💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌

‌इसवी सन २०२३ - ३१ मे

‌शालिवाहन शक १९४५, विक्रम संवत  २०७९

‌भा. रा. १० ज्येष्ठ १९४५.

युगाब्द ५१२५

संवत्सर नाम : शोभन

अयन : उत्तरायण 

ऋतू :   ग्रीष्म 

मास :  ज्येष्ठ

पक्ष :   शुक्ल             

‌तिथी :  एकादशी (१३.४०) ~ द्वादशी                                  

वार :    बुधवार

नक्षत्र :  चित्रा          

राशी :   कन्या (१८.३०) ~ तुला 

निर्जला एकादशी 

गायत्री जयंती 

*पुण्यश्लोक अहिल्या देवी होळकर जयंती* (दिनांकानुसार)

जागतिक तंबाखूसेवन विरोधी दिन.

१८८४ : जॉन हार्वे केलॉगने कॉर्न फ्लेक्सचे पेटंट मिळवले.

१९३५: पाकिस्तानच्या बलुचिस्तान प्रांतातील क्‍वेट्टा येथे झालेल्या ७.७ रि्श्टर तीव्रतेच्या भूकंपात ५६,००० लोक ठार झाले.

१९४२: जपानी पाणबुड्यांनी सिडनी शहरावर हल्ला सुरू केला. 

१९५२: संगीत नाटक अकादमीची स्थापना.

१९७०: पेरू देशातील ७.९ तीव्रतेच्या भूकंपामुळे ७०,००० मारले गेले आणि ५०,००० जण जखमी झाले.

जन्मदिवस

१६८३: सेल्सियस थर्मामीटरचे शोध लावणारे जीन पियरे क्रिस्टिन 

१७२५: महाराणी अहिल्यादेवी होळकर 

१९१०: बालसाहित्यकार, विज्ञानकथाकार भास्कर रामचंद्र तथा भा. रा. भागवत 

१९२१: आधुनिक गुजरातीतील प्रसिद्ध कवी सुरेश हरिप्रसाद जोशी 

१९३८: नाट्यसमीक्षक विश्वनाथ भालचंद्र तथा वि. भा. देशपांडे 

मृत्यूदिन

४५५: रोमन सम्राट पेट्रोनस मॅक्झिमस याला संतप्त जमावाने दगडांनी ठेचून ठार केले.

१८७४ : भाऊ दाजी लाड (रामकृष्ण विठ्ठल लाड), प्राच्यविद्यापंडित आणि समाजसेवक.

१९१०: वैद्यकशास्त्रातील पहिल्या महिला पदवीधर डॉ. एलिझाबेथ ब्लॅकवेल 

१९७३: कथालेखक दिवाकर कृष्ण केळकर तथा दिवाकर कृष्ण 

१९९४: बनारस घराण्याचे नामवंत तबलावादक पंडित सामताप्रसाद 

२००३: प्रतिभासंपन्न संगीतकार अनिल बिस्वास

*।। दास-वाणी ।।* 

नदीतीरें भार जाता । 

दुसरा भार दिसे पालथा । 

कां पडसादाचा अवचिता । 

गजर उठे  ।। 

वापी सरोवराचें तीर । 

तेथें पशु पक्षी नर वानर । 

नाना पात्रें वृक्षविस्तार । 

दिसे दोहि सवा  ।। 

।। जय जय रघुवीर समर्थ  ।। 

 दासबोध : ०६/०८/१९-२० 

नदीच्या काठावरून गवताचे भारे डोक्यावर घेऊन चालणाऱ्या व्यक्तीचे प्रतिबिंब पाण्यामधे उलटे दिसते.

एखाद्या कडयावर उभे राहून हाक मारली तर त्याचा प्रतिध्वनी अनेक वेळा ऐकू येतो. आता ध्वनी खरा की प्रतिध्वनी ?

विहिरीच्या किंवा तलावाच्या एका काठावर असलेले पशू पक्षी मनुष्य किंवा प्राणी किंवा वृक्षांचे प्रतिबिंब 

तलावाच्या दोन्ही काठांवर दिसते.

यामधे बिंब खरे की प्रतिबिंब ?

दोन्ही दिसतातच ना.

मग केवळ दिसते म्हणून ते सत्य मानावे काय?

दिसते ते खरे मानणे हे ज्ञात्याचे लक्षण नव्हेच.

जड मूढ अज्ञानाने मोहित झालेला जीवच दृश्य जग खरे मानतो. वास्तविक ते खरे नसून खऱ्यासारखे भासते. यालाच मिथ्या म्हणतात.

मायिक मिथ्या दृश्याचा निरास करतो तोच साधू.

दृश्यनिर्शन समास.

🙏 💐 💐 💐 💐 💐 🙏