💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - ६ मे  

‌शालिवाहन शक १९४६, विक्रम संवत  २०८०

‌भा. रा. १६ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: चैत्र 

पक्ष: कृष्ण 

तिथी: त्रयोदशी (१४.४०)  ~ चतुर्दशी                                        

वार:  सोमवार

नक्षत्र : रेवती (१७.४०) ~ अश्विनी                                                                              

राशी:   मीन (१७.४०) ~मेष

*शिवरात्री*

*श्री स्वामी समर्थ महाराज पुण्यतिथी* 

*संत गोरोबा काका पुण्यतिथी*

*छत्रपती शाहू महाराज पुण्यस्मरण*

*जागतिक ॲकॉर्डियन दिवस*

*माहिती विशेष*

दरवर्षी ६ मे हा दिवस  *जागतिक ॲकॉर्डियन दिवस* म्हणून साजरा केला जातो. जागतिक स्तरावर २००९ पासून हा दिवस साजरा केला जातो परंतु भारतात २०११ पासून ॲकॉर्डियन दिन साजरा करण्यास सुरवात झाली. पहिला जागतिक ॲकॉर्डियन दिवस हा, पहिला ॲकॉर्डियन १८२९ ला बनविला गेला व त्याचे पेटंट ६ मे १८२९ रोजी व्हिएन्ना येथे ख्रिस्तीफर डिमेनी यांनी घेतले, या गोष्टीला १८० वर्षे झाली म्हणून ६ मे २००९ पासून जागतिक : ॲकॉर्डियन दिवस साजरा करण्यास सुरवात झाली.

भारतात बॉलीवूडमध्ये मा. केसी लॉर्ड, मा. इनॉक डॅनियल्स ही नावे ॲकॉर्डियन मध्ये अग्रगण्य मानली जातात. केसी लॉर्ड यांची ॲकॉर्डियन वाजवण्याची एक विशिष्ट शैली होती, आणि अनेक हिंदी चित्रपटांमध्ये त्यांच्या ॲकॉर्डियन वादनाचा अंतर्भाव आहे. रुप तेरा मस्ताना आणि शर्मिली सारख्या अजरामर गीतांमधील ॲकॉर्डियन वादन त्यांनी स्वत: केले होते. ‘आराधना’तल्या ‘रूप तेरा मस्ताना’ या गाण्यातले धुंद वातावरण क्षणात् उभे करणारा सुरुवातीचा तो थरारून टाकणारा ॲकॉर्डियन या वाद्याचा पीस आणि नंतर ॲकॉर्डियन आणि सॅक्सेफोन यांची जुगलबंदी सुरू असावी असे वाटणारे एकाहून एक सरस पीसेस, ‘है अपना दिल’ आणि ‘आईये मेहरबाँ’ गाण्यांतले ठेका धरायला लावणारे चायनीज टेंपल ब्लॉक्स, ‘तस्वीर तेरी दिल में’, ‘मुझे दुनियावालों शराबी न समझो’ अशा शेकडो गाण्यांमध्ये ॲकॉर्डियनच्या बेलोजचा परिणामकारक वापर करून घेतला होता. तसेच मा.इनॉक डॅनियल्स हे सुद्धा भारतीय चित्रपट संगीतातील एक महान ॲकॉर्डियन वादक. त्यांचा टेक दोन-तीन तासांतच ओके होत असे.  रेडिओ सिलोनवर ‘साज और आवाज’ या सात ते सव्वासातच्या सुमारास सकाळी कित्येक वर्षे मा.इनॉक डॅनियल्स यांच्या ॲकॉर्डियनवर वाजविलेल्या रचना वाजवल्या जातात. बॉलीवूड मध्ये मा.गुडी सिरवाई, मा.धीरजकुमार,मा. सुमित मिश्रा यांसारखे ॲकॉर्डियन वादक होऊन गेले. सुराज साठे यांचेसारखे अनेक गुरुतुल्य आजही ॲकॉर्डीयन वादकांचे आदर्श आहेत.  याशिवाय शंकर जयकिशन, एस.डी.बर्मन, वसंत देसाई, सी.रामचंद्र यांच्यासारख्या दिग्गज संगीतकारांनी संगीतबद्ध केलेल्या अनारी, श्री ४२०,  काला पानी, छाया, प्रेम पत्र, चोरी चोरी या चित्रपटांतील गीतात ॲकॉर्डियनचा प्रभावी पणे वापरला गेला होता. *आजच्या ॲकॉर्डियन दिनाच्या सर्व ॲकॉर्डियन वादकांना आणि ॲकॉर्डियन प्रेमींना खूप खूप शुभेच्छा..!*   💐💐

१५२९: घाघरा येथील युद्धात मुघल शासक बाबराने बंगाल आणि बिहारच्या शासकांचा पराभव केला.

१५३६: इंग्लंडचा राजा आठवा हेनरी याने  प्रत्येक चर्चमध्ये बायबल ठेवण्यास सांगितले.

१६३२: शहाजहान बादशहा व आदिलशहा यांच्यामधे शहाजीला पराभूत करण्याबद्दल तह झाला.

१८१८: राजधानी रायगड लढवत असताना शेवटच्या बाजीरावाच्या पत्‍नी वाराणशीबाई इंग्रजांकडून पराभूत झाल्या.

१८४०: पेनी ब्लॅक नावाचे जगातील पहिले टपाल तिकीट प्रसारित झाले.

१८८९: पॕरिसच्या आयफेल टॉवरचे उद् घाटन.

१९५४: रॉजर बॅनिस्टर हे १ मैल अंतर चार मिनिटांच्या आत धावणारी पहिली  व्यक्ती ठरले.

१९९४: इंग्लिश खाडी खालून जाण‍ाऱ्या आणि इंग्लंड व फ्रान्स यांना जोडण‍ाऱ्या युरो टनेलचे इंग्लंडची राणी एलिझाबेथ (दुसरी) आणि फ्रान्सचे अध्यक्ष फ्रँकॉइस मित्राँ यांच्या हस्ते  उद्‍घाटन झाले.

१९९७: बँक ऑफ इंग्लंड ला स्वायत्तता देण्यात आली.

१९९९: महाराष्ट्र राज्यातील सर्व कृषी विद्यापीठांत महिलांसाठी तीस टक्के आरक्षणाचा निर्णय घेण्यात आला.

२००१: पोप जॉन पॉल (दुसरे) यांनी सिरीयातील एका मशिदीस भेट दिली. मशिदीस भेट देणारे ते पहिलेच पोप.

२०१५: सलमान खानला सदोष मनुष्यवधाच्या आरोपात दोषी ठरवून ५ वर्षाच्या कारावासाची शिक्षा सुनावली. त्याने हायकोर्टात अपील'  दाखल करून लागलीच जामिनावर सुटका.

जन्मदिवस 

१८५६: ऑस्ट्रियन मानसशास्त्रज्ञ, आधुनिक मानसशास्त्राचे जनक सिग्मंड फ्रॉइड

१८६१ : मोतीलाल गंगाधर नेहरु, राजकारणी.

१९२०: बुलो चंडिराम रामचंदानी उर्फ *बुलो सी. राणी*, जुन्या पिढीतील संगीतकार व गायक.

मृत्यूदिन

१९२२: सामाजिक सुधारणांचे कृतिशील पुरस्कर्ते, कला, नाटक, संगीत यांचे प्रोत्साहक *छत्रपती शाहू महाराज* यांचे निधन.

१९४६: भुलाभाई देसाई राजनीतीज्ञ 

१९५२ : मारिया माँटेसरी,  इटालियन प्राथमिक शिक्षणतज्ज्ञ.

१९६६: उदारमतवादी समाजसुधारक, नेमस्त पुढारी आणि शिक्षणतज्ञ रँगलर रघुनाथ पुरुषोत्तम परांजपे 

१९९५: प्रवचनकार, संत साहित्याचे गाढे अभ्यासक, हैदराबाद मुक्तीसंग्रामातील स्वातंत्र्यसैनिक  आचार्य  गोविंदराव गोसावी 

*।। दास-वाणी ।।* 

भगवंत भावाचा भुकेला । 

भावार्थ देखोन भुलला । 

संकटी पावे भाविकाला । 

रक्षितसे  ।। 

जयासी भगवंत आवडे । 

तयाचें देवासीं साकडें । 

संसारदु:ख सकळ उडे । 

निज दासाचें  ।। 

।। जय जय रघुवीर समर्थ ।। 

 दासबोध : ०३/१०/१०-११ 

भाव म्हणजे अस्तित्व. ज्याची देवावर श्रद्धा आहे त्याचा भाव भगवंताला अतिशय प्रिय वाटतो. भक्तापुढे तो विरघळतोच. भोळया भक्तांचा हा संकटविमोचक तत्काळ धाव घेऊन प्रत्येक संकटातून त्याला बाहेर काढतो.

जैसा भाव जयापासी । 

तैसा देव तयापासी ।। 

परमेश्वरावर निस्सीम प्रेम करणाऱ्या भक्तांची काळजी देवालाच असते. अनन्यभावाने भगवत् चिंतन करीत राहणाऱ्या भक्तांची सांसारिक अडचण तर तो निवारतोच, परंतु त्यांचा योगक्षेम देखील देवच वाहातो. मात्र त्यासाठी नित्यअभियुक्त म्हणजे निरासक्त भावाने परमेश्वराशी अखंड जोडले गेले पाहिजे. हेच वैराग्य होय. 

*वैराग्यनिरूपण समास.*

*संंकलक : सुधीर देशपांडे (आबा)*

🙏 💐 💐 💐 💐 💐 🙏