💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - ७ मे  

‌शालिवाहन शक १९४६, विक्रम संवत  २०८०

‌भा. रा. १७ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: चैत्र 

पक्ष: कृष्ण 

तिथी: चतुर्दशी (११.४०)  ~ अमावास्या                                         

वार:  मंगळवार

नक्षत्र : अश्विनी (१५.३०) ~ भरणी                                                                               

राशी:   मेष

*अमावास्या* (प्रारंभ दुपारी ११.४०)

*संत रोहिदास पुण्यतिथी* 

*संत वेणाबाई पुण्यतिथी*, मिरज.

*माहिती विशेष*

संत वेणाबाईं बद्दल अधिक माहिती साठी दिलेला दुवा पहा.

https://www.santsahitya.in/mahati-santanchi/sant-venabai/

१८४९: कलकत्ता फिमेल स्कूल सुरू झाले.

१८६७: स्विडीश शास्त्रज्ञ आल्फ्रेड नोबेल याने इंग्लंडमध्ये डायनामाईट या  स्फोटक पदार्थासाठी त्याला मिळालेल्या तीन पेटंट पैकी पहिले " पेटंट मिळविले.

१८७८: पुण्यात पहिले मराठी ग्रंथकारांचे संमेलन म्हणजे आताचे साहित्य संमेलन भरविण्यात आले.

१९०७: मुंबईत विजेवर चालणारी ट्रॅम सुरु झाली.

१९१२: कोलंबिया विद्यापीठाने, जोसेफ पुलित्झर याने सादर केलेल्या विविध विषयात पुलित्झर पारितोषिक  प्रदान करण्याच्या योजनेला संमती दिली 

१९२८: ब्रिटन मधील मतदारांची वयोमर्यादा ३० वर्षावरून कमी करून २१ वर्ष करण्यात आली.

१९४०: विन्सटन चर्चिल यांची ब्रिटनच्या पंतप्रधान पदी नियुक्ती.

१९४६: सोनी कंपनी ची स्थापना झाली.

१९५५: एअर इंडियाची मुंबई – टोकियो विमानसेवा सुरू झाली.

१९७६: होंडा एकॉर्ड गाडी बाजारात  आली.

१९९२: एन्डेव्हर हे अंतराळयान पहिल्या मोहिमेवर निघाले.

१९९८: मर्सिडीज-बेंज कंपनी ने क्रिस्लर हि कंपनी ४० अब्ज अमेरिकन डॉलर्स मध्ये विकत घेतली हे इतिहासातील सर्वात मोठे औद्योगिक विलीनीकरण होते.

२०००:व्लादिमीर पुतिन रशियाचे तिसऱ्यांदा राष्ट्राध्यक्ष झाले.

२०००:कोची येथे झलेल्या आंतरराष्ट्रीय बुद्धिबळ स्पर्धेत तिरुअनंतपुरमचा नऊ वर्षाचा बुद्धिबळपटू अर्जुन विष्णुवर्धन याला भारतातील सर्वात लहान ’फिडे मास्टर’ होण्याचा मान मिळाला.

२००४: नेपालचे तत्कालीन पंतप्रधान सूर्य बहादूर थापा यांनी आपल्या पदाचा राजीनामा दिला.

जन्मदिवस :

१८६१:रविंद्रनाथ ठाकूर तथा टागोर – कवी, लेखक, कलावंत, तत्त्वचिंतक आणि शिक्षणतज्ञ, पहिले भारतीय नोबेल पारितोषिक विजेते. ’जन गण मन ...’ हेे राष्ट्रगीत त्यांचे आहे. कलकत्ता येथे पिराली ब्राह्मण कुटुंबात जन्म.

१८८०:डॉ. पांडुरंग वामन काणे – विख्यात कायदेपंडित आणि धर्मशास्त्राचे अभ्यासक, महामहोपाध्याय, भारतरत्‍न 

१८९२: क्रांतिकारक आणि युगोस्लाव्हियाचे पहिले राष्ट्राध्यक्ष जोसेफ टिटो 

१९०९: पोलरॉइड कॉर्पोरेशनचे संस्थापक एडविन एच. भूमी 

१९१२: ज्ञानपीठ पारितोषिक विजेते गुजराती कथा-कादंबरीकार पन्नालाल पटेल 

१९२३:आत्माराम भेंडे – अभिनेते, दिग्दर्शक, लेखक. इंग्रजी रंगभूमीवर काम करणारे मराठी कलाकार.

१९३२: शौर्य आणि नेतृत्वाबद्दल महावीर चक्र आणि परम विशिष्ठ सेवा पद सन्मानित लेफ्टनंट जनरल राज मोहन वोहरा 

१९४८: मैहर घराण्याचे बासरी वादक नित्यानंद हळदीपूर 

१९६९: उत्तरप्रदेशाचे उपमुख्यमंत्री व भारतीय जनता पक्षाचे सदस्य केशव प्रसाद मौर्य

मृत्यूदिन:

२००२:दुर्गा भागवत – ज्येष्ठ साहित्यिका व मानववंशशास्त्रज्ञ, मराठी अस्मितेच्या व विचार स्वातंत्र्याच्या बुलंद पुरस्कर्त्या, तत्त्ववेत्या आणि निसर्गाच्या अभ्यासक. त्यांनी आणीबाणीला साहित्य संमेलनाच्या अध्यक्षीय भाषणातून प्रकट विरोध केला होता.

२००१:मालती बेडेकर ऊर्फ ’विभावरी शिरुरकर’ प्रसिद्ध लेखिका 

२००१:प्रेम धवन – गीतकार, पद्मश्री पुरस्काराने सन्मानित

१९९१:गोपाळ नरहर तथा ’मनमोहन’ नातू – ’लोककवी’  

*।। दास-वाणी ।।*

आता आठऊं सद् गुरू । 

जो पराचाही परु । 

जयाचेनि ज्ञानविचारू । 

कळो लागे  ।। 

श्रोतेन पुसिले बरवे । 

भगवद्भजन कैसें करावें । 

म्हणौनि बोलिलें स्वभावें । 

ग्रंथांतरी  ।। 

।। जय जय रघुवीर समर्थ ।। 

 दासबोध : ०४/०१/०३-०४ 

श्रवण भक्तीवर बोलण्यापूर्वी श्रीगणेश आणि शारदामातेला वंदन केले. आता सद् गुरूंचे स्मरण करूया. परात्पर म्हणजे पराचाही पर. परमेश्वर हा सूक्ष्म असतोच. श्रेष्ठही असतो. परंतु तो ब्रह्मा विष्णू महेश रूपात त्रिगुणात्मक आहे. त्रिगुण व पंचमहाभूते ही मायिक आहेत ज्यांना कल्पांती तरी नाश संभवतो. सद् गुरू हे परात्पर असल्यामुळे ईश्वरापेक्षाही श्रेष्ठ आहेत. परब्रह्माशी एकरूप झाल्यामुळे गुरूतत्त्व हे नित्य नूतन आणि अविनाशी आहे. अशा सद्गुरूंच्या मार्गदर्शनानेच आत्मज्ञानाचा विचार साधकाला हळू हळू कळू लागतो.

आता श्रोत्यांनी छान प्रश्न विचारलाय. भगवंताची भक्ती कशा प्रकारे करावी?

शास्त्रांमधे अनेक ग्रंथांमधे जे भक्तिमार्ग सांगितले आहेत ते मी मला भावले तसे सांगतो. नारदीय भक्तिसूत्रांमधे श्रवण, कीर्तन, विष्णूंचे नामस्मरण, पादसेवन, अर्चन, वंदन, दास्य आणि आत्मनिवेदन अशा नऊप्रकारांनी नवविधा भक्ती करावी असे सांगितले आहे.

*श्रवणभक्ती समास.*

*संंकलक : सुधीर देशपांडे (आबा)*

🙏 💐 💐 💐 💐 💐 🙏