💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - १३ जुलै

‌शालिवाहन शक १९४५, विक्रम संवत २०७९

‌भा. रा. २२ आषाढ १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : ग्रीष्म

मास : आषाढ

पक्ष : कृष्ण

तिथी : एकादशी (१८.२०) ~ द्वादशी

वार : गुरूवार

नक्षत्र : कृत्तिका (२०.५०) ~ रोहिणी

राशी : वृषभ

*कामिका एकादशी*

१६६०: पावनखिंड झुंजवणार्‍या वीर बाजीप्रभू देशपांडे यांनी शिवाजी महाराज विशाळगडावर पोहोचल्याच्या खुणेच्या तोफांचे आवाज ऐकल्यावर ‘आता मी सुखाने मरतो’ असे म्हणून प्राण सोडला.

१८३७: राणी व्हिक्टोरिया बकिंगहॅम पॅलेस मध्ये राहायला गेली. तेव्हापासून ते इंग्लंडच्या राजा/राणी चे अधिकृत निवासस्थान बनले.

१८६३: सक्तीच्या सैन्यभरती विरोधात न्यूयॉर्क शहरात दंगा झाला.

१९०५: कलकत्ता येथील साप्ताहिक वर्तमानपत्र ‘संजीवनी’ मध्ये पहिल्यांदा विदेशी मालाचा बहिष्कार करा म्हणून प्रसिद्ध करण्यात आलं.

१९०८ : ऑलिंपिक स्पर्धांमध्ये स्त्रीयांना भाग घेण्यास परवानगी.

१९०८: लोकमान्य टिळकांवर दुसर्‍या राजद्रोहाच्या खटल्याचे काम सुरु झाले.

१९०९ : कॅनडातील कोक्रेन, ऑन्टारियो शहराजवळ जमिनीत सोने सापडले.

१९२९: जतिंद्रनाथ दास यांनी लाहोर तुरुंगात आमरण उपोषण सुरू केले. या उपोषणातच त्यांचा मृत्यू झाला.

१९५५: २८ वर्षीय रुथ एलीसला प्रियकराचा खून केल्याबद्दल फासावर चढविण्यात आले. हॉलो वे तुरूंगातली ही फाशी ग्रेट ब्रिटनमधली स्त्रीकैद्याची अखेरची फाशी ठरली.

१९७७ : रोहित्रावर वीज पडल्यामुळे न्यू यॉर्कमधील वीजपुरवठा २५ तास खंडित. अंधारपटात लुटालुट, मारामारी व गुंडगिरीचा सुकाळ.

१९८३ : श्रीलंकेत वांशिक हत्याकांड. ३,००० तमिळ व्यक्तींची हत्या. ४,००,०००हून अधिक तमिळ व्यक्तींचे युरोप, कॅनडा व भारतात पलायन.२००५ : पाकिस्तानच्या घोट्की रेल्वे स्थानकात तीन रेल्वे गाड्या एकमेकांवर आदळल्या. १५० ठार.

२०११: मुंबईत ३ बाँबस्फोटात २६ जण ठार, १३० जखमी

जन्मदिवस

१८९२: जयपूर-अत्रौली घराण्याच्या शास्त्रीय गायिका केसरबाई केरकर

१९४४: रुबिक क्यूब चे निर्माते एरो रुबिक

मृत्यूदिन

१६६०: पावनखिंड लढवून बाजीप्रभू देशपांडे यांनी स्वराज्यासाठी आपल्या प्राणाचे बलिदान दिले.

१६६०: वीर शिवा काशीद

१९६९: तत्त्वज्ञ, विचारवंत, योगी, स्वातंत्र्य सैनिक आणि लेखक महर्षी न्यायरत्‍न धुंडिराजशास्त्री विनोद

१९९५: पत्रकार आणि स्तंभलेखक तसंच, सुप्रसिद्ध भारतीय चित्रपट माधधधधनननसिक लेखिका देवयानी चौबळ.

२०००: साहित्य अकादमी पुरस्कार विजेत्या कवयित्री व लेखिका इंदिरा संत

२००९: निळू फुले, अभिनेता.

२०१०: सुप्रसिद्ध सॅक्सोफोन वादक मनोहारी सिंग

*।। दास-वाणी ।।*

जैसा प्रवाह पडिला ।

तैसाच लोक चालिला ।

कोण वारील कोणाला ।

येक नाही ।।

पृथ्वीचा जाला गळांठा ।

येकाहून येक मोठा ।

कोण खरा कोण खोटा ।

कोण जाणे ।।

।। जय जय रघुवीर समर्थ ।।

दासबोध : ११/०२/१७-१८

जीवसृष्टीतील मनुष्यगटांमधे अनेक मतप्रवाह निर्माण झाले.काही वेदांती तर काही वेदविरोधी म्हणजे पाखंडी.

प्रत्येक मतप्रवाहाचे वेगवेगळे संप्रदाय निर्माण झाले. पुढे लोक आपल्या आवडीनुसार अनुकूल त्या संप्रदायामधे सामील झाले. श्रेष्ठ कनिष्ठतेच्या भावनेमुळे विषमता निर्माण झाली. अशा परिस्थितीमधे कोणीच कोणाला आवरेना. सर्वांना आवरू शकेल अशी एकही व्यक्ती अथवा पंथ नव्हता.

त्यामुळे पृथ्वीवर प्रचंड गोंधळ माजला.

प्रत्येक संप्रदाय आणि नेता स्वत:ला मोठा मानू लागला . अशा स्वयंघोषित पंथप्रमुखांपैकी कोण खरा आणि कोण खोटा हेच कळेना. प्रचारकी पंथाभिनिवेष हेच लोकांना सत्य वाटू लागले. त्यामुळे प्रचार हीच भक्ती झाली. अशा या संदिग्ध अवस्थेमधे खऱ्या देवाचा लोकांना विसर पडला.

जगी थोरला देव तो चोरलासे ।

अशी संभ्रमावस्था सर्वांनाच प्राप्त झाली.

चत्वारदेवनिरूपण समास.

🙏 💐💐💐💐💐 🙏