💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - २५ मे  

‌शालिवाहन शक १९४६, विक्रम संवत  २०८०

‌भा. रा. ४ ज्येष्ठ १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: वैशाख  

पक्ष: कृष्ण

तिथी: द्वितीया (१९.००) ~ तृतीया      

वार : शनिवार 

नक्षत्र : ज्येष्ठा (१०.३५) ~ मूळ     

राशी :   वृश्चिक (१०.३५) ~ धनु 

*सूर्याचा आज रोहिणी नक्षत्र प्रवेश* (दुपारी ३.१७ ला). सूर्याचा रोहिणी नक्षत्र काल ८ जून पर्यंत राहील. या दिवसात सूर्य व पृथ्वीतील अंतर कमी असते त्यामुळे पृथ्वीवरील तपमान जास्त असते.

१६११: मुघल शासक जहागीर याचा महरुन्निसा हिच्याबरोबर विवाह झाला. यानंतर तिचे नाव नूरजहाँ असे झाले.

१६६६: शिवाजी महाराज आग्रा येथे नजरकैदेत.

१९३५: जेसी ओवेन्सने ४५ मिनिटात वेगवेगळ्या शर्यतींमध्ये चार विश्वविक्रम नोंदवले.

१९५३: अमेरिकेतील पहिल्या  सार्वजनिक टेलिव्हिजन स्टेशन वरून अधिकृत प्रसारण सुरू झाले.

१९५५ : जगातील उंचीनुसार तिसरे शिखर कांचनगंगा जॉर्ज बॅंड आणि जो ब्राऊन यांनी प्रथमच सर केले.

१९६१ : अमेरिकेचे राष्ट्राध्यक्ष जॉन एफ. केनेडीने "दशक संपायच्या आत चंद्रावर माणूस" पाठवण्याची घोषणा केली.

१९६३ : इथियोपियाची राजधानी अदिस अबाबामध्ये आफ्रिकन एकता संघटनेची स्थापना.

१९७७: चिनी सरकारने विल्यम शेक्सपिअरच्या साहित्यावरील बंदी उठवली. सुमारे १० वर्षे ही बंदी अंमलात होती.

१९७९ : अमेरिकन एरलाइन्स फ्लाइट १९१ हे डी.सी.१० जातीचे विमान शिकागोच्या ओहेर विमानतळावरून निघाल्यावर कोसळले. जमीनीवरील दोघांसह २७३ ठार

१९८१: सौदी अरेबियातील रियाध येथे गल्फ कोऑपरेशन कौन्सिल (GCC) या संघटनेची स्थापना झाली. बहरीन, कुवैत, ओमान, कतार, सौदी अरेबिया व यू. ए. ई. हे या संघटनेचे सदस्य देश आहेत.

१९८५ : बांगलादेशमध्ये वादळ. १०,०००हून अधिक ठार.

१९९९: सुमारे १०० वर्षांपासून पंढरपूरला येणार्‍या लाखो वारकर्‍यांची आणि नागरिकांची सेवा केलेल्या पंढरपूर-कुर्डुवाडी या नॅरोगेज रेल्वेला निरोप देण्यात आला.

२००१ : कॉलोराडोतील बोल्डर शहराचा एरिक वाइहेनमायर हा एव्हरेस्ट सर करणारा प्रथम अंध व्यक्ती ठरला. त्याच्या बरोबरचा न्यू कनान, कॉनेटिकटचा शेरमान बुल सगळ्यात वयस्कर व्यक्ती (६४ वर्षे) ठरला.

२००२ : चायना एरलाइन्स फ्लाइट ६११ हे बोईंग ७४७ जातीचे विमान तैवानच्या सामुद्रधुनीत कोसळले. २२५ ठार.

२००२ : मोझाम्बिकच्या तेंगा शहराजवळ रेल्वे गाडीला अपघात १९७ ठार.

२०११: द ओपराह विन्फ्रे शो चा शेवट करण्यात आला. ओपराह विन्फ्रे यांनी हा शो पंचवीस वर्ष चालवला होता.

२०१२: स्पेसएक्स ड्रॅगन हे आंतरराष्ट्रीय अंतराळ स्थानकांसह यशस्वीरित्या एकत्र येणारे पहिले व्यावसायिक अंतराळयान ठरले.

२०१३: जपानच्या 80 वर्षीय युशिरो मिड्रा नामक गिर्यारोहक व्यक्तीने जगातील सर्वात उंच पर्वत शिखर माउंट एव्हरेस्ट चढण्याचा विश्वविक्रम केला.

जन्मदिवस 

१८०३: राल्फ वाल्डो एमर्सन, अमेरिकन लेखक व तत्त्वज्ञानी.

१८३१: ब्रिटिश हवामानशास्त्रज्ञ सर जॉन इलियट 

१८७८: ब्रिटीश कालीन भारतातील थोर राष्ट्रवादी लेखक, पत्रकार, संपादक आणि राजकीय कार्यकर्ते रामकृष्ण पिल्ले.

१८८६: क्रांतिकारक रास बिहारी घोष 

१८९५: इतिहासकार व लेखक त्र्यंबक शंकर शेजवलकर 

१८९९: स्वातंत्र्यलढ्यातील क्रांतिकारक, बंगाली कवी काझी नझरुल इस्लाम 

१९३३: त्रिनिदाद आणि टोबॅगो देशाचे पूर्व पंतप्रधान बासदेव पांडे 

१९३६: रुसी सुरती, भारतीय क्रिकेटपटू.

१९४६: भारतीय क्रिकेटपटू बिशन सिंह बेदी

१९७२: भारतीय अभिनेता, दिग्दर्शक, निर्माता आणि पटकथालेखक करण जोहर 

१९७४: विज्ञान व तंत्रज्ञान क्षेत्रांतील शांती स्वरूप भटनागर पुरस्कार तसचं, इन्फोसिस पुरस्कार सन्मानित व शिकागो विद्यापीठातील रसायनशास्त्र विभागाच्या प्राध्यापक भारत वंशीय यमुना कृष्णन.

मृत्यूदिन

१९५४: आधुनिक भारतीय व्यायामविद्येचे प्रवर्तक, कन्या आरोग्य मंदिराचे संस्थापक गजानन यशवंत तथा माणिकराव ताम्हणे 

१९९८: लक्ष्मीकांत-प्यारेलाल या जोडीतील संगीतकार लक्ष्मीकांत शांताराम कुडाळकर 

१९९९: संशोधक, राष्ट्रीय रासायनिक प्रयोगशाळेचे (NCL) संचालक बाळ दत्तात्रय तथा बी. डी. टिळक 

२००१ : नीला घाणेकर, गायिका.

२००५: अभिनेते, निर्माते, दिग्दर्शक व केंद्रीय मंत्री सुनिल दत्त 

२०१३: भारतीय राजकारणी महेंद्र कर्मा यांची हत्या. सलवा जुडूम या नक्षल विरोधी मोहिमेचे एक नेते.

*।। दास-वाणी ।।* 

ब्रह्मा विष्णू आणि हर । 

त्यांसी निर्मिता तोचि थोर । 

तो वोळखावा परमेश्वर । 

नाना येत्नें  ।। 

तो देव ठायी पडेना । 

तरी येमयातना चुकेना । 

ब्रह्मांडनायक चोजवेना । 

हें बरें नव्हे  ।। 

।। जय जय रघुवीर समर्थ ।। 

 दासबोध : ०६/०१/१२-१३ 

ब्रह्मा रजोगुणी, विष्णू सत्वगुणी, महेश तमोगुणी.

हे तीनही देव त्रिगुणात्मक आहेत.

पंचमहाभूतांसकट त्रिगुण ही अष्टधा प्रकृती.

हे सर्व मायेच्या कक्षेमधे येतात.

जे जे मायिक ते कालांतराने नष्ट होणारच.

त्यामुळे ब्रह्मा विष्णू महेशाला देखील 

कधी ना कधी प्रलय आणि विलय आहेच.

या देवतांनाही निर्माण करणारा जो 

देवाधिदेव आहे त्या परब्रह्माला हरप्रकारे जाणून घेतलेच पाहिजे. हीच साधना.

जगी थोरला देव तो चोरलासे । 

या उक्तीनुसार तो चर्मचक्षूंना दिसत नाही.

फक्त ज्ञानचक्षूंना गोचर असलेल्या

त्या निर्गुण निराकाराचे दर्शन घडले नाही, तर यमयातना, पुनरपि जननं , पुनरपि मरणं, पुनरपि जननी जठरे शयनम् । हे चुकत नाही.

ब्रह्मांडनायकाला प्रसन्न जे करून घेऊ 

शकतात ते सिद्धपुरूष होत. अशांनाच खरे देवशोधन घडले म्हणता येईल.

*देवशोधन समास.*

*संकलक : सुधीर देशपांडे (आबा)*

🙏 💐 💐 💐 💐 💐 🙏