💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - २३ मे  

‌शालिवाहन शक १९४६, विक्रम संवत  २०८०

‌भा. रा. २ ज्येष्ठ १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: वैशाख  

पक्ष: शुक्ल  

तिथी: पौर्णिमा (१९.२५) ~ प्रतिपदा    

वार : गुरूवार 

नक्षत्र : विशाखा (०९.१५) ~ अनुराधा   

राशी :   वृश्चिक 

*वैशाख पौर्णिमा* (समाप्ती सायंकाळी ७.२५)

*बुद्ध पौर्णिमा*

पिपल पौर्णिमा

*बुद्ध जयंती*

*पुष्टीपती विनायक जयंती*

*कूर्म जयंती* 

*महर्षि भृगु जयंती*

*वैशाख स्नान समाप्ती*

१७३७: पोर्तुगीजांकडून जिंकल्यानंतर पेशव्यांनी अर्नाळा किल्ला परत बांधून घेतला.

१८०५: नेपोलियन बोनापार्टचा इटलीच्या राज्यपदी राज्याभिषेक.

१८२९: सिरील डेमियनला अ‍ॅकॉर्डियन या वाद्याचे पेटंट मिळाले.

१९११: न्यू यॉर्क सार्वजनिक ग्रंथालय सामान्य जनतेस खुले.

१९४९: पश्चिम जर्मनी हे राष्ट्र अस्तित्त्वात आले.

१९५१: तिबेटने चीनबरोबर तिबेटच्या शांततेत मुक्तीसाठी सतरा बिंदू करार केला.

१९५६: आयुर्विमा व्यवसायाचे राष्ट्रीयीकरण करण्यासंबंधीचे विधेयक मंजूर झाले.

१९५८: अमेरिकेचा पहिला उपग्रह एक्सप्लोरर १ बंद पडला.

१९८४: बचेन्द्री पालने दुपारी १:०९ वाजता (भारतीय प्रमाण वेळ) माऊंट एव्हरेस्ट शिखर सर केले. हे शिखर सर करणारी ती पहिली भारतीय महिला आहे.

१९९५: जावा प्रोग्रामिंग लँग्वेज ची पहिली आवृत्ती प्रकाशीत केली गेली.

१९९७: माऊंट एव्हरेस्ट हे सर्वोच्‍च शिखर सर्वप्रथम सर करणार्‍या तेनसिंग नोर्गे यांचे नातू ताशी तेनसिंग यांनी माऊंट एव्हरेस्ट सर केले.

२००८: भारतीय लष्कराने जमिनीवरून जमिनीवर मारा करणाऱ्या पृथ्वी -२ या क्षेपणास्त्राची यशस्वी चाचणी केली.

२०१६: भारतीय अंतरीक्ष संशोधन संस्था इस्रो ने आंध्रप्रदेश मधील श्रीहरिकोटा अंतराळ केंद्रातून संपूर्ण भारतीय बनावटीचे अंतराळ शटल आरएलव्ही-टीडी ची स्थापना केली.

जन्मदिवस

१८९६-जुन्या जमान्यातील रंगभूमीवरील श्रेष्ठ संगीत समीक्षक केशवराव भोळे.

१९१९: जयपूरच्या राजमाता महाराणी गायत्रीदेवी

१९४८: पद्मभूषण पुरस्कार सन्मानित माजी सेवानिवृत्त भारतीय प्रशासकीय सेवेचे अधिकारी आणि भारताचे माजी नियंत्रक आणि महालेखा परीक्षक विनोद राय 

१९५१: रशियन बुद्धीबळपटू अनातोली कार्पोव्ह

मृत्यूदिन

१९३०: प्रख्यात भारतीय पुरातत्व व संग्रहालय तज्ञ तसंच, बनारस हिंदू विद्यापीठातील प्राचीन भारतीय इतिहास आणि संस्कृतीचे प्राध्यापक राखालदास बंदोपाध्याय उर्फ जे. आर. डी. बॕनर्जी

१९३७: रॉकफेलर घराण्यातील पहिले उद्योगपती, स्टँडर्ड ऑईल उद्योगसमूह व अमेरिकेच्या संयुक्त संस्थानांतील पहिल्या तेल उद्योगाचे संस्थापक जॉन डेव्हिसन रॉकफेलर

१९६०: निऑन लाईट चे निर्माते जॉर्ज क्लोडे 

१९७:भारतीय सैन्यातील ले. जनरल व व्हिक्टोरिया क्रॉस मिळविणारे पहिले ले. जनरल पी. एस. बापट.

२०१०: भारतीय कम्युनिस्ट पक्षाच्या संस्थापक सदस्यांपैकी एक व भारतीय नक्षलवादी आंदोलनाचे जनक कानू सन्याल 

२०१४: भारतीय क्रिकेटर माधव मंत्री 

२०१४: भारतीय संगीतकार आणि दिग्दर्शक आनंद मोडक 

*।। दास-वाणी ।।* 

जें साधूं जातां साधवेना । 

जे लक्षूं जातां लक्षवेना । 

तेंचि अनुभवे आणी मना । 

या नाव साधक  ।। 

जेथें मनचि मावळे । 

जेथें तर्कचि पांगुळे । 

तेंचि अनुभवा आणी बळें । 

या नाव साधक  ।। 

।। जय जय रघुवीर समर्थ ।। 

 दासबोध : ०५/०९/१९-२० 

परब्रह्म सहजसाध्य नाही.

ते निर्गुण निराकार असल्याने त्याला

ज्ञानेंद्रियांनी किंवा मनाने सुद्धा 

दिसू शकत नाही. (अगोचर).

कठोर साधनेअंती हया परब्रह्माची

स्वत: अनुभूती घेऊन ब्रह्मस्वरूप 

होऊन जातो तो साधक होय.

ब्रह्मानुभवामधे मनाचा लोप होतो.

उन्मनी अवस्थेमधे एकदा मन गेल्यावर 

तर्क आपोआपच संपुष्टातच येतो.

तर्क संपला, मन मावळले की द्वैतभावही संपतो. अद्वैत अनुभव म्हणजेच परब्रह्माची प्राप्ती महत्प्रयासाने करून घेतो तो साधक होय.

*साधकलक्षण समास.*

*संंकलक : सुधीर देशपांडे (आबा)*

   🙏 💐 💐 💐 💐 💐 🙏