💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - ६ जुलै 

‌शालिवाहन शक १९४५, विक्रम संवत २०७९

‌भा. रा. १५ आषाढ १९४५.

युगाब्द ५१२५

संवत्सर नाम : शोभन

अयन : दक्षिणायण 

ऋतू : ग्रीष्म 

मास : आषाढ 

पक्ष : कृष्ण               

तिथी : तृतीया (०६.३०) ~ चतुर्थी                                                              

वार : गुरूवार

नक्षत्र : धनिष्ठा                  

राशी : मकर (१३.३०) ~ कुंभ 

*संकष्ट चतुर्थी* (चंद्रोदय रात्री १०.१० ला)

जया पार्वती व्रत समाप्ती 

*सूर्याचा पुनर्वसु नक्षत्र प्रवेश,* सायंकाळी ५.२० ला, *वाहन गाढव*.

१७३५: मल्हारराव होळकर आणि राणोजी शिंदे राजपुतान्यात विजयी होऊन पुण्यास परतले.

१७८५ : अमेरिकेने डॉलरला चलन म्हणून मान्यता दिली. हे चलन पूर्णतः दशमान पद्धतीवर आधारित होते.

१८८२: पुणे – मुंबई मार्गावरील खंडाळा ते मंकी हिल दरम्यान रेल्वेचा भारतातील सर्वात जास्त लांबीचा बोगदा (त्या काळातील) वाहतूकीस खुला झाला.

१८८५: लुई पाश्चर यांनी रेबीज या रोगावरील लसीची यशस्वी चाचणी केली.

१८९२ : दादाभाई नौरोजींची ब्रिटीश संसदेचे सर्वप्रथम भारतीय सभासद म्हणून निवड.

१९०८: रॉबर्ट पियरी यांची उत्तर ध्रुवावर जाण्यासाठीची मोहीम निघाली.

१९१७: भांडारकर प्राच्यविद्या संशोधन संस्थेची पुणे येथे स्थापना.

१९३९ : ज्यूंचे शिरकाण - जर्मनीतील ज्यू व्यक्तींचे उरलेसुरले उद्योगधंदे बंद करण्यात आले.

१९४७: रशियात एके-४७ या बंदुकांच्या उत्पादनास सुरुवात झाली.

२००६: चीन युद्धापासून बंद असलेली भारत व तिबेट जोडणारी नाथू ला ही खिंड ४४ वर्षांनंतर व्यापारासाठी खुली झाली.

जन्मदिवस

१८३७ : डॉ. रामकृष्ण गोपाळ भांडारकर, थोर प्राच्यविद्या संशोधक, संस्कृत पंडित भाषाशास्त्रज्ञ, इतिहास संशोधक.

१८८१ : थोर साधुपुरुष गुलाबराव महाराज (लोणी, अमरावती) (तारखेने)

१९०१ : हिंदू महासभेचे नेते व जैन संघाचे पहिले अध्यक्ष, केंद्रीय मंत्री भारतीय जनसंंघाचे संस्थापक डॉ. शामाप्रसाद मुखर्जी.

१९०५ : लक्ष्मीबाई केळकर, समाजसेविका, राष्ट्रसेविका समितीच्या संस्थापिका.

१९१४: डब्ल्यूडब्ल्यूई (WWE) चे संस्थापक विन्स मॅकमोहन सिनियर

१९२०: डॉ. विनायक महादेव तथा वि.म. दांडेकर, अर्थतज्ञ, ’इंडियन स्कूल ऑफ पॉलिटिकल इकॉनॉमी’ या संस्थेची त्यांनी उभारणी केली. त्यांचे ’पॉव्हर्टी इन इंडिया’ हे पुस्तक गाजले. 

१९२७ : व्यंकटेश दिगंबर माडगूळकर, मराठी कथाकार आणि कादंबरीकार.

१९३०: डॉ. एम. बालमुरलीकृष्णन – दाक्षिणात्य संगीताचे गायक व व्हायोलिनवादक, पद्मश्री.

१९३५: दलाई लामा, चौदावा अवतार.

१९५२: रेखा शिवकुमार बैजल, साहित्यिक. 

१९६१: भारतीय राजकारणी आणि वकील वंदना चव्हाण

१९८६: टम्ब्लर चे संस्थापक डेव्हिड कार्प.

मृत्यूदिन

१८५४: जर्मन गणितज्ञ व भौतिकशास्त्रज्ञ जॉर्ज ओहम

१९५४: ब्रिटीश कालीन भारतात कायद्याची पदवी ग्रहण करणाऱ्या पहिल्या भारतीय महिला कॉर्नेलिया सोरबजी.

१९८६ : जगजीवनराम, भारतीय राजकारणी.

१९९७ : चेतन आनंद, निर्माता दिग्दर्शक 

१९९९: एम. एल. जयसिंहा – कसोटी क्रिकेटपटू, शैलीदार फलंदाज 

२००२ : धीरूभाई अंबानी, भारतीय उद्योगपती, पद्मविभूषण पुरस्कार सन्मानित.

*।। दास-वाणी ।।*

तिसरा ब्रह्मा निजेला । 

तो हा मृत्युलोक गोळा जाला । 

अवघा व्यापार खुंटला । 

प्राणीमात्रांचा ।। 

तेव्हां प्राणीयांचे सूक्ष्मांश । 

वायोचक्रीं करिती वास । 

कित्येक काळ जाता ब्रह्मयास । 

जागृती घडे ।। 

।। जय जय रघुवीर समर्थ ।। 

 दासबोध : १०/०५/१०-११ 

एकूण पाच प्रलय सांगितले आहेत.

निद्राप्रलय आणि मरणप्रलय 

देहाचे म्हणजे पिंडाचे दोन.

निद्राप्रलय आणि मरणप्रलय ब्रह्मांडाचे दोन.

पाचवा शाश्वत असा विवेकप्रलय.

ब्रह्मदेवाची गाढ झोप हा ब्रह्मांडाचे संदर्भातील तिसरा प्रलय होय. यामधे मृत्युलोकातील सर्व प्राणीमात्रांचा नाश झाल्यामुळे व्यवहार बंद पडतात.

अवघी जीवसृष्टी नाश पावल्यामुळे प्राण्यांचे सूक्ष्मांश म्हणजे सूक्ष्मदेह हे वायूरूपात अव्यक्त अवस्थेमधे राहतात.

प्रदीर्घ काळानंतर ब्रह्मदेवाला जाग येते. त्यानंतर तो पुन्हा सृष्टीरचना करतो. त्यावेळी हे वायुरूप सूक्ष्मदेह पुन्हा नवीन देहधारण करून जन्माला येतात. सृष्टीचे व्यापार पुन्हा सुरू होतात.

 पंचप्रळयनिरूपणनाम समास.

 🙏 💐💐💐💐💐 🙏