💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - १८ जुलै 

‌शालिवाहन शक १९४५, विक्रम संवत २०७९

‌भा. रा. २७ आषाढ १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : वर्षा

मास : अधिक श्रावण  

पक्ष : शुक्ल                

तिथी : प्रतिपदा (२६.१०) ~ द्वितीया  

वार : मंगळवार 

नक्षत्र : पुष्य

राशी : कर्क 

*अधिक श्रावण मासारंभ*

मल , पुरूषोत्तम मास आरंभ 

*वर्षा ऋतू प्रारंभ*

जागतिक श्रवण दिन

*अण्णाभाऊ साठे स्मृतीदिन*

६४ पूर्व: रोममध्ये प्रचंड आग. जवळजवळ सगळे शहर भस्मसात. यादरम्यान सम्राट निरो लांब उभा राहुन आपले (फिडल) तुणतुणे वाजवत असल्याची कथा प्रसिद्ध आहे.

१८५२ : इंग्लंडमधे निवडणुकांत गुप्त मतदान वापरण्यास सुरूवात झाली.

१८५७: मुंबई विद्यापीठाची स्थापना.

१९२५ : ऍडोल्फ हिटलरने माइन कॅम्फ हे आत्मकथेसदृश पुस्तक प्रकाशित " केले.

१९६८ : सांता क्लारा, कॅलिफोर्निया येथे ’इंटेल’ (Intel) कंपनीची स्थापना 

१९७६ : मॉन्ट्रिअल ऑलिंपिक खेळात नादिया कोमानेसीने जिम्नॅस्टिक्स स्पर्धेत सर्वप्रथम १० पैकी १० गुण मिळवले.

१९८०: भारताने ’एस. एल. व्ही. – ३’ या अवकाशयानाद्वारे रोहिणी-१ या उपग्रहाचे अंतराळात यशस्वी प्रक्षेपण केले. या यशामुळे भारत हा उपग्रह सोडण्याची क्षमता असलेला जगातील सहावा देश बनला.

१९८४ : सान इसिद्रोची कत्तल - कॅलिफोर्नियातील सान इसिद्रो गावातील मॅकडोनाल्ड रेस्टॉरंट मध्ये २१ लोकांची हत्या. खून्याला पोलिसांनी मारले.

१९९४ : ब्युनोस आएर्समध्ये इमारतीत स्फोट. ८५ ठार.

१९९५ : कॅरिबिअन समुद्रातील माँतसेरात द्वीपावरील सुफ्रीयेर , ज्वालामुखीचा उद्रेक. राजधानी प्लिमथ उद्ध्वस्त.

१९९६ : ’तामिळ टायगर्स’नी श्रीलंकेचा सैनिक तळ ताब्यात घेऊन सुमारे १२०० जवानांना ठार केले.

१९९६ : कॅनडात साग्वेने नदीला प्रचंड पूर.

१९९८ : पापुआ न्यू गिनीत त्सुनामीसदृश समुद्री लाटेत ३,००० व्यक्ती मृत्युमुखी.

२००१ : अमेरिकेच्या बाल्टिमोर शहरातील बोगद्यात रेल्वे गाडी रुळांवरुन घसरली व पेटली. शहराचा मध्यवर्ती भाग बंद करावा लागला.

२०१३ : अमेरिकेच्या डेट्रॉइट शहराच्या महानगरपालिकेने २० अब्ज अमेरिकन डॉलर (१२ निखर्व रुपये) इतके कर्ज फेडण्याची क्षमता नसल्याचे जाहीर करुन दिवाळे जाहीर केले.

जन्मदिवस

१९१८ : नेल्सन मंडेला, तथा मदीबा दक्षिण आफ्रिकेचे राष्ट्राध्यक्ष

१९२७: पाकिस्तानी गझलगायक गझलसम्राट मेहदी हसन 

१९३५: जयेंद्र सरस्वती, ६९वे शंकराचार्य

१९५०: व्हर्जिन ग्रुपचे स्थापक रिचर्ड ब्रॅन्सन

१९७१: भारतीय गायक-गीतकार आणि अभिनेता सुखविंदर सिंग 

१९७२ : सौंदर्या – कन्‍नड, तामिळ, तेलगू, मल्याळम आणि हिन्दी चित्रपट अभिनेत्री' 

१९८२ : प्रियंका चोप्रा, भारतीय अभिनेत्री आणि मिस वर्ल्ड २००० विजेती.

मृत्यूदिन

१८९२ : थॉमस कूक, प्रवास-व्यवस्थापक.

१९६९: लोकशाहीर अण्णाभाऊ साठे, लेखक, कवी व समाज सुधारक 

२००१: सांगलीच्या राजमाता पद्मिनीराजे माधवराव पटवर्धन

२०१२ : राजेश खन्ना, हिंदी चित्रपट अभिनेते, खासदार.

*।। दास-वाणी ।।* 

देहसंगे विषये भोगिले । 

देहसंगे प्राणी मिरविलें । 

देहधर्त्यास चुकलें । 

नवल मोठे ।। 

ऐसे लोक अविवेकी । 

आणि म्हणती आम्ही विवेकी । 

बरें ज्याची जैसी टाकी । 

तैसें करावें ।। 

।। जय जय रघुवीर समर्थ ।। 

 दासबोध : ११/०८/१५-१६ 

देहातील ज्ञानेंद्रिये आणि कर्मेंद्रिये यांच्या सहाय्याने शब्द स्पर्श रूप रस गंध असे पाचही विषय आयुष्यभर मनसोक्त भोगले.

देहाचे सौंदर्य, सौष्ठव माझे माझे म्हणत लोकांसमोर कायम मिरवले.

मी म्हणजे अहंकार आणि माझे म्हणजे ममत्व, यातच जीवन घालवले. धन्यता मानली. देहाला धारण करणाऱ्या आत्म्याला मात्र ओळखले नाही कधीच.

मी म्हणजे फक्त देह ही देहबुद्धी.

मी म्हणजे आत्मा ही आत्मबुद्धी.

आत्मबुद्धी नसलेले अविवेकी लोक

स्वत:ला कायम शहाणे समजत असतात. असे सुमारबुद्धी अहंकारी लोक ज्याच्या त्याच्या वकूबाप्रमाणेच वागतात. आपण अज्ञानी आहोत हेच त्यांना समजत नाही.

त्याना आत्मज्ञान म्हणजे काय हे तर समजण्याची सुतराम शक्यता नाही.

अंतरात्माविवरण समास.

 🙏 💐💐💐💐💐 🙏