वसईत ‘पँथर आर्मी स्वराज्य क्रांती सेने’चा प्रवेश सोहळा;

मुंबई, ठाणे व पालघरमधील कार्यकर्त्यांचा जाहीर प्रवेश; ॲड. किरणराव मोरे यांची प्रदेश उपाध्यक्षपदी निवड

चित्रा न्युज प्रतिनिधी 

वसई :मुंबई, ठाणे आणि पालघर जिल्ह्यातील अनेक सक्रिय सामाजिक कार्यकर्त्यांनी रविवारी 'पँथर आर्मी स्वराज्य क्रांती सेना' या संघटनेत अधिकृत प्रवेश केला. वसई पूर्व येथील एव्हरशाईन सिटी, वसंतराव नाईक चौक परिसरातील 'विश्वासम्राट बुद्ध विहार' येथे हा सोहळा अत्यंत उत्साहात पार पडला. या मोठ्या पक्षप्रवेशामुळे मुंबई महानगर प्रदेशात संघटनेची ताकद कैक पटीने वाढली असून, आगामी काळात सामाजिक चळवळ अधिक तीव्र होण्याचे संकेत मिळत आहेत.

प्रमुख उपस्थिती आणि मार्गदर्शन

हा सोहळा पँथर आर्मी स्वराज्य क्रांती सेनेचे महाराष्ट्र अध्यक्ष प्रा. श्री. अरुण जी. मेढे साहेब यांच्या अध्यक्षतेखाली संपन्न झाला. पँथरआर्मी प्रमुख मा. श्री. संतोष आठवले यांच्या मार्गदर्शनाखाली, राष्ट्रीय सल्लागार आणि महाराष्ट्र प्रभारी वरिष्ठ पत्रकार श्री. उमेश जामसंडेकर यांची या कार्यक्रमाला प्रमुख उपस्थिती लाभली होती.

शोषितांच्या न्यायासाठी लढा - उमेश जामसंडेकर

यावेळी बोलताना श्री. उमेश जामसंडेकर यांनी सांगितले की, "पँथर आर्मी प्रमुख संतोष आठवले यांच्या नेतृत्वाखाली ही संघटना संपूर्ण महाराष्ट्रात शोषितांच्या न्यायासाठी लढा देत आहे. आज झालेल्या या ऐतिहासिक पक्षप्रवेशामुळे मुंबई, ठाणे आणि पालघर जिल्ह्यांतील सामाजिक प्रश्नांना वाचा फोडण्यासाठी संघटना अधिक आक्रमकपणे कार्य करेल".

नवनियुक्त पदाधिकाऱ्यांची घोषणा

या सोहळ्यात अनेक मान्यवरांना महत्त्वाच्या जबाबदाऱ्या सोपवण्यात आल्या. प्रामुख्याने ॲड. किरणराव मोरे यांची महाराष्ट्र प्रदेश उपाध्यक्षपदी निवड करण्यात आली.

मुख्य विभागातील अन्य नियुक्त्या:

 * ॲड. सचिन गुप्ता: वसई-विरार शहर सचिव

 * महेंद्र कांबळे: गोखिवरे, वसई विभाग प्रमुख

 * नवनाथ कांबळे: नालासोपारा उप-अध्यक्ष

 * मार्कंड शेंडे: नालासोपारा उप-विभाग प्रमुख

 * राजेंद्र पवार: नालासोपारा शहर प्रमुख

 * रामचंद्र पांचाळ: वसई तालुका

 * राजेश गोंडबे: विरार शहर उप-प्रमुख

 * चंद्रकांत गांगुर्डे: नालासोपारा पश्चिम व वसई संपर्क प्रमुख

 * अशोक भंडारी: वसई

महिला विभागाची नवी फळी:

महिला सक्षमीकरणासाठी संघटनेने मोठी फळी उभी केली असून यामध्ये ॲड. किरणताई म्हात्रे (वसई), सौ. कावेरीताई धाडवे (नायगाव), सौ. मनालीताई लाडगे (दादर), सौ. हिना शेख (ठाणे), सौ. आफ्रिन खान (ठाणे), सौ. रेखा ठोंबरे (वसई), सौ. जानवी शेखर शेलार (विरार), सौ. रेखा कांबळे (पालघर) आणि सौ. आशा मगरे (बोरीवली) यांचा समावेश आहे.

या सोहळ्यासाठी तिन्ही जिल्ह्यांतील बहुसंख्य पदाधिकारी व कार्यकर्ते मोठ्या संख्येने उपस्थित होते. नव्याने प्रवेश केलेल्या कार्यकर्त्यांनी संघटनेची ध्येयधोरणे जनसामान्यांपर्यंत पोहोचवण्याचा संकल्प केला. कार्यक्रमाच्या शेवटी आभार प्रदर्शन करून सोहळ्याची सांगता करण्यात आली.