कॉलेज ऑफ फार्मसी अकलूज मध्ये स्वागत समारंभाचे आयोजन

चित्रा न्युज प्रतिनिधी

सोलापूर :-शैक्षणिक वर्ष 2024- 25 मध्ये प्रथम वर्ष बी.फार्मसी व थेट द्वितीय वर्ष बी.फार्मसी प्रवेशित विद्यार्थ्यांचा स्वागत समारंभ महाविद्यालयामध्ये 12 फेब्रुवारी 2025 रोजी आयोजित करण्यात आला.

कार्यक्रमाच्या अध्यक्षस्थानी महाविद्यालय विकास समितीचे सभापती मा.श्री विनोद कुमार दोशी होते. कार्यक्रमाचे प्रस्ताविक महाविद्यालयाचे प्राचार्य डॉ. अनिल भानवसे यांनी केले. सदर कार्यक्रमा वेळी शिक्षण प्रसारक मंडळ अकलूजचे संचालक व महाविद्यालय विकास समितीचे सदस्य मा.श्री. नारायण फुले , मा.श्री. रामचंद्र गायकवाड , सचिव मा. श्री. अभिजीत रणवरे, डी फार्मसी कॉलेजचे प्राचार्य श्री नानासाहेब देवडकर उपस्थित होते. उपस्थित मान्यवरांनी महाविद्यालयात प्रवेश घेतलेल्या प्रथम वर्ष बी. फार्मसी व द्वितीय वर्ष बी. फार्मसी च्या विद्यार्थ्यांचे पुष्पगुच्छ देऊन स्वागत केले. 

शिक्षण प्रसारक मंडळ अकलूज संस्थेचे सचिव श्री अभिजीत रणवरे यांनी मनोगत व्यक्त करताना नव्याने प्रवेश घेतलेल्या सर्व विद्यार्थ्यांचे शिक्षण प्रसारक मंडळ अकलूज संस्थेच्या वतीने स्वागत केले. यावेळी शिक्षण प्रसारक मंडळ, अकलूज राबवत असलेल्या विद्यार्थ्यांसाठीच्या धोरणांची माहिती उपस्थित विद्यार्थ्यांना दिली. स्वागत समारंभाचे आयोजन महाविद्यालयातील द्वितीय तृतीय व अंतिम वर्ष वर्गातील विद्यार्थ्यांनी केले होते. 

कार्यक्रमाचे निवेदन अंतिम वर्ष वर्गातील विद्यार्थी श्रीप्रसाद कुलकर्णी व कु. प्रियांका कुलकर्णी यांनी केले . कार्यक्रम यशस्वी होण्यासाठी महाविद्यालयातील सर्व शिक्षक शिक्षकेतर कर्मचारी यांनी परिश्रम घेतले.