अवैध गॅस धंद्यावर सदर बझार पोलीस ठाणे व अन्नधान्य वितरण विभागाची अचानक धाड

१३ गॅस सिलेंडर व अवैध धंद्यासाठी लागणारे साहित्य हस्तगत

चित्रा न्युज ब्युरो

सोलापुर :- सदर बझार पोलीस ठाणे आणि अन्नधान्य वितरण विभागाच्या संयुक्त कारवाईत अवैध गॅस धंद्याच्या विरोधात मोठी कारवाई करण्यात आली. अन्नधान्य वितरण अधिकारी ओंकार पडोळे आणि पोलीस आयुक्त एम. राजकुमार यांच्या आदेशानुसार पोलीस उपायुक्त डॉ. विजय कबाडे यांच्या नेतृत्वाखाली १८ डिसेंबर २०२४ रोजी रेल्वे कॉलनी परिसरात ही धाड टाकली गेली.

या कारवाईत १३ गॅस सिलेंडर, २ पंप, ३ वजन काटे आणि अन्य अवैध धंद्यासाठी आवश्यक साहित्य हस्तगत करण्यात आले. गॅस सिलेंडरचे गैरवापरासाठी घरगुती गॅसचा वापर करणे, नागरिकांच्या सुरक्षिततेसाठी धोकादायक ठरू शकते.

ही कारवाई परिमंडळ अधिकारी प्रफुल्ल नाईक, श्रीनिवास वाघ, अनिल गवळी, नंदकिशोर ढोके, पुरवठा निरीक्षक राजेश यमपुरे, सज्जन भोसले, ज्ञानेश्वर काशीद, तसेच सदर बझार पोलीस ठाण्याचे वरिष्ठ पोलीस निरीक्षक अजित लकडे, पोलीस उपनिरीक्षक नितीन शिंदे, पोलीस हवालदार शहाजान मुलाणी, लक्ष्मीकांत फुटाणे यांच्या साह्याने यशस्वीपणे पार पाडली गेली.

ही कारवाई शहरातील अवैध गॅस धंद्यांवर कठोर नियंत्रण ठेवण्यासाठी महत्त्वपूर्ण ठरली असून, संबंधित सर्व आरोपींवर कडक कारवाई केली जाईल. पोलीस व प्रशासन यांची ही सुसंगत आणि संयमित कारवाई नागरिकांच्या सुरक्षिततेसाठी महत्त्वाची आहे.