💐 || सुमंगल सुप्रभात || 💐‌ 🌞 दिन विशेष

‌

‌इसवी सन २०२३ - २० जुलै 

‌शालिवाहन शक १९४५, विक्रम संवत २०७९

‌भा. रा. २९ आषाढ १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : वर्षा

मास : अधिक श्रावण  

पक्ष : शुक्ल                

तिथी : तृतीया   

वार : गुरूवार 

नक्षत्र : आश्लेषा (१०.५०) ~ मघा  

राशी : कर्क (१०.५०) ~ सिंह 

*सूर्याचा पुष्य नक्षत्रात प्रवेश* (सायंकाळी ४.५० ला, वाहन बेडूक)

*क्रांतिकारक बटुकेश्वर दत्त पुण्यस्मरण*

*आंतरराष्ट्रीय बुद्धिबळ दिन.*

*मुस्लीम नववर्ष दिन.*

हिजरी सन १४४५ प्रारंभ 

मुहर्रम मासारंभ

१४०२: तैमूरलंगने तुर्कस्तानमधील अंकारा शहर जिंकले.

१७६१: माधवराव पेशवे यांनी स्वत:ला मराठा साम्राज्याचे पेशवा म्हणून घोषित केलं.

१८०७: निकेफोरे नीएपस यांना जगातील पहिल्या इंजिनसाठी पेटंट दिले गेले.

१८२८: 'मुंबापूर वर्तमान' हे मराठी वृत्तपत्र मुंबईत सुरू झाले.

१८७१: ब्रिटिश कोलंबिया हा प्रांत कॅनडात विलीन झाला.

१८८१ : अमेरिकेच्या मूळ रहिवाश्यांपैकी सू जमातीच्या शेवटच्या टोळीने आपला नेता सिटींग बुलसह अमेरिकन सरकारसमोर आत्मसमर्पण केले.

१९०३ : फोर्ड मोटर कंपनीने आपली पहिली कार विकायला पाठवली.

१९०८: बडोद्याचे महाराज सर सयाजीराव गायकवाड (तिसरे) यांच्या पुढाकाराने ’बँक ऑफ बडोदा’ ची स्थापना झाली.

१९२१ : न्यू यॉर्क व सान फ्रांसिस्को दरम्यान हवाई टपालसेवा सुरू.

१९३३ : लंडनमध्ये ज्यू व्यक्तींना सहानुभूती दाखवण्यासाठी ५,००,००० लोकांची रॅली.

१९३३ : जर्मनीच्या न्युरेम्बर्ग शहरात २०० ज्यू व्यापार्‍यांना अटक करून त्यांची धिंड काढली गेली.

१९३५ : लाहोरमध्ये मुस्लिम व शिखामध्ये दंगल. ११ ठार.

१९४४ : मुंबई शहरात कॉलराच्या साथीनेच ३४०० लोक मृत्युमुखी पडल्याचे सरकारी अधिकार्‍यांनी मान्य केले.

१९४४: दुसरे महायुद्ध – क्लाऊस व्हॉन स्टाऊफेनबर्गने केलेल्या प्राणघातक हल्ल्यातुन अ‍ॅडॉल्फ हिटलर बचावला.

१९४७ : भारतीय व्हाइसरॉय लुई माउंटबॅटनने जाहीर केले की वायव्य सरहद्दी प्रांतातील निवडणुकीत जनतेने पाकिस्तानात विलीन होण्याचा कौल दिला आहे.

१९६० : सिरिमावो भंडारनायके श्रीलंकेच्या पंतप्रधानपदी. भंडारनायके जगातील प्रथम निर्वाचित स्त्री राष्ट्रप्रमुख.

१९६९ : अपोलो ११ चंद्रावर उतरले. या अंतराळयानातुन गेलेला नील आर्मस्ट्राँग हा चंद्रावर पाऊल ठेवलेला पहिला मानव ठरला. त्यानंतर लगेच एडविन ऑल्ड्रिन चंद्रावर उतरला.

१९७३ : केन्याचे अर्थमंत्री ज्युलियस कियानोने जाहीर केले की देशातील एशियन लोकांचे उद्योग-धंदे वर्ष अखेरीस सक्तीने बंद करण्यात येतील.

१९७५ : सरकारी सेंसरशिप नाकारल्यामुळे भारताने पाश्चिमात्य पत्रकारांना देशातून हाकलले.

१९७६ : व्हायकिंग १ हे अंतराळयान मंगळावर उतरले.

१९८९ : म्यानमारच्या सरकारने आँग सान सू कीला नजरकैदेत टाकले.

१९९८ : तालिबानच्या हुकुमावरुन २०० स्वयंसेवी डॉक्टर व इतर संस्थांनी अफगाणिस्तान सोडले.

जन्मदिवस

ख्रिस्त पूर्व ३५६: अलेक्झांडर द ग्रेट – मॅसेडोनियाचा राजा

१८३६ : सर थॉमस क्लिफोर्ड ऑलबट – ज्वरमापीचा (Clinical thermometer) शोध लावणारे इंग्लिश डॉक्टर

१८८९: बीबीसी चे सहसंस्थापक जॉन रीथ

१९१९ : सर एडमंड हिलरी, गिर्यारोहक.

१९२१ : पंडित सामताप्रसाद – बनारस घराण्याचे नामवंत तबलावादक, तबल्यातील बोलांचा कमालीचा सुस्पष्टपणा आणि त्याबरोबरच गोडवा, तबला – डग्ग्याच्या नादातील समतोल, बोलांच्या आकर्षकतेचा उत्कृष्ट अविष्कार आणि या सर्वांना व्यापून टाकणारी प्रासादिकता ही त्यांची वैशिष्ट्ये होती. 

१९२९ : राजेंद्र कुमार, अभिनेता.

१९५० : नसीरुद्दीन शाह, अभिनेता.

मृत्यूदिन 

१९३७: गुग्लिएल्मो मार्कोनी – रेडिओचा संशोधक 

१९४३: वामन मल्हार जोशी – कादंबरीकार, साहित्य समीक्षक आणि तत्त्वचिंतक.

१९६५: बटुकेश्वर दत्त, क्रांतिकारक 

१९७२: गीता दत्त, अभिनेत्री व गायिका

१९७३: ब्रुस ली, अमेरिकन अभिनेता व मार्शल आर्ट तज्ञ.

*।। दास-वाणी ।।*

अधिकारपरत्वें कार्य होतें । 

अधिकार नस्तां वेर्थ जातें । 

जाणोनि शोधावी चित्तें । 

नाना प्रकारें ।। 

अधिकार पाहोन कार्य सांगणें । 

साक्षेप पाहोन विश्वास धरणे । 

आपला मगज राखणें ।

कांहींतरी ।। 

।। जय जय रघुवीर समर्थ ।। 

 दासबोध : ११/१०/२२-२३ 

अधिकार म्हणजे पूर्वतयारी किंवा योग्यता. पूर्वतयारीने सज्ज योग्य माणसाच्या हातून कोणतेही कार्य निर्विघ्नपणे पार पडते. लायकी नसलेल्या माणसाच्या हाती सोपवलेल्या कार्याचा सत्यानाश निश्चित समजावा. यासाठी जबाबदारी सोपवण्यापूर्वीच अनेकांची मने तपासून त्यांच्या चित्ताची एकाग्रता पडताळून पाहावी. यामुळे पुढील पश्चात्ताप टळतो.

अधिकार तपासून सिद्ध झाला की कार्यभार त्या व्यक्तीकडे सोपवावा. तसेच कामाचा झपाटा जोखून मगच त्यावर विश्वास ठेवावा. आपला मगज म्हणजे बुद्धी शाबूत असेल तर योग्य ती निवड होतेच आणि सहकाऱ्यांवरील विश्वासही अनाठायी ठरत नाही.

निस्पृहवर्तणूकनाम समास.

 🙏 💐💐💐💐💐 🙏