💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - ११ जुलै 

‌शालिवाहन शक १९४५, विक्रम संवत २०७९

‌भा. रा. २० आषाढ १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : ग्रीष्म 

मास : आषाढ 

पक्ष : कृष्ण               

तिथी : नवमी (१८.००) ~ दशमी                                                           

वार : मंगळवार

नक्षत्र : अश्विनी (१९.००) ~ भरणी             

राशी : मेष 

*जागतिक लोकसंख्या दिन*

*जागतिक आवश्यक तेल दिवस*

१६५९: अफझलखानाशी मुकाबला करण्यासाठी शिवाजी राजे राजगडवरून निघून प्रतापगड येथे पोचले.

१८९३: कोकिची मिकीमोटो यांनी पहिला कल्चर्ड मोती मिळवला.

१९०८: लोकमान्य टिळकांना मंडालेची ६ वर्षाची शिक्षा ठोठावण्यात आली.

१९१९: नेदरलँडमध्ये आठ तासांचा दिवस आणि रविवार सुटी असा कामगारांसाठी कायदा लागू झाला.

१९२१: मंगोलियन पीपल्स रिपब्लिक – स्थापना.

१९३०: ऑस्ट्रेलियाचे सर डोनाल्ड ब्रॅडमन यांनी इंग्लंडविरुद्धच्या कसोटी सामन्यात एकाच दिवसात विक्रमी नाबाद ३०९ धावा केल्या.

१९५५ : अमेरिकेने आपल्या चलनावर ’देवावर आमचा विश्वास आहे’ (In God we trust) असे मुद्रित करण्याचे ठरवले.

१९५७ : करीम हुसेनी आगाखान इस्माइली पंथाच्या प्रमुखपदी.

१९७१ : चिलितील तांब्याच्या खाणींचे राष्ट्रीयीकरण करण्यात आले.

१९७९ : अमेरिकेचे अंतराळस्थानक स्कायलॅब रात्री दहाच्या सुमारास हिंदी महासागरात कोसळले.

१९९४: दिल्लीच्या पोलिस महानिरीक्षक (तुरूंग) किरण बेदी यांना रॅमन मॅगसेसे पुरस्कार मिळाला.

२००१: आगरतळा ते ढाका या शहरां दरम्यान बससेवा सुरू झाली.

२००६: मुंबईत उपनगरी गाड्यांमध्ये झालेल्या स्फोटांत २०९ लोक ठार तर ७१४ लोक जखमी झाले.

२०१०: साली स्पेनने नेदरलँड्स फुटबॉल संघाचा पराभव करून फुटबॉल विश्वचषक जिंकला.

२०२१: रिचर्ड ब्रॅन्सन – हे त्याच्या व्हर्जिन गॅलेक्टिक अंतराळयानाद्वारे अंतराळात जाणारे पहिले सामान्य नागरिक बनले.

जन्मदिवस 

१८८९ : नारायण हरी आपटे – कादंबरीकार, चित्रपट कथालेखक. ’सुखाचा मूलमंत्र’, ’पहाटेपुर्वीचा काळोख’, ’उमज पडेल तर’, ’एकटी’ या त्यांच्या काही प्रसिद्ध सामाजिक कादंबर्‍या होत. ’कुंकू’ हा गाजलेला चित्रपट त्यांच्या ’न पटणारी गोष्ट’ या कादंबरीवर आधारलेला होता. 

१८९१ : परशुराम कृष्णा गोडे – प्राच्यविद्या संशोधक. त्यांनी ४०० विषयांवर संशोधन करुन लिहीलेले निबंध ८ खंडात प्रसिद्ध झाले आहेत

१९२१: शंकरराव खरात, दलित साहित्यिक, कुलगुरू

१९२३: टुण टुण – भारतीय अभिनेत्री आणि कॉमेडियन.

१९२७: थिओडोर हेरॉल्ड मॅमन – लेसरचे निर्माते 

१९३४: जियोर्जियो अरमानी कंपनीचे स्थापक जियोर्जियो अरमानी. 

१९५३: सुरेश प्रभू, पूर्व केंद्रीय मंत्री 

१९६०: भारतीय हिंदी चित्रपट अभिनेता कुमार गौरव

मृत्यूदिन 

२००९ : शांताराम नांदगावकर – गीतकार 

२००३: पद्मभूषण, साहित्य अकादमी पुरस्कार व संगीत नाटक अकादमी पुरस्कार सन्मानित प्रसिद्ध भारतीय हिंदी लेखक, नाटककार आणि अभिनेते भीष्म साहनी

२००३ : सुहास शिरवळकर – कादंबरीकार आणि रहस्यकथालेखक 

१९९४ : रणांगणावरील असामान्य कामगिरीबद्दलचा ’परमवीर चक्र’ हा सर्वोच्‍च सन्मान मिळवणारे मेजर (निवृत्त) रामराव राघोबा राणे. हा सन्मान मिळवणारे ते ’बॉम्बे सॅपर्स’चे आणि महाराष्ट्रातील एकमेव अधिकारी होते. 

*।। दास-वाणी ।।* 

दोनी पुरूष लोकीं असती । 

क्षराक्षर बोलिजेती । 

सर्व भूतें क्षर म्हणती । 

अक्षर कूटस्त बोलिजे ।। 

उत्तम पुरूष तो आणिक । 

नि:प्रपंच नि:कळंक । 

निरंजन परमात्मा येक । 

निर्विकारी ।। 

।। जय जय रघुवीर समर्थ ।। 

 दासबोध : १०/१०/४५-४६ 

या जीवसृष्टीमधे दोन पुरूष मानले जातात.

जीवात्मा जो असतो तो क्षरपुरूष.

प्राणीमात्रातील कूटस्थ ईश्वरी चैतन्याला अक्षरपुरूष म्हणतात. कूट म्हणजे गूढ किंवा गुप्तपणे राहाणारा तो ईश्वर.

उत्तम: पुरूष: तु अन्य:। 

क्षर अक्षराहूनही वेगळा असा एक उत्तमपुरूष आहे. तो देहादिक प्रपंचापलीकडे आहे. तो निष्कलंक आहेच. तो निराकारही आहे. तो एकमेव आहे आणि निर्विकारही आहे. विकार म्हणजे स्थितीमधे होणारा बदल. त्या उत्तमपुरूषाच्या स्थितीमधे कोणताही बदल संभवत नाही कारण ते ब्रह्मचैतन्य आहे. ते अचल आहे.

चळाचळनिरूपण समास.

 🙏 💐💐💐💐💐 🙏