💐 || सुमंगल सुप्रभात || 💐‌ 🌞 दिन विशेष 🌞

mukesh meshram सप्टेंबर १२, २०२४

💐 || सुमंगल सुप्रभात || 💐

‌ 🌞 दिन विशेष 🌞

‌

‌इसवी सन २०२४ - १३ सप्टेंबर

‌शालिवाहन शक १९४६, विक्रम संवत २०८०

‌भा. रा. २२ भाद्रपद १९४६.

युगाब्द ५१२६

संवत्सर नाम : क्रोधी

अयन : दक्षिणायण

ऋतू : वर्षा

मास: भाद्रपद

पक्ष: शुक्ल

तिथी: दशमी (२२.३०) ~ एकादशी

वार: शुक्रवार

नक्षत्र: पूर्वाषाढा (२१.३५) ~ उत्तराषाढा

राशी: धनु (२७.२०) ~ मकर

*सूर्याचा उत्तरा नक्षत्रात प्रवेश* वाहन हत्ती (सकाळी ९.३० ला)

*क्रांतीवीर जतींद्रनाथ दास स्मृतीदिन*

२००८:दिल्ली येथे झालेल्या बॉम्बस्फोटांच्या मालिकेत ३० जण ठार तर सुमारे १३० जण जखमी झाले.

१९८९ : आर्चबिशप डेसमंड टुटू यांनी वर्णद्वेषी धोरणाला विरोध करण्यासाठी दक्षिण अफ्रिकेत विशाल मोर्चा काढला.

१९४८:ऑपरेशन पोलो – विलीनीकरणासाठी भारतीय सैन्याने हैदराबादवर चढाई केली.

१९२२:लीबीयातील अझिजीया येथे ५७.२° सेल्सिअस ही जगातील आजवरच्या सर्वाधिक तापमानाची नोंद झाली.

१८९८: हॅनीबल गुडविन यांनी सेल्यूलॉइड फोटोग्राफिक फिल्म चे पेटंट घेतले.

१८१४: अमेरिकेचा राष्ट्रध्वज व राष्ट्रगीत हे एक इंग्रज व्यक्ती, जॉन स्टॕफोर्ड स्मिथने लिहिले, जे की मुळात एक मद्य गीत होते.

जन्मदिवस :

१८५२: गणेश जनार्दन आगाशे – नामांकित शिक्षक, संस्कृत पंडित, व्युत्पन्न ग्रंथकार, उत्तम वक्ते व इंदूर येथे भरलेल्या १० व्या मराठी साहित्य संमेलनाचे अध्यक्ष.

१८५७:मिल्टन हर्शे – ’द हर्शे चॉकलेट कंपनी’चे संस्थापक

१९१३: ब्रिटीश धातुशास्त्रज्ञ हॅरी ब्रेअर्ली - स्टेनलेस स्टीलचा शोधक.

१९३२:डॉ. प्रभा अत्रे – शास्त्रीय गायिका

१९७३ : महिमा चौधरी, हिंदी चित्रपट अभिनेत्री.

मृत्यूदिन:

१९९७:लालजी पाण्डेय तथा ’अंजान’ – हिन्दी चित्रपटसृष्टीतील प्रसिद्ध गीतकार

१९७१:केशवराव त्र्यंबक दाते – चित्रपट व रंगभूमीवरील अभिनेते, नाट्यशिक्षक. महाराष्ट्र नाटक मंडळी या संस्थेच्या नाटकांमधून त्यांनी काही स्त्री नायिकांच्या भूमिका केल्या.

१९२९:लाहोर कटातील क्रांतिकारक जतिन दास यांनी तुरुंगातील जुलुमाचा निषेध म्हणून केलेल्या उपोषणात त्यांचा ६३ व्या दिवशी मृत्यू झाला

१९२८: सुप्रिसद्ध हिंदी कवी श्रीधर पाठक

१८९३: पत्रकार, प्रार्थना समाजाचे एक संस्थापक मामा परमानंद

*।। दास-वाणी ।।*

करीनचि अथवा न करी ।

ऐसा निश्चयोचि करी ।

तेचि बुद्धी हे अंतरी ।

विवेके जाणावी ।।

जे वस्तुचा निश्चये केला ।

पुढें तेंचि चितूं लागला ।

ते चित्त बोलिल्या बोला ।

येथार्थ मानावे ।।

।। जय जय रघुवीर समर्थ ।।

दासबोध : १७/०८/०७-०८

होय नाही, हवे की नको, हे का ते अशा दोलायमान स्थितीमधील अंत:करणाला मन म्हणतात. हे मी करीनच. हे मी करणार नाही म्हणजे नाहीच. असा निश्चय करणाऱ्या अंत:करणाच्या कप्प्याला बुद्धी म्हणायचे. निश्चयात्मिका वृत्ति बुद्धि: ।

बुद्धीने एकदा निश्चय केला की ज्ञानेंद्रिये कर्मेंद्रिये त्याच विषयाचे एकाग्र चिंतन करू लागतात.

चिंतनात् चित्तम्। केलेला निश्चय धरून ठेवणारे जे अंत:करण ते चित्त होय. मीच हे करीन, माझ्यामुळेच हे घडू शकले असा कार्याचा अभिमान धरतो तो अंत:करणचतुष्टयातील शेवटचा कप्पा म्हणजे अहंकार. मन, बुद्धी, चित्त व अहंकार हे अंत:करण चतुष्टयाचे चार कप्पे होत. हाच सूक्ष्मदेह होय.

*तत्वनिरूपण समास.*

*संकलक : सुधीर देशपांडे (आबा)*

🙏 💐💐💐💐 💐 🙏