मविभूषण अयोध्या नाथ खोसला

१८८२:सुब्रम्हण्यम भारती – तामिळ साहित्यिक 

१८६७:’उपन्यास सम्राट’ रजनीकांत बर्दोलोई – आसामी कादंबरीकार, आसामी ऐतिहासिक कादंबरीचे जनक 

१८४३:रॉबर्ट कोच – क्षयरोगावरील मूलभूत संशोधनासाठी १९०५ मध्ये नोबेल पारितोषिक मिळालेले जर्मन डॉक्टर 

मृत्यूदिन :

२००४:एम. एस. सुब्बुलक्ष्मी – विख्यात शास्त्रीय गायिका

२००२:नानाभॉय अर्देशीर ऊर्फ ’नानी’ पालखीवाला – कायदेपंडित आणि अर्थतज

२००१:रामचंद्र नारायण दांडेकर – भाषातज्ज्ञ आणि वैदिक संस्कृतीचे अभ्यासक

१९९८:रामचंद्र नारायण द्विवेदी ऊर्फ कवी प्रदीप – ‘ए मेरे वतन के लोगो‘ या गाण्यामुळे प्रत्येक भारतीयाच्या काळजाला भिडणार्‍या रचनेमुळे आपले वेगळेपण ठसविणारे आधुनिक राष्ट्रकवी 

१९८७:गुरूनाथ आबाजी तथा जी. ए. कुलकर्णी – साहित्य अकादमी पुरस्कार विजेते गूढकथालेखक 

१९७१: मॅकडोनाल्डचे सहसंस्थापक मॉरिस मॅकडोनाल्ड

१७८३:श्रीमंत रघुनाथराव पेशवे. 

*।। दास-वाणी ।।* 

अंशमात्रे सृष्टीभीतरीं । 

बाहेरी मर्यादा कोण करी । 

सगळे ब्रह्म ब्रह्मांडोदरीं । 

माईल कैसें  ।। 

अमृतीमधें आकाश । 

सगळें साठवतां प्रयास । 

म्हणौन तयाचा अंश । 

बोलिजेतो  ।। 

।। जय जय रघुवीर समर्थ ।। 

 दासबोध : ०७/०४/१७-१८ 

एकांशेन स्थितो जगत्  । 

ब्रह्माच्या एका अंशावर सृष्टी भासते. परंतु सृष्टीबाहेर ब्रह्माची व्याप्ती मात्र अफाट आहे. असंख्य ब्रह्मांडे ब्रह्मामधे स्थित असतात. त्यामुळे अपरंपार ब्रह्म हे ब्रह्मांडाच्या उदरामधे कसे मावू शकेल ? 

अमृती म्हणजे लहानशा भांडयामधेही पोकळी म्हणजे आकाश असते. परंतु त्या अमृतीमधे संपूर्ण आकाश साठवणे निव्वळ अशक्य आहे. म्हणून त्या भांडयात आकाशाचा एक अंश आहे असे म्हणावे लागते.

आकाशाचे जसे भाग पडत नाहीत, तसेच ब्रह्माचेही पडू शकत नाहीत. ते सघन अखंड आणि सर्वव्यापीच असते. सर्वाला व्यापूनही ते शिल्लकच राहाते.

विमलब्रह्मनिरूपण समास.

🙏💐💐💐💐💐🙏