💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - ८ मे  

‌शालिवाहन शक १९४६, विक्रम संवत  २०८०

‌भा. रा. १८ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: चैत्र 

पक्ष: कृष्ण 

तिथी: अमावास्या (०८.५०)  ~ प्रतिपदा                                          

वार:  बुधवार

नक्षत्र : भरणी (१३.३०) ~ कृत्तिका                                                                                

राशी:   मेष (१९.००) ~ वृषभ 

*चैत्र अमावास्या* (समाप्ती सकाळी ०८.५०)

*शुकदेव ऋषी जयंती*

*क्रांतिकारक वासुदेव हरी चापेकर बलिदान दिन*   

*जागतिक रेडक्रॉस दिन*

*आंतरराष्ट्रीय थॅलेसेमिया दिन*

१८६३: आंतरराष्ट्रीय मानवतावादी चळवळ म्हणजेच आंतरराष्ट्रीय रेड क्रॉस चळवळीची स्थापना झाली.

१८८६ : डॉ.जॉन स्टाइथ पेम्बरटनने कोका कोला प्रथमतः तयार करुन विकले.

१८९९: क्रांतिकारक वासुदेव चाफेकर यांना फाशी.

१९३२: पं. विष्णू दिगंबर पलुसकर यांचे शिष्य पं. विनायकराव पटवर्धन यांनी पुणे येथे गांधर्व महाविद्यालय सुरू केले.

१९६२: पश्चिम बंगाल येथील कोलकाता येथे रवींद्र भारती विद्यापीठाची स्थापना.

१९७४: रेल्वे कामगारांचा देशव्यापी संप झाला. सरकारविरुद्धचा असंतोष वाढत जाऊन आणीबाणी जाण्याला जी कारणे घडली, त्यात हा संप महत्त्वाचा मानला जातो.

१९९४: ब्रिटन व फ्रान्सला जोडणार्‍या इंग्लिश खाडीच्या खालून खोदलेल्या युरो टनेल बोगद्याचे उदघाटन झाले.

२००४: प्रसिद्ध श्रीलंकन क्रिकेटपटू गोलंदाज मुथैया मुरलीधरन यांनी ५२१ खेळाडू बाद करण्याचा विश्वविक्रम केला.

जन्मदिवस

१८२८: रेड क्रॉस या संस्थेचे सहसंस्थापक हेनरी डूनेंट

१९०६: भारताचे माजी भूसेनाप्रमुख प्राणनाथ थापर

१९१६ : स्वामी चिन्मयानंद, भारतीय तत्त्वज्ञानी.

१९१६: भारतीय सिनेमॅटोग्राफर रामानंद सेनगुप्ता.

१९२६: पद्मभूषण पुरस्कार सन्मानित सुप्रसिद्ध भारतीय इतिहासकार तपन राय चौधरी.

१९२९: भारतीय पद्मश्री, पद्मभूषण, पद्मविभूषण तसचं हिंदुस्थानी संगीत क्षेत्रांत दिला जाणारा संगीत नाटक अकादमी पुरस्कार सन्मानित बनारस घराण्याच्या भारतीय शास्त्रीय गायिका गिरीजा देवी, सुप्रसिद्ध ठुमरी गायिका.

मृत्यूदिन

१७७७: बंगालचे नवाब मीर कासीम यांचा दिल्ली जवळील कोतलाव येथे अति दारिद्र्यामुळे मृत्यू.

१९२०: पाली भाषा व बौद्ध साहित्याचे अभ्यासक चिंतामण वैजनाथ राजवाडे 

१९५२: फॉक्स थियेटर चे संस्थापक विल्यम फॉक्स 

१९७२: भारत रत्न पुरस्कृत पांडुरंग वामन काणे 

१९८१: संस्कृतज्ञ, मराठी कवी डॉ. केशव नारायण वाटवे.

१९८२: ४० व्या अखिल भारतीय मराठी साहित्य संमेलनाचे अध्यक्ष कवी अनिल तथा आत्माराम रावजी देशपांडे.

१९८४: रीडर डायजेस्ट चे सहसंस्थापक लीला बेल वालेस 

१९९५: पत्रकार, संपादक, राजकीय विश्लेषक आणि मुत्सद्दी प्रेम भाटिया. 

१९९५: देवदेवतांची आणि संतांची चित्रे यामुळे प्रसिद्ध असलेले चित्रकार जि. भी. दीक्षित. गुरुचरित्रावर त्यांनी ५७ चित्रे काढली व त्याचे पुस्तक प्रकाशित केले. ते दर गुरुवारी विना खंड ६५ वर्ष मंदिरात भजनाला जात होते.

१९९९: कलादिग्दर्शक श्रीकृष्ण समेळ.

२००३: संस्कृत व प्राकृत विद्वान डॉ. अमृत माधव घाटगे 

२०१४: जीपीएस प्रणाली चे सहसंशोधक रॉजर एल ईस्टन.

*।। दास-वाणी ।।* 

सगुणकथा या नाव कीर्तन । 

अद्वैत म्हणिजे निरूपण । 

सगुण रक्षुन निर्गुण । 

बोलत जावे ।। 

।। जय जय रघुवीर समर्थ ।। 

   दासबोध : ०४/०२/२३

परमेश्वराच्या सगुण रूपाचे सविस्तर वर्णन करून त्याच्या पराक्रमाचे,  गुणगान गाऊन श्रोत्यांना ईश्वरी महती पटवून देणे म्हणजे सगुणकथा अर्थात कीर्तन. या मधे मी भगवंताचा भक्त आहे. तो माझ्यापेक्षा वेगळा आणि श्रेष्ठ आहे अशी प्रधान भावना असते. तर भक्त आणि भगवंत एकरूप झाल्याची परमोच्च भावना म्हणजे अद्वैत. निर्गुण निराकाराचा उपासक आपली अद्वैताची अनुभूती श्रोत्यांसमोर व्यक्त करतो ते निरूपण. मात्र निरूपणकाराने सामान्यजनांचा कल आणि झेप लक्षात घेऊनच सगुणाच्या अंगानेच निर्गुण सांगावे. साधनेची सुरूवात सहसा सगुणभक्तीनेच होते. पुढे पुढे मात्र सद् गुरूंच्या सहवासात सार असार विचार दृढ होऊन 

सगुणाचेनि आधारे निर्गुण पाविजेनि निर्धारे।

अशी स्थिती प्राप्त होते. तीच अनुभूती.

*कीर्तनभक्ती समास.*

*संंकलक : सुधीर देशपांडे (आबा)*

🙏 💐 💐 💐 💐 💐 🙏