💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - २४ जानेवारी 

‌शालिवाहन शक १९४४, विक्रम संवत २०७९

भा. रा. ४ माघ १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : शिशिर

‌मास : माघ

पक्ष : शुक्ल            

‌तिथी : तृतीया (१५.२०) ~ चतुर्थी                   

वार : मंगळवार  

नक्षत्र: शततारका (२१.५०) ~ पूर्वभाद्रपदा        

राशी: कुंभ 

*तिलकुंद चतुर्थी* 

भगवान मार्कंडेय जयंती 

*शारीरिक शिक्षण दिन*

*राष्ट्रीय बालिका दिवस*

उत्तर प्रदेश दिन

२००२: भारतीय उपग्रह इनसेट-३ आपल्या कक्षेत स्थापित झाला.

१९९०: जपानने पहिला हितेन नावाचा लूनर प्रोब प्रक्षेपित केला.

१९८४:अ‍ॅपल मॅकिन्टॉश कॉम्प्युटर्सची विक्री सुरू झाली.

१९७६:’बर्मा शेल’ या ब्रिटिश तेलकंपनीचे राष्ट्रीयीकरण करुन तिचे नाव ’भारत रिफायनरीज’ असे ठेवण्यात आले. पुढे १ ऑगस्ट १९७७ रोजी त्या कंपनीचे नाव बदलून ’भारत पेट्रोलियम’ (BPCL) असे करण्यात आले.

१९७२:गुआममध्ये इ. स. १९४४ पासून लपलेला जपानी सैनिक शोइची योकोइ सापडला. त्याला दुसरे महायुद्ध संपलेले माहितीच नव्हते.

१९६६:एअर इंडियाचे 'कांचनगंगा' हे विमान युरोपातील आल्प्स पर्वतातील माँट ब्लँक या शिखरावर कोसळले. या अपघातात भारतातील अणूविज्ञानाचे शिल्पकार डॉ. होमी जहांगीर भाभा यांचे निधन झाले.

१९५२: मुंबई येथे पहिल्यांदा अंतरराष्ट्रीय फिल्म महोत्सव साजरा करण्यात आला.

१९५१: प्रेम माथुर ह्या देशाच्या पहिल्या महिला पायलट बनल्या.

१९५०: भारताच्या संविधानावर स्वाक्षरी झाली

१९४३:पुण्यातील कॅपिटॉल चित्रपटगृहात बॉम्बस्फोट होऊन चार जण ठार

१९४२: दुसरे महायुद्ध – दोस्त राष्ट्रांनी बँकॉकवर बॉम्बहल्ला केला. यामुळे थायलँडला इंग्लंड व अमेरिकेविरुद्ध युद्ध पुकारणे भाग पडले.

१९१६:नागरी स्वातंत्र्यावर आक्रमण होते या कारणामुळे अमेरिकन सर्वोच्‍च न्यायालयाने प्राप्तिकर घटनाबाह्य ठरविला.

१९०१:स्वातंत्र्यवीर सावरकर यांनी पुण्यातील फर्ग्युसन महाविद्यालयात प्रवेश घेतला.

१८५७:दक्षिण आशियातील अर्वाचीन काळातील पहिल्या विद्यापीठाची कोलकाता येथे स्थापना झाली.

१८४८:कॅलिफोर्निया गोल्डरश – कॅलिफोर्नियातील सटर्स मिल येथे एका ओढ्यात जेम्स मार्शल नावाच्या माणसाला मोठ्या प्रमाणात सोने सापडले. या बातमीमुळे जगभरातून लाखो लोक सोने मिळवण्यासाठी कॅलिफोर्नियात दाखल होऊ लागले.

जन्मदिवस :

१९४३:सुभाष घई – हिन्दी चित्रपट निर्माते, दिग्दर्शक व पटकथालेखक

१९२४:मेघश्याम पुंडलिक तथा मे. पुं. रेगे – तत्त्वचिंतक, मराठी विश्वकोश निर्मिती मंडळाचे अध्यक

१९२४:रतन साळगावकर ऊर्फ हंसा वाडकर – मराठी व हिन्दी चित्रपट अभिनेत्री 

१८२६: पहिले भारतीय बॅरिस्टर ज्ञानेंद्र मोहन टागोर

मृत्यूदिन:

२०११:स्वरभास्कर पण्डित भीमसेन जोशी – शास्त्रीय गायक, भारत रत्न 

२००५:अनुताई लिमये – गोवा मुक्तिसंग्राम, संयुक्त महाराष्ट्राचा लढा यात सक्रीय सहभाग घेणार्‍या स्वातंत्र्यसेनानी आदिवासी महिला व बालकांच्या कल्याणासाठी झटणार्‍या सामाजिक कार्यकर्त्या 

१९६६:डॉ. होमी जहांगीर भाभा, भारतीय भौतिकशास्त्रज्ञ 

१९६५:विन्स्टन चर्चिल – दुसर्‍या महायुद्धकाळातील ब्रिटनचे पंतप्रधान, साहित्यिक, वृत्तपत्रकार, थोर राजकारणी आणि नोबेल पारितोषिक विजेते

       *विशेष माहिती*

इंग्लंडचे थोर नेते विन्स्टन चर्चिल म्हणजे जगातला सर्वाधिक भाग्यवान राजकारणी! वयाच्या २६ व्या वर्षीच ते संसदेवर निवडून आले. वयाच्या ३२ व्या वर्षी मंत्री झाले. दोनदा पंतप्रधान झाले. थोडे अपवाद वगळता १९०६ ते १९५५ या सर्व काळात ते मंत्री होते. सत्तेवर राहणे शक्य असतानाही वयाच्या ८० व्या वर्षी ते निवृत्त झाले.

*।। दास-वाणी ।।* 

परी ते निजरूपें असती । 

तें निजरूप ते जगज्जोती । 

सत्वगुण तयेस म्हणती । 

जाणती कळा ।। 

तये कळेचे पोटीं । 

देव असती कोटयानुकोटी । 

या अनुभवाच्या गोष्टी । 

प्रत्ययें पाहाव्या ।। 

।। जय जय रघुवीर समर्थ ।। 

 दासबोध : ११/०९/१०-११ 

राम कृष्णांसारखे ईश्वरी अवतार कार्यसमाप्तीनंतर देहासह जरी गुप्त झाले तरी ते त्यांच्या मूळ ईश्वरी रूपात असतातच. या त्यांच्या मूळ स्वरूपास जगज्जोती, शुद्धसत्व आणि जाणती कळा अशी नावे आहेत.

याच जाणीवरूप कळेमधे ईश्वराची कोटयावधी रूपे सूप्तावस्थेत असतात. विशिष्ट कार्यपूर्तीसाठी तो पुन्हा पुन्हा वेगवेगळया रूपातील देहधारी बनतो.

साधकाने अनुभूतीमधून याची प्रचिती घेतल्यावर सर्व देव एकरूप असून ते परब्रह्म हेच एकमेव चिरंतन सत्य आहे हे तो जाणतो.

उपदेशनिरूपणनाम समास.

🙏💐💐💐💐💐🙏