💐 || सुमंगल सुप्रभात || 💐‌ 🌞 दिन विशेष

chitranews जानेवारी २१, २०२३

💐 || सुमंगल सुप्रभात || 💐

‌ 🌞 दिन विशेष

‌

‌इसवी सन २०२३ - २२ जानेवारी

‌शालिवाहन शक १९४४, विक्रम संवत २०७९

भा. रा. २ माघ १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : शिशिर

‌मास : माघ

पक्ष : शुक्ल

‌तिथी : प्रतिपदा (२२.२०) ~ द्वितीया

वार : रविवार

नक्षत्र: श्रवण

राशी: मकर

*माघ मासारंभ*

*शिशिर ऋतू प्रारंभ*

प.पू. कलावती आई पुण्यतिथी, कर्नाटक

१९०१: राणी व्हिक्टोरियाच्या निधनानंतर ७ वा एडवर्ड हा इंग्लंडचा राजा झाला.

१९२४: रॅम्से मॅकडोनाल्ड इंग्लंडचे पंतप्रधान बनले. ब्रिटनमधे मजूरपक्ष प्रथमच सत्तेवर आला.

१९४७:भारतीय घटनेची रुपरेषा कशी असावी याविषयीचा ठराव घटना समितीत मंजूर

१९६३: डेहराडून येथे अंधांसाठी राष्ट्रीय ग्रंथालय स्थापन केले.

१९७३: अमेरिकेच्या सुप्रीम कोर्टाने गर्भपाताला मान्यता दिली, कोणतीही महिला गर्भवती असताना ६ महिन्यांपर्यंत गर्भपात करू शकते.

१९९२: रॉबर्टा बॉन्डर ह्या अवकाशात जाणाऱ्या पहिला महिला ठरल्या.

१९९६: कॅलिफोर्निया येथील वेधशाळेतील शास्त्रज्ञांनी पृथ्वी पासून ३,५०,००० प्रकाश वर्ष इतक्या अंतरावर असलेल्या दोन नवीन ग्रहांचा शोध लावला.

१९९९: ऑस्ट्रेलियन धर्मप्रसारक ग्रॅहॅम स्टेन्स व त्याच्या दोन मुलांची ओरिसाच्या केओंझार जिल्ह्यातील मनोहरपूर येथे मोटारीत जाळून हत्या.

२००१:’आय. एन. एस. मुंबई’ ही क्षेपणास्त्रवाहू नौका भारतीय नौदलात समारंभपूर्वक दाखल झाली.

२०१५: बेटी बचाओ, बेटी पढाओ या योजनेचा शुभारंभ विद्यमान पंतप्रधान नरेंद्र मोदी यांच्या हस्ते पानिपत हरियाणा येथे झाला.

जन्मदिवस :

१९४९: त्रिपुरा चे पूर्व मुख्यमंत्री माणिक सरकार

१९३४:विजय आनंद – हिन्दी चित्रपट निर्माते व दिग्दर्शक

१९२०: संतसाहित्याचे अभ्यासक प्रा. ह. श्री. शेणोलीकर

१९१६:सत्येन बोस – बंगाली व हिन्दी चित्रपट दिग्दर्शक व पटकथालेखक, चलती का नाम गाडी [१९५८] दोस्ती [१९६४], रात और दिन [१९६७], आंसू बन गये फूल [१९६९], जीवन मृत्यू [१९७०] हे त्यांचे काही गाजलेले चित्रपट

१८९६: कवी सुर्यकांत त्रिपाठी उर्फ निराला

मृत्यूदिन

१९७५: केशवसुत संप्रदायी आधुनिक कवी काव्यविहारी धोंडो वासुदेव गद्रे

१९७२:स्वामी रामानंद तीर्थ – हैदराबाद संस्थानातील स्वातंत्र्य चळवळीचे नेते, समाजसुधारक आणि शिक्षण तज्ञ

१९६७:डॉ. पांडुरंग सदाशिव खानखोजे – क्रांतिकारक, विद्वान, कृषीतज्ञ, इतिहासकार आणि ’गदर पार्टी’ चे शिल्पकार

१६८२:समर्थ रामदास स्वामी

१६६६: ५ वा मुघल सम्राट शहाजहान याचे आपल्याच मुलाच्या (औरंगजेब) कैदेत १० वर्षे राहिल्यानंतर निधन

१२९७:योगी चांगदेव समाधिस्थ

*।। दास-वाणी ।।*

फेण फुगे हेलावे ।

सैरावैरा उदक धावे ।

थेंब फुई मोजावे ।

अणुरेणु किती ।।

वोसाणे वाहती उदंड ।

झोतावे दर्कुटे दगड ।

खडकें बेटें आड ।

वळसा उठे ।।

।। जय जय रघुवीर समर्थ ।।

दासबोध : ११/०७/०५-०६

या चंचल मायानदीमधे कुठे फेस आहे तर कुठे पाण्याचा फुगवटा आहे. मधेच हे पाणी हेंदकाळते तर कुठे वाट फुटेल तिथे सैरावैरा धावत सुटते. प्रचंड वेगाने वरून खाली पाणी कोसळताना ते थेंब, तुषार अणू रेणू इतके सूक्ष्म दिसतात.

मायानदीच्या पाण्यासोबत पुष्कळ कचरा वाहात असतो.वाटेत छोटया दरडी दगड धोंडे लहान मोठे खडक, छोटी मोठी बेटेही लागतात. या सर्वांना वळसा घालून मायेचे पाणी अखंड पुढे जातच राहाते.

खरे तर हे रूपक आहे.

मायानदीचा उगम गुप्त आहे. तो परब्रह्म होय. मायानदी वरून खाली वाहातीय. जीवसृष्टी, प्रपंच, त्यातील मन बुद्धी अहंकाराचे अडथळे हे मायिक आहेत हे साधकाने समजून उमजून पैलतीर गाठायचा आहे.

चंचळनदीनिरूपण समास.

🙏💐💐💐💐💐🙏